रोमि 12:2 - याम्फु

² हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 12:2 Iomraidhean Croise

१ पत्‍रुस 1:14

लुबॽआ खा नुरोॽ ले़ःॽखुबा पिच्‍छाडोॽ लिबॽआसे़ॽ बिस्‍वास ले़ःॽमा याक्‍लो ले़ःॽपॽआ मङे़हा खाबेॽ हे़निङ हागो ए़राप्‍सानिङे।

२ कोरिन्‍थि 5:17

मोडोगे़ॽ असा खिरिस्‍टबेॽ टुये खो चोङ सिरिस्‍टि लिटे़, याक्‍लोहा हिङ्‌मवा माॽआहा, खाक्‍सानुमे हागो चोङ हिङ्‌मवा लिटे़।

कलस्‍सि 3:10

हागोगो हे़निङ चोङ लिनुङ मोमिनोॽ नुबा आनिबानि ले़ःॽखुबा लिटानिङे। हे़निङ टाङ्‌बामि सिरिस्‍टिदाङ्‌बामि नरिङ्‌डोॽ खोमिन्‍नोॽ निवाबेॽ चोङ लिमे़ॽनिङ्‌सिन्‍डानिङ।

एफिसि 5:17

मोडोगे़ॽ उम्‍बरिङ ए़ॽलिसानिङे, तर परभुडे़ॽ हे़निङे़ॽ इमा ले़ःॽपॽआ नेन्‍जोन्‍डुए मो खा नुरोॽ लेसानुमे।

१ पत्‍रुस 4:2

हागोएम्‍बाङ हे़निङ हिङ्‌रो याॽमिडे़ॽ मिॽटिडोॽ ने़ॽनि, तर निवाहाङ्‌डे़ॽ मिॽपॽआडोॽ हे़निङ्‌मि हिङ्‌मवाबेॽ ले़टानिङे।

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

युहन्‍ना 15:19

हे़निङ इगो मक्‍खाम्‍डेमबेॽहाजि ले़टानिङ्‌होङ खोजिडे़ॽ टाङ्‌बाङ मिॽनुङ हेनिङ नम्‍नम ले़टामि होला। तर हे़निङ इगो मक्‍खाम्‍डेमबेॽहाजि ले़टानिङ्‌नि, इन्‍ढोङ्‌होङ के़ॽ हे़निङ इगो मक्‍खाम्‍डेमबाङ से़म्‍बॽआसे़ॽ मक्‍खाम्‍डेमबेॽहाजिडे़ॽ हे़निङ सिॽचाम्‍मे।

रोमि 13:14

तर हागोएम्‍बाङ परभु येसु खिरिस्‍टमि बानि बेहोरानुङ्‌मा हिङ्‌मवा हिङ्‌मा। मोबा कानिङ्‌मि पापि निवे़ॽ मिॽपॽआ बानिबेहोरा लेॽपेमा।

तितस 3:5

मोबा खोसे़ॽ कानिङ हिङ्‌माराप्‍टा। कानिङ टाङ्‌बे़ॽ नुबा योम्‍बोक ले़ःॽपॽआसे़ॽको इडोॽ लिबॽआ ने़ॽनि। तर खोमिन्‍नोॽ नम्‍नावाबाङ चुप्‍पॽआ चोङ हिङ्‌मवाबेॽ फेङ्‌घुबा पबित्‍रा होङ्‌निवामि सक्‍तिबाङ कानिङ हिङ्‌इटिङ्‌मे।

याकुब 4:4

होउ बेभिचार ले़ःॽखुबा याॽमिजि, मक्‍खाम्‍डेमबेॽहा थोकनुङ लङ्‌गाम ले़ःॽमा लुबॽआ चाहिँ, निवाहाङ्‌नुङ सतुर लिबॽआ लुमे खा हे़निङे़ॽ लेसानुम्‍ने ? मोडोगे़ॽ असे़ॽ मक्‍खाम्‍डेमबेॽहा मङे़हा योम्‍बोकनुङ लङ्‌गाम ले़न्‍डुए, मोसे़ॽ खोमटाङ्‌बा निवाहाङ्‌मि सतुर लिये।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

युहन्‍ना 17:14

के़ॽ हे़ने़हा बचन खोजि पिटुङ्‌हाजि, तर खोजिसो काडोक्‍नोॽ मक्‍खाम्‍डेमबेॽहा याॽमिजि ने़ॽनिहाजि मोडोगे़ॽ मक्‍खाम्‍डेमबेॽहा याॽमिजिडे़ॽ खोजिसो सिॽचोन्‍डुजे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।

याकुब 1:27

निवाहाङ पाबाडे़ॽ नेन्‍जाबॽआ चाइबमा धरमि लुबॽआ चाहिँ दुःखबेॽ सिॽपॽआ राङ्‌मिॽमाजिनुङ टाङ्‌बाङ मे़ॽनिङ्‌हा नानिजि खाङ्‌मा, मोबा मक्‍खाम्‍डेमबेॽहा मङे़हा खाबाङ ओः पेम्‍मानोॽ नुबा लिये।

