रोमि 1:9 - याम्फु

⁹ काङ्‌मि चोप निवाबाङ्‌नोॽ निवाहाङ्‌मि पसामि टुम्‍बेॽए सुसमाचार परचार ले़ःॽनुङ खोमि सेवा ले़नुङे। के़ॽ हे़निङ मे़मिन्‍डेॽटिॽ, तर सानिङ्‌नोॽ हे़निङ्‌मि लागि पारथना ले़ःॽमे़ॽनिङ्‌सिनुङे। इगो खामि लागि निवाहाङ्‌नोॽ काङ्‌मि साक्‍छि टुये।

रोमि 1:9 Iomraidhean Croise

मरकुस 1:1

निवाहाङ्‌मि पसा येसु मुक्‍ति पिघुबा हाङ्‌बा खिरिस्‍टमि टुम्‍बेॽ सुसमाचार इडोॽ तरिक्‍पुॽइये।

लुका 18:1

मोबा ए़क्‍साङ येसुडे़ॽ चोङ्‌साजि “सानिङ्‌नोॽ पारथना ले़ःॽमा खे़येनुङ हरेस चामा फे़न्‍निबा” लुमे खा इःॽमामि इडोॽ इःबेॽटुजि,

एप्‍पा चोङ्‌सा 12:5

पत्‍रुस तिरिङ्‌गा खिमबेॽ टुमाबेॽ मन्‍डलिबेॽहा याॽमिजिडे़ॽ खोमि लागि बेॽलो पारथना ले़ःॽमे़ॽनिङ्‌सिडुजे।

एप्‍पा चोङ्‌सा 19:21

मोबा ए़क्‍साङ पावलडे़ॽ माकेडोनियानुङ अखैया लुमे ठाउँ लिसाङ यरुसलेम खे़ॽमा मिना। खोसे़ॽ लुसु, “का मोबेॽ रुक्‍नुङ का रोम सहरबेॽसो खे़ॽमानोॽ खे़ये।”

एप्‍पा चोङ्‌सा 24:14

तर इक्‍को खा चाहिँ के़ॽ लुनुङे मुक्‍ति चुप्‍मिये राम इघाजिडे़ॽ मे़ॽनोक्‍मा लुन्‍डुजे मो रामबेॽ का राम्‍इङेनुङ कानिङ्‌मि टुबाजिडे़ॽ ओहाङ ले़ःॽपॽआ निवाहाङ्‌मि ओहाङ ले़नुङे। तर मोसाडे़ॽ पिबॽआ नियमनुङ अगमबक्‍ताडे़ॽ साप्‍पॽआ नेॽचिराबेॽ टुहा चोप खाबेॽ के़ॽ बिस्‍वास ले़नुङे।

एप्‍पा चोङ्‌सा 27:23

का निवाहाङ्‌मि याॽमि ले़ङेनुङ के़ॽ खोमिन्‍नोॽ सेवा ले़नुङे। आयु सेन्‍डा खोमिन्‍नोॽ इक्‍को थाङ्‌सिरिदुतडे़ॽ के़ए़ पोम्‍बेॽ येःप्‍नुङ लुसिङा।

एप्‍पा चोङ्‌सा 3:26

इडोॽ हे़निङ्‌मि मङे़हा योम्‍बोकबाङ टेआप्‍नुङ आसिस पिमामि लागि निवाहाङ्‌मि योम्‍बोक ले़ःॽखुबा येसु याक्‍लो हे़निङ्‌बेॽनोॽ पाङ्‌बॽआ ले़टे़।”

रोमि 9:1

हागो के़ॽ खिरिस्‍टमि निङ्‌बेॽ चाइबमा खा इःमे़ॽनिङ्‌सिनुङे़, रेम्‍डेॽपॽआ ने़ॽनि। पबित्‍रा होङ्‌निवामि पोम्‍बेॽ टुये काङ्‌मि नुबानुङ मङे़ॽमा खा लेघुबा निवाडे़ॽ इगो खामि साक्‍छि पिये।

