रोमि 1:16 - याम्फु

¹⁶ याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

रोमि 1:16 Iomraidhean Croise

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

लुका 9:26

असे़ॽ के़ॽ इःॽपॽआ खा ले़ःॽमानुङ के़ए़ निङ लामा ङेसिये, का याॽमिमि पसासो के़ए़ निवाहाङ पाबा, मोबा पबित्‍रा थाङ्‌सिरिदुतजिमि महिमानुङ लेम्‍माबेॽ मो याॽमिनुङ ङेसिङे।

युहन्‍ना 7:35

मोबा यहुदि डायोङ्‌बाजि खोजिदाङ्‌बा कासामि, “कानिङे़ॽ मे़न्‍चुप्हेमे हाम्‍बे ठाउँबेॽ इगो येसु खे़ॽसिॽपोरोइटे़ ? इमा इगोसे़ॽ गिरिक जातिहा याॽमिजि खोरो हाःनुङ पेम्‍बॽआ यहुदिजिबेॽ खे़ॽनुङ गिरिक जातिहा याॽमिजि सिक्‍छे पिमा योॽइटुए ?

एप्‍पा चोङ्‌सा 3:26

इडोॽ हे़निङ्‌मि मङे़हा योम्‍बोकबाङ टेआप्‍नुङ आसिस पिमामि लागि निवाहाङ्‌मि योम्‍बोक ले़ःॽखुबा येसु याक्‍लो हे़निङ्‌बेॽनोॽ पाङ्‌बॽआ ले़टे़।”

रोमि 10:17

बिस्‍वास चाहिँ खेम्‍बॽआ खाबाङ्‌नोॽ लेङ्‌इये, मो खा चाहिँ खिरिस्‍टमि परचारबाङ लेङ्‌इये।

रोमि 15:19

इघा खरिहा योम्‍बोकनुङ सक्‍तिनुङ्‌हा चिङ्‌गा पबित्‍रा होङ्‌निवामि सक्‍तिडे़ॽ ले़ए़टुङे। इडोॽ के़ॽ यरुसलेमबाङ इल्‍लुरिकन देसठोक चोप ठाउँ खिरिस्‍टमि टुम्‍बेॽ नुरोॽ सुसमाचार परचार ले़ए़टुङे।

रोमि 15:29

का हे़निङ्‌बेॽ लेम्‍माबेॽ खिरिस्‍टबाङ चुप्‍पॽआ चोप आसिसनुङ लेङ्‌इङे़।

रोमि 2:9

मङे़हा योम्‍बोक ले़ःॽखुबा चोप याॽमिजिसोक्‍पेॽ बेॽए सङ्‌कस्‍ट, खेःनुङ बिपत्‍ति लेङ्‌इहा, याक्‍लो यहुदिजिबेॽ, मोबा ए़क्‍साङ अयहुदिजिबेॽ लेङ्‌इये।

रोमि 4:11

मोडोगे़ॽ खतना चाहिँ खोमि बिस्‍वासडे़ॽ निवाहाङ्‌बाङ धरमि ठरबा लिबॽआ चिङ्‌गा ले़टा। इडोॽ अब्‍राहाममि खतना ले़ःॽमा याक्‍लोनोॽ निवाहाङ्‌बेॽ ले़ःॽपॽआ बिस्‍वासडे़ॽनोॽ धरमि लिनुङ अयहुदि जातिजिमिसो टुबा लाबा लिरो लुनुङ इडोॽ लिसा।

१ कोरिन्‍थि 15:2

मो सुसमाचारबाङ हे़निङे़ॽ छुट्‌कारा चुप्‍मिन्‍डानुमे। के़ॽ हे़निङ खेम्‍मेॽपॽआ सुसमाचारबेॽ सानिङ बिस्‍वास ले़टानुमहोङ मोसे़ॽ हे़निङ सानिङ हिङ्‌इन्‍डानिङे। ने़ॽनिहोङ्‌गो हे़निङ्‌मि बिस्‍वास योम्‍बोक मे़ॽनिङ्‌मा लिये।

१ कोरिन्‍थि 2:2

इन्‍ढोङ्‌होङ हे़निङ्‌नुङ टुमाबेॽ के़ॽ येसु खिरिस्‍ट मोबा खो काप्‍सिङ्‌बेॽ सिबॽआ खाबाङ हाइखा इमाङ खासो इःमा मे़मिॽटुङ।

१ कोरिन्‍थि 2:4

के़ॽ अरतिनुङ परचार ले़ःॽमाबेॽ चेन्‍दुबानुङ बेॽहा बेॽहा निवादाङ्‌बा खा मे़इःसुङ, तर के़ॽ परचार ले़ःॽपॽआ खा चाइबमा ले़ये लुनुङ पबित्‍रा होङ्‌निवामि सक्‍ति खाङ्‌मुसुङ।

१ कोरिन्‍थि 9:12

हाइखाजिडे़ॽ हे़निङ्‌बाङ इमाङ थोक चुप्‍मिन्‍डुजेहोङ कानिङे़ॽको माहाजिबाङ्‌सो बेॽलो चुप्‍मा खे़ये ने़ॽने़न्‍डे ? तर कानिङे़ॽ इगो हक योक्‍मामि साटो खिरिस्‍टमि सुसमाचार खेम्‍मेॽमाबेॽ इमाङ्‌सो बाधा मे़सिॽलो लुनुङ कानिङे़ॽ चोप खा आक्‍सुङ्‌मा।

