रोमि 1:5 - याम्फु

⁵ खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 1:5 Iomraidhean Croise

युहन्‍ना 1:16

खोमि महान अनुग्‍रहाबाङ कानिङे़ॽ बेॽलो आसिस सोक्‍पेॽ आसिस चुप्‍मिटुङ्‌मा।

एप्‍पा चोङ्‌सा 1:25

निवाहाङ्‌मि योम्‍बोक ले़ःॽमामि यहुदामि साटोबेॽ इघा निप्‍पाङ्‌बेॽ हे़ने़ॽ से़न्‍बॽआ एप्‍पा चोङ्‌सा कानिङ लेमेॽमा, इन्‍ढोङ्‌होङ यहुदाडे़ॽको नुबा राम लेॽनुङ खो खे़न्‍जाये मङे़ॽमा रामबेॽ खे़ॽपेसा।”

एप्‍पा चोङ्‌सा 15:14

निवाहाङ खोमदाङ्‌बे़ॽ अयहुदि जातिजिमि निवाबेॽ योम्‍बोक ले़ःॽनुङ माहाजि खोमि याॽमिजि टोक्‍सुजि। इगो खागो सिमोन पत्‍रुसडे़ॽ हागोनोॽ हे़निङ लुबेटे़।

एप्‍पा चोङ्‌सा 6:7

निवाहाङ्‌मि बचन चोप ठाउँराजि मुक्‍खडा। मोबा परभु येसुबेॽ बिस्‍वास ले़ःॽखुबाजि यरुसलेमबेॽ छना बेॽलो लिसामि। मोबा बेॽलो याडाङ्‌बाजिडे़ॽसो परभु येसुमि निङ्‌बेॽ बिस्‍वास ले़टुजि।

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

रोमि 12:3

निवाहाङ्‌डे़ॽ का ले़ःॽपॽआ अनुग्‍रहाबाङ के़ॽ हे़निङ लुनिम्‍ने़, हे़निङे़ॽ टाङ्‌बा इन्‍डोक्‍मा मिॽमा खे़ये, मोबाङ बेॽए ए़ॽमिडानुमे, तर निवाहाङबेॽ बिस्‍वास ले़ःॽखुबाजि पिबॽआ बरदान इन्‍डोक बेॽलो टुये मोडोक्‍रेॽ मिडानुमे।

रोमि 16:26

तर हागो येसु खिरिस्‍टमि टुम्‍बेॽहा खा अगमबक्‍ताजि साप्‍मेॽनुङ छे़ङ्‌गै टोङ्‌इटुए। मोबा इगो सुसमाचारबाङ्‌नोॽ चोप याॽमिजिडे़ॽ खोबेॽ बिस्‍वास ले़ःॽनुङ खोमि आग्‍या पालना ले़टुजिरो लुनुङ इन्‍डोक्‍पेॽसो सिघे़ॽनिबा निवाहाङ्‌डे़ॽ चोप याॽमिजिबेॽ मोबा चोप ठाउँबेॽ इगो सुसमाचार परचार ले़ःॽमामि आग्‍या ले़टा।

रोमि 3:29

इमा निवाहाङ यहुदिजिमिरेॽ निवाहाङ ले़ये ? इमा अयहुदिजिमि चाहिँ ने़ॽनिबा ? तर मोडोॽको ने़ॽनिबा! खोगो चोप याॽमिजिमि निवाहाङ ले़ये।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 9:2

हाइखा याॽमिजिडे़ॽ का एप्‍पा चोङ्‌सा मे़मिॽमिहोङ्‌सो, हे़निङे़ॽको मिॽइन्‍डानिङे, इन्‍ढोङ्‌होङ का एप्‍पा चोङ्‌सा ले़ङे लुनुङ हे़निङे़ॽ परभुबेॽ बिस्‍वास ले़ःॽपॽआडे़ॽनोॽ साक्‍छि पिये।

एफिसि 1:12

याक्‍लोनोॽ खिरिस्‍टबेॽ भरोसा ले़ःॽखुबा कानिङ यहुदिजि निवाहाङ्‌डे़ॽ खोमि ओहाङ महिमा ले़ःॽमामि लागि से़ना।

एफिसि 1:6

मोडोगे़ॽ इडोॽ बेॽलो अनुग्‍रहामि लागि निवाहाङ ओहाक पिमायो, इन्‍ढोङ्‌होङ खोसे़ॽ कानिङ खोमि नम्‍नम मिॽपॽआ पसा कानिङ्‌मि लागि मोडोक्‍नोॽ (सित्‍तैबेॽ) पिसा।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।