२ कोरिन्‍थि 1:23

निवाहाङ के़ए़ साक्‍छि ले़ये, हे़निङ योप्‍मा मे़मिॽपॽआसे़ॽ का कोरिन्‍थिबेॽ मे़आबिङ।

२ कोरिन्‍थि 11:31

का रेम्‍डेॽङानि लुनुङ्‌गो परभु येसुमि पाबा निवाहाङ्‌डे़ॽनोॽ लेन्‍डुहा, सानिङ निवाहाङ ओहाङ लिरो।

गलाति 1:20

इघा के़ॽ साप्‍पॽआ खा मे़ॽनोक्‍हा ने़ॽनि, निवाहाङ्‌मि पोम्‍बेॽ का रेम्‍डेॽङानि।

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

फिलिप्‍पि 1:3

हे़निङ मिॽमाबेॽ सानिङ काङ्‌मि निवाहाङ ओहाक पिनुङे़।

फिलिप्‍पि 1:4

के़ॽ पारथना ले़ःॽमाबेॽ सानिङ हे़निङ चोपमि लागि साप्‍थाङ्‌मानुङ पारथना ले़नुङे।

फिलिप्‍पि 2:22

तर हे़निङे़ॽ तिमोथिमि आनिबानि नुबा ले़ये लुनुङ्‌गो नुरोॽ लेन्‍डानुमे, खोसे़ॽ इक्‍को पसाडे़ॽ खोम पाबानुङ योम्‍बोक ले़टिडोॽ कानुङ सुसमाचारमि योम्‍बोक ले़ए़टुए।

फिलिप्‍पि 3:3

इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

१ थेस्‍लोनिकि 1:2

कानिङे़ॽ हे़निङ्‌मि लागि सानिङ्‌नोॽ निवाहाङ ओहाक पिन्‍डुङ्‌मेनुङ हे़निङ्‌मि लागि पारथना ले़न्‍डुङ्‌मे।

१ थेस्‍लोनिकि 3:10

हे़निङ्‌नुङ चुप्‍हेमा लुनुङ कानिङ लेन्‍डा सेन्‍डा निवाहाङ्‌नुङ निवाहोङ्‌सिॽयुबाङ्‌नोॽ पारथना ले़ःॽमे़ॽनिङ्‌सिन्‍डिङ्‌मा। हे़निङ्‌नुङ चुप्‍टोक्‍माहोङ हे़निङ्‌मि बिस्‍वासबेॽ इमा इमा चुक्‍खे़ॽपॽआ ले़हा माहा पुरा ले़ःॽटोक्‍इन्‍डुङ्‌मा।

१ थेस्‍लोनिकि 5:17

सानिङ्‌नोॽ पारथना ले़टानिङे।

१ तिमोथि 2:7

मोडोगे़ॽ निवाहाङ्‌डे़ॽ का एप्‍पा चोङ्‌सा मोबा अयहुदि जातिहा याॽमिजि चाइबमा खा परचार ले़ःॽखुबा टोङ्‌इटे़। इगो खा के़ॽ चइबानोॽ लुबॽआयो, रेम्‍डेॽपॽआ ने़ॽनि।

२ तिमोथि 1:3

के़ॽ काङ्‌मि नुबानुङ मङे़ॽमा लेघुबा निवाडे़ॽ सेवा ले़ःपॽआ निवाहाङ ओहाक पिनुङे़, याक्‍लो खो के़हा टुबालाबाजिडे़ॽ सेवा ले़टुजे। के़ॽ सानिङ्‌नोॽ के़ए़ पारथनाबेॽ हे़न मिॽइन्‍ने़।

फिलेमोन 1:4

निसा फिलेमोन, के़ॽ पारथना ले़ःॽमाबेॽ हे़न मिॽनुङ काङ्‌मि निवाहाङ सानिङ ओहाक पिनुङे़।