१ कोरिन्‍थि 9:18

मोडोक्‍होङ के़ए़ नमयाक चाहिँ इमाङ्‌डे ? काङ्‌मि हकबाङ चुप्‍मिये नमयाक मे़ॽनिङ्‌नोॽ सुसमाचार परचार ले़टोक्‍मानोॽ के़ए़ नमयाक ले़ये।

२ कोरिन्‍थि 2:12

का खिरिस्‍टमि सुसमाचार परचार ले़ःॽसिॽ तोरोआस सहरबेॽ रुक्‍माबेॽ परभुडे़ॽनोॽ खोमि योम्‍बोक ले़ःॽमे नुबा मौका पिसा।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 9:13

इडोक्‍हा योम्‍बोकबाङ हे़निङ इन्‍डोक्‍हा याॽमिजि ले़न्‍डानिङे लुनुङ खाङ्‌मुये। खिरिस्‍टमि सुसमाचारमि लागि हे़निङे़ॽ भक्‍तिनुङ नुबा निवाडे़ॽ हाइखाजिमि लागि पिबॽआ खाङ्‌नुङ याॽमिजिडे़ॽ निवाहाङ ओहाङ ले़न्‍डुजे।

गलाति 1:7

चइबानोॽ खिरिस्‍टमि सुसमाचारबाङ हाइको सुसमाचार माॽआये, तर कोहि याॽमिजिडे़ॽ खिरिस्‍टमि सुसमाचार हाइकेलाम फेङ्‌घे़ॽमा योक्‍पॽआसे़ॽ इगो खा के़ॽ हे़निङ लुमे़ॽनिङ्‌सिनिम्‍ने़।

१ थेस्‍लोनिकि 2:13

कानिङे़ॽ निवाहाङ्‌मि बचन इःॽमाबेॽ हे़निङे़ॽ मो खा याॽमिबाङ्‌ए ने़ॽनि निवाहाङ्‌मिनोॽ मिॽनुङ खेप्‍सानुम। चइबानोॽ इगो खा निवाहाङ्‌बाङ्‌एनोॽ ले़टे़। मो सिक्‍छेडे़ॽ आयुसो हे़निङ बिस्‍वासिजिमि हिङ्‌मवाबेॽ योम्‍बोक ले़ःॽमे़ॽनिङ्‌सिन्‍डुए। मो खामि लागि कानिङे़ॽ निवाहाङ सानिङ्‌नोॽ ओहाक पिन्‍डुङ्‌मे।

१ तिमोथि 1:11

इगो सिक्‍छे चाहिँ कानिङ आसिस पिघुबा निवाहाङ्‌डे़ॽ काबेॽ भोर ले़ःॽनुङ परचार ले़ःॽमामि लागि पिबॽआ महिमित सुसमाचारबेॽ टुये।

२ तिमोथि 1:12

मोडोगे़ॽ इघा खामि लागि खेः आङ्‌मे़ॽनिङ्‌सिनुङे। तर का इघामि लागि खेः आङ्‌मा ङेसिङानि इन्‍ढोङ्‌होङ के़ॽ असासोक्‍पेॽ बिस्‍वास ले़ःॽए़टुङे मो के़ॽ नुरोॽ लेनुङे़। निवाहाङ्‌डे़ॽ का जिम्‍मा पिबॽआ योम्‍बोक खोसे़ॽनोॽ मो याकठोक जोगबा ले़ङे लुनुङ का ढुक्‍का ले़ङे।

२ तिमोथि 1:16

ओनेसिफरसमि खिमबेॽ परभुडे़ॽ नम्‍नावा ले़टुरो इन्‍ढोङ्‌होङ का तिरिङ्‌गा खिमबेॽ से़क्‍सिघे़ॽमाबेॽ का चुप्‍सिॽ लेम्‍मा खो मे़ङेसिडा, मोबा खोसे़ॽ का खेःबेॽ टुमाबेॽ बेॽलोखेॽ हौसला पिटे़।

२ तिमोथि 1:8

मोडोगे़ॽ कानिङ्‌मि परभु येसुमि टुम्‍बेॽ साक्‍छि पिमा, मोबा का खिरिस्‍टमि निङ्‌बेॽ तिरिङ्‌गा खिमबेॽ सिॽपॽआ खाबेॽ ए़ॽङेसिने तर हे़नसो सुसमाचार खेम्‍मेॽमामि लागि निवाहाङ्‌मि बोलबेॽ काडोॽ खेः आङ्‌सिॽ पोरोगे।

हिब्‍रु 4:12

निवाहाङ्‌मि बचनगो हिङ्‌रिक ले़येनुङ सानिङ्‌नोॽ योम्‍बोक ले़न्‍डुए। खोमि बचन निच्‍चिलामनोॽ धारनुङ्‌मा फेयाबाङ्‌सो बेॽलो वे़ङ्‌इये। इगोसे़ॽ होङ्‌सिॽयु खे़ॽनुङ सोःक्‍मानुङ होङ्‌निवा हान्‍डुए, मोबा जोरनिनुङ से़ॽकोॽवा खोरो खोरो टोङ्‌इन्‍डुए, निवा होङ्‌सिॽयुनुङ निवे़ॽ मिॽपॽआ खा जाँच ले़ःॽहेन्‍डुए।

१ पत्‍रुस 4:16

तर खिरिस्‍टियान लिबॽआसे़ॽ दुःख आङ्‌मासिॽहोङ ए़ङेसिडानिङे। तर खिरिस्‍टमि लिडोक्‍पॽआसे़ॽ निवाहाङ ओहाक पिसानुमे।