रोमि 1:1 - याम्फु

¹ येसु खिरिस्‍टमि सेउते, खोमि एप्‍पा चोङ्‌सा लिमामि लागि के़ःॽपॽआ का पावलडे़ॽ इगो पत्‍रा साप्‍मे़ॽनिङ्‌सिनुङे़, मोबा का निवाहाङ्‌मि सुसमाचार परचार ले़ःॽमामि लागि से़ङ्‌इटे़।

रोमि 1:1 Iomraidhean Croise

मरकुस 1:14

ए़क्‍साङ युहन्‍ना तिरिङ्‌गा खिमबेॽ राःप्‍खे़ॽनुङ ए़क्‍साङ येसुडे़ॽ निवाहाङ्‌मि सुसमाचार याॽमिजि परचार ले़ःॽसाङ गालिलबेॽ लेस्‍सा।

युहन्‍ना 12:26

काङ्‌मि योम्‍बोक ले़ःॽमा मिॽखुबा कानुङ राम्‍मा खे़ये। का हाम्‍बेॽ हाम्‍बेॽ खे़ॽए़ङे, काङ्‌मि योम्‍बोक ले़ःॽमा मिॽखुबासो मोबेॽनोॽ खे़ॽमा खे़ये। काङ्‌मि पाबाडे़ॽ खो खाङ्‌इन्‍डुए।”

युहन्‍ना 15:15

हागोएम्‍बाङ के़ॽ हे़निङ सेउतेजि लुनिम्‍नानि, इन्‍ढोङ्‌होङ मोमि मायोङ्‌बाडे़ॽ इमाङ ले़न्‍डुए मो सेउतेडे़ॽ लेसुनि, तर के़ॽ हे़निङ लङ्‌गाम लुनिम्‍ने़, इन्‍ढोङ्‌होङ काङ्‌मि पाबाबाङ खेम्‍बॽआ चोप खा हे़निङ्‌सो इःबेनिम्‍ने़।

युहन्‍ना 15:20

के़ॽ हे़निङ लुबॽआ बचन नुरोॽ मिॽयुक्‍सानुमे ‘सेउते खोम मायोङ्‌बाबाङ एप्‍पा लिहेनिबा।’ खोजिडे़ॽ का चुङ्‌जामिहोङ हे़निङ्‌सो चुङ्‌जाम्‍मे, खोजिडे़ॽ के़हा बचन पालना ले़टुजिहोङ हे़निङ्‌मि बचनसो पालना ले़न्‍डुजे।

एप्‍पा चोङ्‌सा 13:9

मोबा सावलडे़ॽ (सावलनोॽ पावलसो लुन्‍डुजे) पबित्‍रा होङ्‌निवामि सक्‍तिडे़ॽ टिप्‍नुङ एलुमास खाङ्‌साङ लुसु,

एप्‍पा चोङ्‌सा 20:24

तरसो के़ए़ हिङ्‌मवागो काङ्‌मि लागि इमाङ्‌सो योम्‍बोक ले़ःॽनिबा। के़ॽ मिॽपॽआ इगोरेॽनोॽ टुये निवाहाङ्‌डे़ॽ चोप याॽमिजि अनुग्‍रहा ले़ए़टे़ लुमे सुसमाचार चोप ठाउँराजि खेम्‍मेहेमा। इगो योम्‍बोक चाहिँ का परभु येसुडे़ॽ ले़ःॽमा लुटिङे।

एप्‍पा चोङ्‌सा 21:40

तिरिङ्‌गाजिमि चोप्‍पाङ एप्‍पाडे़ॽ यामुसे़ लुसु, मोबा पावलडे़ॽ थेनाङ्‌बेॽ येःप्‍नुङ याॽमिजि हुकमि खाप्‍लाडे़ॽ योङ उगानिङे लुसुजि। मोबाङ ए़क्‍साङ पावलडे़ॽ हिब्‍रु खाप्‍लाबेॽ इःबोगु–

एप्‍पा चोङ्‌सा 22:21

तर परभुडे़ॽ लुसिङ, ‘हे़न खडे, के़ॽ ओः ओःराजि अयहुदि जातिजिबेॽ हे़न पाङ्‌मे़ॽनिङ्‌सिन्‍ने़’।”

एप्‍पा चोङ्‌सा 22:7

का भुइबेॽ काङ्‌घडिङ। मोडोक्‍पेॽनोॽ के़ॽ इक्‍को इडोॽ लुबॽआ खेप्‍सुङ, ‘सावल, होउ सावल, हे़ने़ॽ का इन्‍ढोङ चुङ्‌जाङे ?’

