रोमि 1:7 - याम्फु

⁷ रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 1:7 Iomraidhean Croise

मत्‍ति 5:16

इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

युहन्‍ना 20:17

येसुडे़ॽ मरियम लुसु, “का ए़ॽसुःप्‍मायो, का हागोरोसो पाबामि खिमबेॽ मे़ङ्‌खे़ॽटिॽङा। तर के़हा निसाजिबेॽ खे़ॽनुङ इगो खा लुबेॽटाजे, ‘के़ए़ पाबानुङ हे़निङ्‌मि पाबा, के़ए़ निवाहाङ्‌नुङ हे़निङ्‌मि निवाहाङ्‌बेॽ का खे़ॽमे़ॽनिङ्‌सिङे’।”

एप्‍पा चोङ्‌सा 15:23

माहा रिबाङ्‌मि हुकपेॽ इडोक्‍मा नेॽचिरा पाङ्‌हाक्‍सुजि, “एन्‍टिओखिया, सिरियानुङ किलिकियाबेॽ टुघुबा परभुबेॽ बिस्‍वास ले़ःॽखुबाजि कानिङ यरुसलेमबेॽहा एलडरनुङ एप्‍पा चोङ्‌साजिबाङ सेवा मुसिङ्‌मायो।

एप्‍पा चोङ्‌सा 9:13

हननियाडे़ॽ लुसु, “हे परभु, मोसे़ॽको यरुसलेमबेॽ टुघुबा बिस्‍वासिजि सारोनोॽ चुङ्‌जोन्‍डुजे लुबॽआ के़ॽ बेॽलो याॽमिजिबाङ खेम्‍इटुङे।

रोमि 1:6

हे़निङ्‌सो खोजिनुङ सोरि येसु खिरिस्‍टमि लिमामि लागि के़ए़टे़।

रोमि 5:1

मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

रोमि 8:39

मिॽटुहा सक्‍तिडे़ॽ अथबा मिॽमुहा सक्‍तिडे़ॽ चोप सिरिस्‍टिबेॽ टुहा इमाङ खाडे़ॽसो अथबा असे़ॽसो कानिङ बेॽलो नम्‍नम ले़ःॽखुबा परभु खिरिस्‍ट येसुमि पाबा निवाहाङ्‌मि नम्‍नमबाङ फाक्‍खे़ॽहेमिने।

रोमि 9:25

निवाहाङ्‌डे़ॽ लुबॽआ खा होसे लुमे अगमबक्‍ताडे़ॽ इडोॽ साप्‍मिटुए- “असाजि के़हा याॽमिजि मे़ले़टामि, माहाजिनोॽ के़ॽ काङ्‌मि याॽमिजि टोङ्‌इनुङ्‌हाजि। असाजि के़ॽ नम्‍नम मे़ले़टुङ्‌जिङ माहाजिनोॽ ‘के़ॽ नम्‍नम लेनुङ्‌हाजि’।”

१ कोरिन्‍थि 1:24

तर निवाहाङ्‌मि याॽमिजि लिमामि लागि के़ःॽपॽआ यहुदिनुङ अयहुदि निप्‍पाङे़ॽ खिरिस्‍टनोॽ निवाहाङ्‌मि सक्‍तिनुङ निवा ले़ये लुनुङ लेटुजे।

१ कोरिन्‍थि 16:23

परभु येसुमि अनुग्‍रहा हे़निङ्‌नुङ टुरो।

२ कोरिन्‍थि 13:14

परभु येसु खिरिस्‍टडे़ॽ हे़निङ अनुग्‍रहा ले़ःॽरो, निवाहाङ्‌मि नम्‍नमनुङ पबित्‍रा होङ्‌निवा हे़निङ्‌नुङ सानिङ टुडुङ्‌घे़ॽरो।

गलाति 6:18

काङ्‌मि वावानिसानुङ नानुसाजि, कानिङ्‌मि परभु येसु खिरिस्‍टमि अनुग्‍रहा हे़निङ्‌मि होङ्‌निवानुङ सानिङ टुरो। आमेन।

