रोमि 1:11 - याम्फु

¹¹ इन्‍ढोङ्‌होङ हे़निङ बिस्‍वासबेॽ बोलियो टोङ्‌मामि पबित्‍रा होङ्‌निवाडे़ॽ पिबॽआ आसिस हे़निङ्‌नुङ हाःजाहेमा लुनुङ हे़निङ चुप्‍सिॽ आप्‍मा सारो मिङ्‌इटिङे।

रोमि 1:11 Iomraidhean Croise

एप्‍पा चोङ्‌सा 16:5

इडोॽ मन्‍डलिबेॽहा याॽमिजिमि बिस्‍वास छना नुबा लिघडा, मोबा परभुबेॽ बिस्‍वास ले़ःॽखुबा याॽमिजि बेॽलो लिघडामि।

एप्‍पा चोङ्‌सा 19:21

मोबा ए़क्‍साङ पावलडे़ॽ माकेडोनियानुङ अखैया लुमे ठाउँ लिसाङ यरुसलेम खे़ॽमा मिना। खोसे़ॽ लुसु, “का मोबेॽ रुक्‍नुङ का रोम सहरबेॽसो खे़ॽमानोॽ खे़ये।”

एप्‍पा चोङ्‌सा 19:6

मोबा पावलडे़ॽ माहाजिसोक्‍पेॽ हुक युङ्‌नुङ माहाजिबेॽ पबित्‍रा होङ्‌निवा लेस्‍सा। मोडोक्‍पेॽ माहाजिडे़ॽ हाइखा खाप्‍लाबेॽ यामुसामिनुङ अगमबानि इःबोगुजि।

रोमि 1:12

काङ्‌मि बिस्‍वासडे़ॽ हे़निङ, हे़निङ्‌मि बिस्‍वासडे़ॽ का बोलियो टोङ्‌इये। इडोॽ कानिङ इक्‍कोसे़ॽ हाइको खाङ्‌नुङ बोल चुप्‍रो लुनुङ के़ॽ मिॽइटुङे।

रोमि 15:23

तर हागो इघा ठाउँराजि सुसमाचार परचारमि योम्‍बोक येप्‍पेटुङ्‌हा। मोबा बेॽलो निङ्‌बाङ हे़निङ चुप्‍सिॽ आप्‍मा मिनिङे।

रोमि 15:29

का हे़निङ्‌बेॽ लेम्‍माबेॽ खिरिस्‍टबाङ चुप्‍पॽआ चोप आसिसनुङ लेङ्‌इङे़।

रोमि 15:32

मोबा ए़क्‍साङ निवाहाङ्‌डे़ॽ मिडुहोङ का साप्‍थाङ्‌मानुङ हे़निङ्‌बेॽ लेङ्‌इङे़, मोबा सोरि सङ्‌गति ले़ःॽनुङ हाङ्‌हाङ ले़टि।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

२ कोरिन्‍थि 1:15

कानिङे़ॽ इक्‍कोसे़ॽ हाइको नुरोॽ लेन्‍डानुमे लुमे खाबेॽ पक्‍का भरोसा काबेॽ टुसे़। मोडोगे़ॽ हे़निङे़ॽ फेरिसो आसिस चुप्‍टानुमे लुनुङ हाइके खेॽ हे़निङ चुप्‍सिॽ आप्‍मा मिनिङे।

२ कोरिन्‍थि 1:21

हे़निङ्‌नुङ कानिङ खिरिस्‍टबेॽ बोलियो टोङ्‌घुबानुङ कानिङ से़ङ्‌घुबा निवाहाङ्‌नोॽ ले़ये।