एप्‍पा चोङ्‌सा 26:1

मोबा ए़क्‍साङ अग्‍रिपाडे़ॽ पावल लुसु, “हागो हे़ने़ए़ खा युङ्‌मा टुउहोङ युङ्‌डोॽइन्‍डुए।” पावलडे़ॽ खोमि हुक ठेॽसाङ टाङ्‌बामि खा इःबोगु

एप्‍पा चोङ्‌सा 26:14

मोबा कानिङ चोप भुइबेॽ काङ्‌घडिङ्‌मा मोडोक्‍पेॽनोॽ हिब्‍रु खाप्‍लाबेॽ इडोॽ लुबॽआ के़ॽ खेप्‍सुङ, ‘सावल, होउ सावल, हे़ने़ॽ का इन्‍ढोङ चुङ्‌जाङे ? चुजुमा टाकुवाबेॽ हे़ने़ॽ सराङेॽ इक्‍माबेॽ हे़ने़ए़न्‍नोॽ सराङ्‌बेॽ खाॽइये’।

एप्‍पा चोङ्‌सा 27:23

का निवाहाङ्‌मि याॽमि ले़ङेनुङ के़ॽ खोमिन्‍नोॽ सेवा ले़नुङे। आयु सेन्‍डा खोमिन्‍नोॽ इक्‍को थाङ्‌सिरिदुतडे़ॽ के़ए़ पोम्‍बेॽ येःप्‍नुङ लुसिङा।

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

रोमि 1:16

याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 1:9

काङ्‌मि चोप निवाबाङ्‌नोॽ निवाहाङ्‌मि पसामि टुम्‍बेॽए सुसमाचार परचार ले़ःॽनुङ खोमि सेवा ले़नुङे। के़ॽ हे़निङ मे़मिन्‍डेॽटिॽ, तर सानिङ्‌नोॽ हे़निङ्‌मि लागि पारथना ले़ःॽमे़ॽनिङ्‌सिनुङे। इगो खामि लागि निवाहाङ्‌नोॽ काङ्‌मि साक्‍छि टुये।

रोमि 11:13

हागो के़ॽ हे़निङ अयहुदि जातिजि लुनिम्‍ने़, का चाहिँ हे़निङ अयहुदिजिमि लागि से़न्‍बॽआ खिरिस्‍टमि एप्‍पा चोङ्‌सा ले़ङे। यहुदिजिमि पोम्‍बेॽ के़ॽ इगो योम्‍बोक छना बेॽए मिॽइनुङे।

रोमि 15:16

इक्‍को याडाङ्‌बाडे़ॽ निवाहाङ्‌मि पोम्‍बेॽ नेन्‍जामारोमा भेटि चेॽटिबॽआडोॽ के़ॽसो माहा अयहुदि याॽमिजि सुसमाचार खेम्‍मेॽनुङ, पबित्‍रा होङ्‌निवाबाङ चोखो टोङ्‌नुङ निवाहाङ्‌डे़ॽ नेन्‍जोन्‍डुए भेटिडोॽ खोमि पोम्‍बेॽ लाजे़टुङ्‌हाजि।

रोमि 15:29

का हे़निङ्‌बेॽ लेम्‍माबेॽ खिरिस्‍टबाङ चुप्‍पॽआ चोप आसिसनुङ लेङ्‌इङे़।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

१ कोरिन्‍थि 1:1

निवाहाङ्‌मि निवाबाङ खिरिस्‍ट येसुमि एप्‍पा चोङ्‌सा लिमामि के़ःॽपॽआ का पावलनुङ सोस्‍थेनेस निसाबाङ इगो पत्‍रा साप्‍मे़ॽनिङ्‌सिन्‍जुङे।

१ कोरिन्‍थि 9:1

इमा का फुक्‍का ले़ःॽङानि ? इमा का एप्‍पा चोङ्‌सा ने़ॽनिबा ? इमा के़ॽ कानिङ्‌मि परभु येसु मे़ङ्‌खाङ्‌डिटुङे ? के़ॽ खेम्‍मेॽपॽआ सुसमाचारबाङ्‌नोॽ हे़निङे़ॽ परभुबेॽ बिस्‍वास ले़ःॽपॽआ ने़ॽनेन्‍डे ?