एफिसि 1:2

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

एफिसि 6:23

चोप बिस्‍वासि वावानिसानुङ नानुसाजिडे़ॽ निवाहाङ पाबानुङ परभु येसु खिरिस्‍टबाङ सान्‍तिनुङ बिस्‍वासनुङ्‌मा नम्‍नम चुप्‍टानुमे।

फिलिप्‍पि 1:2

कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ हे़निङ अनुग्‍रहा सान्‍ति पिरो।

फिलिप्‍पि 4:13

खिरिस्‍टडे़ॽ का पिबॽआ सक्‍तिबाङ्‌नोॽ इघा चोप खा के़ॽ ले़ःॽहेनुङे।

फिलिप्‍पि 4:20

हागो कानिङ्‌मि निवाहाङ पाबामि सानिङ महिमा लिडुङ्‌घे़ॽरो। आमेन।

फिलिप्‍पि 4:23

परभु येसु खिरिस्‍टमि अनुग्‍रहा हे़निङ्‌नुङ सानिङ टुरो।

कलस्‍सि 1:2

खिरिस्‍टबेॽ बिस्‍वास ले़ःॽखुबा कलस्‍सिबेॽहा पबित्‍रा याॽमिजिनुङ बिस्‍वासि वावानिसाजि इगो पत्‍रा साप्‍मे़ॽनिङ्‌सिनुङ्‌मे। कानिङ्‌मि निवाहाङ पाबाडे़ॽ अनुग्‍रहानुङ सान्‍ति पिसुजिरो।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

१ थेस्‍लोनिकि 1:1

निवाहाङ पाबानुङ परभु येसु खिरिस्‍टबेॽ बिस्‍वास ले़ःॽखुबा थेस्‍लोनिकिबेॽ टुहा मन्‍डलिबेॽहा चोप याॽमिजि कानिङ पावल, सिलासनुङ तिमोथि सुम्‍बाङ्‌डे़ॽ इगो पत्‍रा साप्‍मे़ॽनिङ्‌सिन्‍डुङ्‌मे। निवाहाङ्‌डे़ॽ हे़निङ चोप अनुग्‍रहानुङ सान्‍ति पिरो।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 1:4

वावानिसा नानुसाजि, कानिङे़ॽ इगो खा लेन्‍डुङ्‌मे़, निवाहाङ्‌डे़ॽनोॽ नम्‍नम ले़ःॽनुङ हे़निङ खोमि याॽमि लिमामि लागि से़ङ्‌इटे़।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

१ थेस्‍लोनिकि 5:28

कानिङ्‌मि परभु येसु खिरिस्‍टमि अनुग्‍रहा हे़निङ्‌बेॽ सानिङ्‌नोॽ टुडुङ्‌घे़ॽरो।

२ थेस्‍लोनिकि 1:2

निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिमिरो।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

२ थेस्‍लोनिकि 3:18

कानिङ्‌मि परभु येसु खिरिस्‍टमि अनुग्‍रहा हे़निङ चोपनुङ टुडुङ्‌घे़ॽरो।

१ तिमोथि 1:2

काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

१ तिमोथि 6:2

कानिङ्‌मि मायोङ्‌बासो बिस्‍वासि ले़ये लुनुङ ए़डे़ॽवारेॽनोॽ आदर ए़ले़ःॽमे इन्‍ढोङ्‌होङ खोजि बिस्‍वासि वावानिसाजि ले़म्‍मे। माहाजिडे़ॽ खोजिमि मायोङ्‌बा छना बेॽलो आदर ले़ःॽमा खे़ये, इन्‍ढोङ्‌होङ खोजिडे़ॽ ले़ःॽपॽआ योम्‍बोकबाङ बेॽलो फाइदा चुप्‍खुबा खोजिडे़ॽ नम्‍नम ले़ःॽपॽआ बिस्‍वासि मायोङ्‌बाजिनोॽ ले़म्‍मे। हे़ने़ॽ इडोक्‍हा खा सेउतेजि इःडाजेनुङ मोडोक्‍नोॽ ले़ःॽमा लुसाजे।