२ कोरिन्‍थि 11:4

इन्‍ढोङ्‌होङ हे़निङ्‌बेॽ याॽमिजि लेन्‍नुङ हाइको येसुमि टुम्‍बेॽ परचार ले़पेॽमिहोङ मोबा हे़निङे़ॽ चुप्‍पॽआ होङ्‌निवानुङ सुसमाचारबाङ हाइकोनोॽ होङ्‌निवानुङ सुसमाचार खेम्‍मेॽमिहोङ हे़निङे़ॽ चइबानोॽ मिॽइन्‍डानुमेले़, मोबा हे़निङे़ॽको ने़ःक्‍चइ बिस्‍वास ले़न्‍डानुमेले़ः।

२ कोरिन्‍थि 9:14

हे़निङ्‌बेॽ निवाहाङ्‌डे़ॽ इडोॽ बेॽलो अनुग्‍रहा ले़ःॽपॽआ खाङ्‌नुङ माहाजिडे़ॽ बेॽलो नम्‍नम ले़ःॽनुङ हे़निङ्‌मि लागि पारथना ले़न्‍डुजे।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

फिलिप्‍पि 2:26

खोसे़ॽसो हे़निङ चुप्‍मामि बेॽलो मिॽइटुए, खो टुक्‍पॽआ खा हे़निङे़ॽसो खेम्‍इटानुमे लुनुङ बेॽलो सुरता मिङ्‌इटे़।

फिलिप्‍पि 4:1

मोडोगे़ॽ के़हा वावानिसानुङ नानुसाजि, हे़निङ्‌नोॽ के़ॽ बेॽलो नम्‍नम ले़ःॽपॽआजि ले़न्‍डानिङ, मोबा हे़निङ चुप्‍मा सारोनोॽ मिॽइनिम्‍ने़। हे़निङे़ॽ का साप्‍थाङ्‌मेॽटानिङ, हे़निङ काङ्‌मि योम्‍बोकमि इनाम ले़न्‍डानिङे। हे़निङ इडोक्‍नोॽ परभुबेॽ सानिङ बोलियो लिनुङ हिक्‍सानिङे।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

२ थेस्‍लोनिकि 2:17

खोजिडे़ॽनोॽ चोप नुबा योम्‍बोकनुङ खाबेॽ साहसनुङ सक्‍ति हे़निङ पिरो।

२ थेस्‍लोनिकि 3:3

तर परभु सानिङ्‌नोॽ बिस्‍वासनुङ्‌मा ले़ये। खोसे़ॽ हे़निङ बोलियो टोङ्‌इयेनुङ दुस्‍टाबाङ रच्‍छे ले़ये।

हिब्‍रु 13:9

बेॽलो खाल खालहा सिक्‍छे लेङ्‌इहा माहा खेम्‍नुङ ए़फाङ्‌सिघडानिङे। चामे उङ्‌मे खामि नियमबाङ ने़ॽनि, निवाहाङ्‌मिनोॽ अनुग्‍रहाडे़ॽ हे़निङ्‌मि निवा बोलियो टोङ्‌मा चाहिँ नुबा लिये। चामे, उङ्‌मे नियम पालना ले़ःॽखुबाजिमि भलो असामिसो आयुरो मे़लिडिॽ।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

१ पत्‍रुस 5:12

बिस्‍वासनुङ्‌मा के़ए़ निसा सिलास इगो ए़डे़म्‍मा पत्‍रा साप्‍मेटुङे। के़ॽ इगो पत्‍रा चाहिँ निवाहाङ्‌मि चाइबमा अनुग्‍रहामि साक्‍छि पिमामिनुङ साहस पिमामि साप्‍मिटुङे। हे़निङ इगो अनुग्‍रहाबेॽ बोलियो लिनुङ पेनानिङे।

२ पत्‍रुस 1:12

मोडोगे़ॽ इघा खा हे़निङ सानिङ लुनिम्‍ने़। हे़निङे़ॽसो इघा खा नुरोॽ लेन्‍डानुमे, हे़निङे़ॽ चुप्‍पॽआ चाइबमा खाबेॽ सानिङ बोलियो ले़न्‍डानिङ।