२ कोरिन्‍थि 1:1

निवाहाङ्‌डे़ॽ मिॽटिडोक्‍नोॽ खिरिस्‍ट येसुमि एप्‍पा चोङ्‌सा लिबॽआ का पावलनुङ कानिङ्‌मि निसा तिमोथिबाङ, निवाहाङ्‌बेॽ बिस्‍वास ले़ःॽखुबा कोरिन्‍थि सहरबेॽ पेङ्‌घुबा याॽमिजि, मोबा अखैया मुलुकबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिन्‍जुङे।

२ कोरिन्‍थि 11:5

माहा खोजि टाङ्‌बा चोप्‍पाङ एप्‍पा चोङ्‌सा मिॽखुबाजिबाङ का इमाङ खाबेॽसो चुक्‍ङानिबा।

२ कोरिन्‍थि 11:7

का ए़डेॽमा लिनुङ हे़निङ चाहिँ बेॽहा टोङ्‌नुङ निवाहाङ्‌मि सुसमाचार के़ॽ हे़निङ्‌नुङ इमाङ मे़लारेॽ खेम्‍मेॽमाबेॽ इमा के़ॽ पाप लेटुङे ?

२ कोरिन्‍थि 12:11

हे़निङे़ॽनोॽ का उम्‍बरिङ्‌डोॽ कामेॽटानिङ, इन्‍ढोङ्‌होङ हे़निङ्‌बाङ्‌गो काङ्‌मि आदर लिमा खडे़। का इमाङ मे़ले़टिङासो माहा बेॽहा बेॽहा एप्‍पा चोङ्‌साजिबाङ चुक्‍ङानिबा।

२ कोरिन्‍थि 2:12

का खिरिस्‍टमि सुसमाचार परचार ले़ःॽसिॽ तोरोआस सहरबेॽ रुक्‍माबेॽ परभुडे़ॽनोॽ खोमि योम्‍बोक ले़ःॽमे नुबा मौका पिसा।

२ कोरिन्‍थि 4:5

कानिङ टाङ्‌बामि खा परचार ले़टुङ्‌मानि, तर येसुमि लागि कानिङ हे़निङ्‌मि सेउते लिनुङ येसु खिरिस्‍टनोॽ परभु ले़ये लुनुङ परचार ले़न्‍डुङ्‌मे़।

गलाति 1:1

का पावल एप्‍पा चोङ्‌साबाङ गलातिबेॽहा मन्‍डलिमि लागि इगो पत्‍रा साप्‍मे़ॽनिङ्‌सिनुङे। का एप्‍पा चोङ्‌सा लिबॽआ चाहिँ याॽमिबाङ ने़ॽनि, याॽमिजिमि अधिकारबाङ्‌सो ने़ॽनि तर येसु खिरिस्‍टडे़ॽ मोबा खो सिबॽआबाङ हिङ्‌बोक्‍खुबा निवाहाङ पाबाडे़ॽनोॽ से़न्‍इटिङे।

एफिसि 1:1

निवाहाङ्‌डे़ॽ मिॽपॽआबाङ खिरिस्‍ट येसुमि एप्‍पा चोङ्‌सा लिबॽआ का पावलबाङ, खिरिस्‍ट येसुबेॽ बिस्‍वास ले़ःॽखुबा एफिससबेॽहा पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे।

एफिसि 1:13

मोडोक्‍नोॽ हे़निङे़ॽसो मुक्‍ति पिघुबा चाइबमा सुसमाचार खेम्‍नुङ खिरिस्‍टबेॽ बिस्‍वास ले़टानुम। निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवामि छाप टिनुङ निवाहाङ्‌डे़ॽ हे़निङ खोमि याॽमिजि टोङ्‌बॽआ परमान पिसा।

