6 हे़निङ्सो खोजिनुङ सोरि येसु खिरिस्टमि लिमामि लागि के़ए़टे़।
निवाहाङ्डे़ॽ के़ॽपॽआ याॽमिजि चाहिँ कानिङ्नोॽ ले़न्डिङ्मा। खोसे़ॽ यहुदिजिरेॽनोॽ ने़ॽनि तर अयहुदिजिसो के़डुजि।
निवाहाङ बिस्वासनुङ्मा ले़ये, मोडोगे़ॽनोॽ खोमि पसा परभु येसु खिरिस्टमि सङ्गतिबेॽ हे़निङ के़ए़टे़।
गलाति ठाउँबेॽहा बिस्वासि वावानिसाजि आयु के़ॽ हे़निङ्मि रुम्बेॽ लिमे़ॽसिबॽआ खा खेम्नुङ का खरि मिङ्इटिङे, इन्ढोङ्होङ खिरिस्टमि अनुग्रहाबेॽ के़ःॽपॽआ हे़निङे़ॽ इडोक चान्डोनोॽ खोमि नुबा खा लेॽनुङ हाइखा खाबेॽ खे़ॽए़टानिङ।
इन्ढोङ्होङ चोप योम्बोक निवाहाङ्डे़ॽ ले़ःॽमा मिॽपॽआडोक्नोॽ लिटाहा। निवाहाङ खोमटाङ्बे़ॽ कानिङ से़ना। इगो खा चाहिँ याक्लोएम्बाङ ले़ःॽमा मिॽपॽआ ले़टे़।
याक्लो इक्खेॽ हे़निङ निवाहाङ्बाङ ओः टुसानिङ। मङे़हा निवा खिनुङ मङे़हानोॽ योम्बोक ले़ःॽपॽआसे़ॽ निवाहाङ्मि टेडिघरिक याॽमि ले़टानिङ।
इगो सुसमाचार हे़निङ्बेॽ लेङ्इटे़, मोबा चइबानोॽ इगो खा मक्खाम्डेमबेॽहा चोप याॽमिजिमि लागि बेॽलोनोॽ नुबा लिमे़ॽनिङ्सिये। मोडोक्नोॽ निवाहाङ्मि अनुग्रहामि टुम्बेॽ हे़निङे़ॽ चाइबमा खाबेॽ खेम्बॽआनुङ लेबॽआ याकबाङ सुसमाचारडे़ॽ हे़निङ्बेॽसो नुबा योम्बोक ले़ःॽमे़ॽनिङ्सिन्डुए।
हे़निङ चोपनोॽ अरति पिसाङ्नुङ हाङ्हाङ पिसाङ निवाहाङ्डे़ॽ नेन्जामारोमा रामबेॽ राप्सानिङे लुनुङ आट पिसुङ्मा। इन्ढोङ्होङ खोमि राज्यनुङ महिमाबेॽ खोसे़ॽ के़ये।
इगो खामि लागिनोॽ कानिङे़ॽ खेम्मेॽपॽआ सुसमाचारबाङ कानिङ्मि परभु येसु खिरिस्टडे़ॽ चुप्पॽआ महिमा चुप्मामि लागि खोसे़ॽ हे़निङ के़ए़टे़।
निवाहाङ्डे़ॽनोॽ कानिङ पापबाङ छुट्कारा ले़ःॽनुङ खोमि पबित्रा याॽमि लिमामि से़न्इटे़। कानिङे़ॽ नुबा योम्बोक ले़ःॽपॽआसे़ॽको ने़ॽनि तर खोमटाङ्बामि योजनानुङ अनुग्रहाडे़ॽ कानिङ पापबाङ छुट्कारा ले़टा। इगो अनुग्रहा याक्लोनोॽ येसु खिरिस्टबेॽ कानिङ पिबॽआ ले़टे़।
मोडोगे़ॽ निवाहाङ्डे़ॽ से़म्बॽआ पबित्रा वावानिसानुङ नानुसाजि, निवाहाङ्डे़ॽ पाङ्बॽआ पसानुङ चोप्पाङ एप्पा याडाङ्बा लुनुङ कानिङे़ॽ बिस्वास ले़ःॽपॽआ येसुबेॽ निवा टिसानुमे।
इन्ढोङ्होङ इगोमि लागिनोॽ हे़निङ निवाहाङ्डे़ॽ से़ङ्इटे़। खिरिस्टडे़ॽसो हे़निङ्मि लागि बेॽलो खेः आक्सु, मोबा हे़निङ्मि लागि खोसे़ॽ आङ्बॽआ खेःनोॽ नमुनामि लागि ले़ये, मोबा हे़निङे़ॽसो खोसे़ॽ राम्बॽआ रामबेॽ राम्मा खे़ये।
तर हे़निङ्गो निवाहाङ्डे़ॽ से़म्बॽआ बङ्सजि, हाङ्बामि बङ्समि याडाङ्बाजि, पबित्रा जाति, निवाहाङ्मिन्नोॽ जनता ले़न्डानिङे, खोसे़ॽ हे़निङ खोमि खरिहा योम्बोक परचार ले़ःॽमामि से़ङ्इटे़।
मोडोगे़ॽ वावानिसानुङ नानुसाजि, निवाहाङ्डे़ॽ हे़निङ के़ःॽपॽआनुङ से़म्बॽआ खा पक्का टोङ्मामि बोल ले़टानुमे। हे़निङे़ॽ इडोॽ ले़टानुमहोङ हे़निङ्मि बिस्वास इन्डोक्पेॽसो काङ्घे़ॽनिबा।
का याकुबमि निसा, मोबा येसु खिरिस्टमि सेउते यहुदा ले़ङे। निवाहाङ पाबाडे़ॽ के़ःप्पॽआनुङ नम्नम मिॽपॽआजि, मोबा येसु खिरिस्टडे़ॽ रच्छे ले़ःॽपॽआजि इगो पत्रा साप्हाङ्मे़ॽसिनुङे।
अक्खाजि थुमामि बिरोधबेॽ ङेः ले़न्डुजे, तर अक्खाजि थुमाडे़ॽ हेजोन्डुजे, इन्ढोङ्होङ खो परभुजिमि परभुनुङ हाङ्बाजिमि हाङ्बा ले़ये। खोनुङ सोरि टुघुबाजि चाहिँ के़ःॽपॽआजि, से़न्बॽआजिनुङ बिस्वासनुङ्हाजि ले़म्मे।”