२ तिमोथि 1:2

के़ए़न्‍नोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। कानिङ्‌मि निवाहाङ पाबानुङ परभु येसु खिरिस्‍टडे़ॽ अनुग्‍रहा, किरपानुङ सान्‍ति हे़न पिरो।

२ तिमोथि 4:22

हे़ने़ए़ होङ्‌निवानुङ परभु सानिङ टुरो। हे़निङ चोपनुङ निवाहाङ्‌मि अनुग्‍रहा टुडुङ्‌घे़ॽरो।

तितस 1:4

इक्‍को बिस्‍वासबेॽ टुये के़ए़ चाइबमा पसाडोॽमा तितस, निवाहाङ पाबानुङ मुक्‍तिदाङ्‌बा खिरिस्‍ट येसुबाङ अनुग्‍रहानुङ सान्‍ति।

फिलेमोन 1:25

परभु येसु खिरिस्‍टमि अनुग्‍रहा हे़निङ चोपनुङ सानिङ टुरो।

फिलेमोन 1:3

इगो कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो!

याकुब 1:1

निवाहाङ्‌नुङ परभु येसु खिरिस्‍टमि योम्‍बोक ले़ःॽखुबा का याकुबबाङ इस्‍राएलबेॽहा इक्‍पोङ निच्‍चि कुलबेॽहा याॽमिजि इगो पत्‍रा साप्‍मे़ॽनिङ्‌सिनुङे, मोबा हे़निङ चोपजिबेॽ काङ्‌मि सेवायो।

१ पत्‍रुस 1:15

हे़निङ के़ःॽखुबा निवाहाङ पबित्‍रा ले़टिडोक्‍नोॽ हे़निङ्‌सो चोप योम्‍बोकपेॽनुङ खाबेॽ पबित्‍रा लिसानिङे।

१ युहन्‍ना 3:1

खाक्‍सानुमे, पाबाडे़ॽ कानिङ इन्‍डोक बेॽलो नम्‍नम ले़ए़टे़, खोमि नम्‍नमडे़ॽ कानिङ निवाहाङ्‌मि पसाजि लुनुङ लेम्‍मे, चइबानोॽ खोमिन्‍नोॽ पसाजिनोॽ ले़न्‍डिङ्‌मा। मक्‍खाम्‍डेमबेॽहा याॽमिजिडे़ॽ निवाहाङ मे़लेसुजि मोडोगे़ॽ कानिङ्‌सो लेमिनेबा।

२ युहन्‍ना 1:3

निवाहाङ पाबानुङ खोमपसा येसु खिरिस्‍टबाङ अनुग्‍रहा, किरपानुङ सान्‍ति कानिङ्‌नुङ चाइबमा खानुङ नम्‍नमबेॽ टुरो।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:12

“मोबा परगाममबेॽए मन्‍डलिबेॽ खाङ्‌खुबा अगुवाजि इगो खा साबे, निलामनोॽ धारनुङ्‌मा फेया काप्‍खुबा परभु येसुडे़ॽ इडोॽ लुये।

परकास 2:18

“मोबा थिआटिराबेॽए मन्‍डलि खाङ्‌खुबा अगुवा इगो खा साबे, इगो खा निवाहाङ्‌मि पसाडे़ॽ लुये, खोमि मिक मिमि राप्‍लवाडोॽ ले़ये, खोमि सराङ पे़ङ्‌नुङ पोॽइये काँसाडोॽ ले़हा।

परकास 2:29

पबित्‍रा होङ्‌निवाडे़ॽ मन्‍डलिबेॽहा बिस्‍वासिजि इमाङ लुन्‍डुजे, ने़ए़क काप्‍खुबा चोबे़ॽ खेप्‍सुजिरो।”

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 22:21

परभु येसुमि अनुग्‍रहा चोपनुङ सानिङ्‌मु टुडुङ्‌घे़ॽरो। आमेन।

परकास 3:14

“मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 3:22

पबित्‍रा होङ्‌निवाडे़ॽ मन्‍डलिजि इमाङ लुये, ने़ए़क कप्‍खुबाजि चोबे़ॽ खेप्‍सुजिरो।”

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।