एफिसि 4:11

खोसे़ॽ इन्‍डोक जना याॽमिजि खोमि एप्‍पा चोङ्‌साजि, अगमबक्‍ताजि, सुसमाचार खेम्‍मेॽखुबाजि, मन्‍डलि खाङ्‌खुबा अगुवाजि मोबा सिक्‍छे इःॽखुबाजि इडोॽ खाल खालहा बरदान पिसुजि।

फिलिप्‍पि 1:1

फिलिप्‍पि सहरबेॽ टुघुबा पबित्‍रा याॽमिजि, मन्‍डलि रेखदेख ले़ःॽखुबा अगुवाजि, डिकनजिनुङ बिस्‍वासिजिमि लागि काजिङ येसु खिरिस्‍टमि सेउतेजि पावलनुङ तिमोथिडे़ॽ इगो पत्‍रा साप्‍हाङ्‌मे़ॽसिन्‍जुङे।

फिलिप्‍पि 2:11

मोबा चोबे़ॽ निवाहाङ पाबानोॽ ओहाङ पिमामि लागि येसु खिरिस्‍टनोॽ परभु ले़ये लुनुङ स्‍विकार ले़ःॽमा खे़ये।

कलस्‍सि 1:1

निवाहाङ्‌डे़ॽ मिॽपॽआबाङ खिरिस्‍ट येसुमि एप्‍पा चोङ्‌सा लिबॽआ का पावलनुङ कानिङ्‌मि निसा तिमोथिबाङ,

कलस्‍सि 1:25

निवाहाङ्‌डे़ॽनोॽ का मन्‍डलिबेॽ योम्‍बोक ले़ःॽखुबा टोक्‍सिङ मोबा हे़निङ्‌मिनोॽ भलोमि लागि खोमि सिक्‍छे नुरोॽ खेम्‍मेॽमे योम्‍बोकमि जिम्‍मा पिसा।

१ थेस्‍लोनिकि 2:2

हे़निङे़ॽ लेन्‍डानुम, आक्‍कोबेॽ लेम्‍मा याक्‍लो फिलिप्‍पि ठाउँबेॽहा याॽमिजिडे़ॽ कानिङ बेॽलो दुःख पिसामिनुङ कानिङ ङेम्‍मानोॽ चुक्‍सामि। मोडोक्‍सो निवाहाङ्‌डे़ॽ कानिङ आँटिलो टोक्‍सा, थेस्‍लोनिकिबेॽ बेॽलो टेडिघरिक याॽमिजि टुसामिरोसो कानिङे़ॽ हे़निङ सुसमाचार खेम्‍मेॽटुङ्‌मा।

१ थेस्‍लोनिकि 2:8

चइबानोॽ कानिङे़ॽ हे़निङ सारोनोॽ नम्‍नम ले़ःॽपॽआसे़ॽ निवाहाङ्‌मि सुसमाचाररेॽ ने़ॽनि, तर कानिङ्‌मि हिङ्‌मवानोॽ पिमासो पोरोगिङ्‌मा।

१ थेस्‍लोनिकि 2:9

वावानिसानुङ नानुसाजि, हे़निङे़ॽ नुरोॽ लेन्‍डानुमे, कानिङे़ॽ ले़ःॽमे़ॽ हे़निङ असासो कानिङ कुमे भार मे़न्‍सिॽलो लुनुङ कानिङ पाप्‍मिहा चोप खामि लागि कानिङ्‌टाङ्‌बा लेन्‍डा सेन्‍डा योम्‍बोक ले़ःॽसाङ हे़निङ सुसमाचार खेम्‍मेॽटुङ्‌मा।

१ तिमोथि 1:1

कानिङ मुक्‍ति पिघुबा निवाहाङ्‌नुङ आसा पिघुबा येसु खिरिस्‍टडे़ॽ आग्‍या पिडिडोॽ का पावल खोमि एप्‍पा चोङ्‌सा लिसिङ।

१ तिमोथि 2:7

मोडोगे़ॽ निवाहाङ्‌डे़ॽ का एप्‍पा चोङ्‌सा मोबा अयहुदि जातिहा याॽमिजि चाइबमा खा परचार ले़ःॽखुबा टोङ्‌इटे़। इगो खा के़ॽ चइबानोॽ लुबॽआयो, रेम्‍डेॽपॽआ ने़ॽनि।