१ युहन्‍ना 3:13

वावानिसानुङ नानुसाजि, हे़निङ मक्‍खाम्‍डेमबेॽहा याॽमिजिडे़ॽ सिॽचामिहोङ खरि ए़मिनानिङे।

१ थेस्‍लोनिकि 4:3

हे़निङ पबित्‍रा लिसानिङे लुनुङ निवाहाङ्‌डे़ॽ मिॽइटे़, मोडोगे़ॽ चोप खालहा बेभिचारि योम्‍बोकबाङ ओः पेनानिङे।

१ युहन्‍ना 5:19

मक्‍खाम्‍डेम सैतानमि अधिनबेॽ सिॽपेबॽआहोङ्‌सो कानिङ चाहिँ निवाहाङ्‌मि याॽमिजि ले़न्‍डिङ्‌मा लुनुङ कानिङे़ॽ लेन्‍डुङ्‌मा।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

२ पत्‍रुस 2:20

तर माहाजिडे़ॽ कानिङ्‌मि परभुनुङ मुक्‍तिदाङ्‌बा येसु खिरिस्‍ट लेबेनुङ्‌सो मक्‍खाम्‍डेमबेॽहा चोप खालहा मङे़हा खाबाङ टेबेबॽआ याॽमिजिसो फेरि याक्‍लोहा मङे़हा खाबेॽनोॽ टेघे़ॽमिहोङ, माहाजिमि बिजोक याक्‍लोएबाङ्‌सो चुरोक्‍नोॽ मङे़ॽमा लिये।

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

गलाति 1:4

इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

१ कोरिन्‍थि 3:19

इन्‍ढोङ्‌होङ मक्‍खाम्‍डेममि निवा निवाहाङ्‌मि पोम्‍बेॽ उम्‍बरिङ खा लिये। धारमिक नेॽचिराबेॽ इडोॽ साप्‍पॽआ ले़ये, “निवाहाङ्‌डे़ॽ मक्‍खाम्‍डेमबेॽहा निवादाङ्‌बाजि खोजिमि चेन्‍दुबा खाबेॽनोॽ रेम्‍इन्‍डुजे।”

रोमि 7:22

काङ्‌मि होङ्‌निवा चाहिँ निवाहाङ्‌मि नियमबेॽ साप्‍थाङ्‌इये।

युहन्‍ना 7:7

मक्‍खाम्‍डेमबेॽहा याॽमिजिडे़ॽ हे़निङ सिच्‍चामिने, तर कागो सिच्‍चाम्‍मे, इन्‍ढोङ्‌होङ मक्‍खाम्‍डेमबेॽहा याॽमिजिमि चाल चलन मङे़हा ले़हा लुनुङ के़ॽ लुनुङ्‌हा।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

१ पत्‍रुस 2:3

इन्‍ढोङ्‌होङ परभु किरपा ले़ःॽखुबा ले़ये लुमे खा हे़निङे़ॽ लेबेटानुमे।

रोमि 7:12

धारमिक नियमगो पबित्‍रा ले़ये, मोबा धारमिक आग्‍यासो पबित्‍रा ले़येनुङ नुबा योम्‍बोक ले़न्‍डुए।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ पत्‍रुस 1:18

हे़निङे़ॽ नुरोॽ लेन्‍डानुमे, टाङ्‌बामि टुबालाबाजिमि पालोबाङ ले़ःॽचेॽपॽआ माङ्‌माङ्‌हा चालचलनबाङ छुट्‌कारा ले़ःॽमाबेॽ नासि लिघे़हा सुनानुङ सिसे़ङ्‌डे़ॽ छुटकारा ले़ःॽपॽआ ने़ॽनि।

युहन्‍ना 14:30

का हे़निङ्‌नुङ हागो बेॽलो खा यामुङानि, इन्‍ढोङ्‌होङ इगो मक्‍खाम्‍डेममि हाङ्‌बा लेम्‍मे़ॽनिङ्‌सिये। तर खोसे़ॽ का इमाङ्‌सो ले़ःॽहेङानिबा।

रोमि 7:14

धारमिक नियम निवाहाङ्‌मि होङ्‌निवाबाङ पिबॽआ खा ले़ये, इगो खा कानिङे़ॽ लेन्‍डुङ्‌मे़। तर का हिङाबेॽ टुङे पापडे़ॽ इम्‍बॽआ पापमि सेउतेडोॽ ले़ङे।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

मरकुस 4:19

मोबा माहाजिडे़ॽ निवाहाङ्‌मि सिक्‍छे खेम्‍गो खेम्‍इन्‍डुजे तर इगो मक्‍खाम्‍डेमबेॽहा सुरता, याङ्‌सरावामि नम्‍नमडे़ॽ मो बचन मिन्‍डेन्‍डुजे मोबा इक्‍कोसो चा किङ्‌निबा।

कलस्‍सि 1:9

मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।