रोमि 10:3 - याम्फु

³ इन्‍ढोङ्‌होङ निवाहाङ्‌मि पोम्‍बेॽ इन्‍डोक्‍टे धरमि लिमे लुमे खा खोजिडे़ॽ ले़ख्‍खो मे़ले़टुजि, बोरु खोजिटाङ्‌बामि पाराबाङ धरमि लिमायोक्‍माबेॽ निवाहाङ्‌डे़ॽ नेन्‍जबॽआ धारमिक लिमे खामि अधिनबेॽ मे़म्‍पेनामि।

रोमि 10:3 Iomraidhean Croise

लुका 10:29

तर मोसे़ॽ येसुमि पोम्‍बेॽ खोमटाङ्‌बा नुबा खाङ्‌मुमामि येसु सिप्‍सु, “मोडोक्‍होङ काङ्‌मि पेन्‍लागाम चाहिँ असाडे ?”

लुका 16:15

मोबा येसुडे़ॽ माहाजि लुसुजि, “हे़निङ याॽमिजिमि पोम्‍बेॽ नुबा रे़ङ्‌इन्‍डानिङे तर निवाहाङ्‌डे़ॽ हे़निङ्‌मि निवा लेन्‍डुए। इन्‍ढोङ्‌होङ याॽमिडे़ॽ बेॽए मिप्‍पॽआ खा निवाहाङ्‌डे़ॽ सिॽचोन्‍डुहा।

रोमि 1:17

इन्‍ढोङ्‌होङ सुसमाचारबाङ्‌नोॽ निवाहाङ्‌डे़ॽ खोमि पोम्‍बेॽ कानिङ इन्‍डोॽ धरमि टोङ्‌इये लुमे खा खाङ्‌मुये। मोबा इगो खा बिस्‍वासबाङ लेङ्‌येनुङ बिस्‍वासबाङ्‌नोॽ पुरा लिये। धारमिक नेॽचिराबेॽ इडोॽ साप्‍पॽआ ले़ये, “हाम्‍बे याॽमि निवाहाङ्‌मि बिस्‍वासबेॽ हिङ्‌इये, मो याॽमिडे़ॽ हिङ्‌मवा चुप्‍मिन्‍डुए।”

रोमि 10:2

माहाजिडे़ॽ निवाहाङ्‌मि सेवागो सारोनोॽ ले़ःॽमा योॽइन्‍डुजे लुमे खा के़ॽ लेनुङे़, तर इन्‍डोॽ ले़ःॽमा खे़ये लुमे चाइबमा निवा चाहिँ माॽआये।

रोमि 10:20

निवाहाङ्‌डे़ॽ लुबॽआ खा यसैया अगमबक्‍ताडे़ॽ हागोसो मे़ङ्‌किस्‍सिॽरेॽ लुये, “का योक्‍मानोॽ मे़योक्‍खुबाजिडे़ॽ का चुप्‍मिटामे, मोबा का योक्‍मानोॽ मे़योक्‍खुबाजिमि पोम्‍बेॽ का खाङ्‌मुसिङ”।

रोमि 11:7

मोडोगे़ॽ इडोॽ लुहेन्‍डुङ्‌मे़, इस्‍राएलिजिडे़ॽ निवाहाङ्‌मि पोम्‍बेॽ धरमि लिमा योक्‍माबेॽसो, माहाजि मे़लिहेसामि, तर निवाहाङ्‌डे़ॽ से़न्‍बॽआजिरेॽ धरमि लिसामि। हाइखा इस्‍राएलिजि चाहिँ छॽइये निवानुङ्‌हा लिसामि मोबा निवाहाङ्‌मि खा मे़ङ्‌खेप्‍सुजि।

रोमि 3:22

इडोॽ येसु खिरिस्‍टबेॽ बिस्‍वास ले़ःॽखुबा चोपजि निवाहाङ्‌डे़ॽ धरमि टोङ्‌इन्‍डुजे, इन्‍ढोङ्‌होङ खोसे़ॽ असासो काखा पाखा ले़टुजिने।

रोमि 3:26

निवाहाङ खोमटाङ्‌बा धरमि ले़ये, येसुबेॽ बिस्‍वास ले़ःॽखुबाजि खोसे़ॽ धरमि टोङ्‌इन्‍डुजे लुमे खा पक्‍का ले़ःॽमामि लागि खोसे़ॽ इडोक्‍मा योम्‍बोक ले़ए़टुए।

रोमि 5:19

इन्‍ढोङ्‌होङ इक्‍को याॽमिडे़ॽ आग्‍या पालना मे़ले़ःॽपॽआसे़ॽ बेॽलो याॽमिजि पापि लिसामि, मोडोक्‍नोॽ इक्‍को याॽमिडे़ॽ आग्‍या पालना ले़ःॽमाबेॽ बेॽलो याॽमिजि निवाहाङ्‌मि पोम्‍बेॽ धरमि ठरबा लिसामि।

२ कोरिन्‍थि 5:21

खिरिस्‍टबेॽ इक्‍कोसो पाप माडा, मोडोक्‍सो निवाहाङ्‌डे़ॽ कानिङ धरमि टोङ्‌मामि लागि खिरिस्‍टसोक्‍पेॽ कानिङ्‌मि पाप युङ्‌बेॽटु।

फिलिप्‍पि 3:9

मोबा का खोमिनोॽ लिहेमा लुनुङ इडोॽ ले़नुङे। यहुदि धारमिक नियम पालना ले़ःॽनुङ का धरमि लिहेङानि। तर के़ॽ खिरिस्‍टबेॽ बिस्‍वास ले़ःॽपॽआसे़ॽ हागो निवाहाङ्‌डे़ॽनोॽ का धरमि टोक्‍सा। मो धारमिक खा चाहिँ बिस्‍वास ले़ःॽनुङ चुप्‍मिये।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।