२ तिमोथि 1:11

निवाहाङ्‌डे़ॽ का इगो सुसमाचार परचार ले़ःॽखुबा, इक्‍को एप्‍पा चोङ्‌सानुङ इगो खा इःॽखुबा टोङ्‌इटिङे।

तितस 1:1

का पावल निवाहाङ्‌मि योम्‍बोक ले़ःॽखुबानुङ खिरिस्‍ट येसुमि एप्‍पा चोङ्‌साबाङ निवाहाङ्‌डे़ॽ से़म्‍बॽआजिमि बिस्‍वास, भक्‍तिनुङ टोङ्‌इहा खोजिमि चाइबमा निवा इःॽसिॽ का पाङ्‌इटिङे,

हिब्‍रु 5:4

असासो खोमदाङ्‌बे़ॽ मिॽनुङ चोप्‍पाङ एप्‍पा याडाङ्‌बा लिहेनिबा, तर निवाहाङ्‌डे़ॽनोॽ खो हारुन याडाङ्‌बा से़न्‍डिडोक्‍नोॽ महान याडाङ्‌बामि योम्‍बोकमि लागि से़म्‍मा खे़ये।

हिब्‍रु 7:26

खोडोॽमानोॽ इक्‍को चोप्‍पाङ एप्‍पा याडाङ्‌बा कानिङ्‌मि लागि पाप्‍मिये। खो पबित्‍रा ले़ये, आप्‍टिक मे़ॽनिङ्‌मा ले़ये, खोट मे़ॽनिङ्‌मा ले़ये, खो पापि याॽमिजिबाङ खोरोमा ले़ये, मोबा खो चोप्‍पाङ मिॽटु थाङ्‌सिरिबेॽ युङ्‌इटुए।

याकुब 1:1

निवाहाङ्‌नुङ परभु येसु खिरिस्‍टमि योम्‍बोक ले़ःॽखुबा का याकुबबाङ इस्‍राएलबेॽहा इक्‍पोङ निच्‍चि कुलबेॽहा याॽमिजि इगो पत्‍रा साप्‍मे़ॽनिङ्‌सिनुङे, मोबा हे़निङ चोपजिबेॽ काङ्‌मि सेवायो।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।

परकास 1:1

इगो नेॽचिराबेॽ येसु खिरिस्‍टडे़ॽ युहन्‍ना पिबॽआ सेन्‍जिसेम्‍माङ्‌मि टुम्‍बेॽ साप्‍पॽआ ले़ये। मो खा चाहिँ हागो चान्‍डोनोॽ लिसिॽपोरोइटे़ लुनुङ निवाहाङ्‌डे़ॽ खोमि याॽमिजि खाङ्‌मेॽमामि लागि परभु येसुमि राम्‍बाङ सेन्‍जिसेम्‍माङ पिसु। मोबा येसुडे़ॽ इघा लुमामि लागि, इक्‍को थाङ्‌सिरिदुत खोमि एप्‍पा चोङ्‌सा युहन्‍नाबेॽ पाक्‍सु।

परकास 22:6

मो थाङ्‌सिरिदुतडे़ॽ का लुसिङ, “इघा बचन बिस्‍वास ले़ःॽमारोहानुङ चइबानोॽहा ले़हा। हागो चान्‍डोनोॽ लिजाहा खा टाङ्‌बामि सेवाकजि खाङ्‌मेॽमामि, अगमबक्‍ताजि होङ्‌निवा पिघुबा परमपरभु निवाहाङ्‌डे़ॽ टाङ्‌बामि थाङ्‌सिरिदुत पाङ्‌इटुए।”

परकास 22:9

तर खोसे़ॽ का लुसिङा, “खाक्‍से, हे़ने़ॽ का ढोग ए़ले़ःॽङे। कागो हे़न्‍नुङ अगमबानि इःघुबा हे़ने़हा निसाजिनुङ इगो नेॽचिरामि बचन पालना ले़ःॽखुबा निवाहाङ्‌मि सेउतेरेॽनोॽ ले़ङे। मोडोगे़ॽ हे़ने़ॽ निवाहाङ चाहिँ ढोग ले़टे।”