परकास 9:21 - याम्फु

²¹ माहाजिडे़ॽ याॽमि सेॽमा, चटक ले़ःॽमा, बेभिचारि योम्‍बोक ले़ःॽमानुङ खुजामा मे़ले़डुजि।

परकास 9:21 Iomraidhean Croise

मत्‍ति 15:19

इन्‍ढोङ्‌होङ दुस्‍ट निवा खिमा, याॽमि सेॽमा, बेभिचार ले़ःॽमा, खाल खालहा बेभिचारि पाप ले़ःॽमा, खुजामा, मे़ॽनोक्‍हा साक्‍छि पिमानुङ याॽमिजि इःजामा इघा चोप मङे़हा खा याॽमिमि निवाबाङ्‌नोॽ लेङ्‌इहा।

२ कोरिन्‍थि 12:21

हाइकोखेॽ हे़निङ्‌बेॽ लेम्‍माबेॽ आक्‍कोबेॽहा इक्‍को निप्‍पाङ याॽमिजिडे़ॽ याक्‍लोनोॽ इडोक्‍हा पाप योम्‍बोक असुद्‌ध योम्‍बोक, बेभिचारनुङ ङेसिमा टे़क्‍टे़क्‍हा योम्‍बोक ले़ःॽनुङ्‌सो निवाहाङ्‌बेॽ मे़न्‍टेबॽआ खाङ्‌नुङ दुःखि लिमा खे़येन्‍डे मिॽइनुङे। इडोॽ निवाहाङ्‌डे़ॽ का हे़निङ्‌मि पोम्‍बेॽनोॽ मिॽमु युङ्‌इयेन्‍डे मिॽनुङ का किस्‍सिङे।

गलाति 5:20

मुरति पुजा ले़ःॽमा, चटक ले़ःॽमा, सतुर लिमा, खिमाचुमा, चेजेवा के़ॽमा, सुरके़ॽमा, टाङ्‌बामि लागिरेॽ भलो खाङ्‌मा, खिमाराप्‍मा, मङे़हा खामि लागि मोत्‍त इमा,

परकास 13:13

मो हाइकोमा जिवातडे़ॽ याॽमिजिमि पोम्‍बेॽनोॽ नान्‍द्‌रुङ्‌माबाङ मक्‍खाम्‍डेमबेॽ मि हेओक्‍टु, इडोॽ मो ए़क्‍साङ्‌मा जिवातडे़ॽ खरि खरिहा चिङ्‌गा खाङ्‌मुसु।

परकास 13:15

मो याक्‍लोमा जिवातमि मुरतिमि पुजा मे़ले़ःॽखुबाजि सेॽनेमामि लागि मोमि मुरति यामुहेरो लुनुङ सोःक्‍मा एम्‍मे अधिकार मो ए़क्‍साङ्‌मा जिवात पिबॽआ ले़टे़।

परकास 13:7

मोबा मो जिवात चाहिँ निवाहाङ्‌मि याॽमिजिनुङ काक्‍नुङ खोजि हेजामे अधिकार पिबॽआ ले़टे़। मोबा चोप बङ्‌सजि, याॽमिजि, खाल खालहा खाप्‍लानुङ जातिजिसोक्‍पेॽ अधिन ले़ःॽमे अधिकार पिबॽआ ले़टे़।

परकास 14:8

मोबा हाइको इक्‍को थाङ्‌सिरिदुत वोमानुङ इडोॽ कासा “बेॽए सहर बेबिलोन नासि लिसा! मोसे़ॽ जाति जातिहा याॽमिजि नसाडे़ॽ सेॽखे़ॽपॽआडोॽ खोमि बेभिचारनुङ सुरिकमि मद्‌य उङ्‌मेॽनुङ सेॽखे़ॽमेॽटुजि।”

परकास 16:6

इन्‍ढोङ्‌होङ हे़ने़हा अगमबक्‍ताजिनुङ हे़ने़हा याॽमिजि खोजिडे़ॽ सेॽनेसुजि, मोबा हे़ने़ॽ माहाजि हरि उङ्‌मेटुजि, अक्‍खाजिडे़ॽ चुप्‍मा खडे़ दन्‍डानोॽ चुप्‍मिटुजे।”

परकास 17:2

मोनुङ मक्‍खाम्‍डेमबेॽहा चोप हाङ्‌बाजिडे़ॽ बेभिचार ले़ए़टुजे, मोबा मक्‍खाम्‍डेमबेॽहा याॽमिजि मोमि बेभिचारमि निसाडे़ॽ सेॽखे़टुजे।”

परकास 17:4

मो मेॽनामिॽडे़ॽ बैजनि रङ्‌मानुङ हररामा पोॽइये चेॽ चाङ्‌बॽआ ले़टा, खो सुना, रत्‍ननुङ मोति वे़ःॽमानुङ चाक्‍पॽआ ले़टा। मोसे़ॽ हुकपेॽ इक्‍को खोरिया याङ्‌बॽआ ले़टा, मो खोरिया इॽठुप चिक्‍चिमिॽमारोहा बेभिचारमि खा टुसा।

परकास 17:5

मोमि तुरुवाबेॽ लेमा छॽइये इक्‍को निङ साप्‍पॽआ ले़टा, “बेॽए सहर बेबिलोन, मक्‍खाम्‍डेमबेॽ बेभिचार ले़ःॽखुबाजिमिनुङ चिक्‍चिमिॽमारोहा खामि मामा।”

परकास 18:3

इन्‍ढोङ्‌होङ चोप जातिहा याॽमिजि मो बेस्‍या मेॽनामिॽमि बेभिचारमि मद्‌यडे़ॽ सेॽखे़टामे। मोबा मक्‍खाम्‍डेमबेॽहा चोप हाङ्‌बाजिडे़ॽ मोनुङ बेभिचार ले़ए़टुजे, मोबा मोसे़ॽ नेन्‍जाबॽआनुङ मिॽपॽआडोॽमा हिङ्‌मवा हिङ्‌बॽआसे़ॽ मक्‍खाम्‍डेमबेॽहा चोप हाङ्‌बाजि मोमि लालचाडे़ॽ टिप्‍खे़टुजे।”

परकास 19:2

इन्‍ढोङ्‌होङ खोमि न्‍याय ठिकनुङ चाइबमा ले़ये। बेभिचारि योम्‍बोकडे़ॽ चोप मक्‍खाम्‍डेम नासि ले़ःॽखुबा मो बेस्‍या मेॽनामिॽ निवाहाङ्‌डे़ॽ ठिक दन्‍डा पिनुङ खोमि याॽमिजि सेॽनेबॽआ हरिमि साटो लाटुए।”

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 22:15

तर हुःॽवाडोॽ बेहोरा ले़ःॽखुबाजि, टुनामुना ले़ःॽखुबाजि, बेभिचार ले़ःॽखुबाजि, याॽमि सेॽखुबाजि, मुरति पुजा ले़ःॽखुबाजि, रेम्‍सिङ खा नेन्‍जाखुबाजि इडोक्‍हा चोपजि सहरबाङ पाखे़ॽयुनोॽ सिॽइम्‍मे।

परकास 9:20

इघा बिपतबाङ मे़सिबॽआ याॽमिजिडे़ॽ मङे़हा योम्‍बोक ले़ःॽमा मे़लेडुजि। माहाजिडे़ॽ मङे़हा चापमि मोबा सुनामि, सिसे़ङ्‌मि, काँसोमि, रुङ्‌गोॽवामिनुङ सिङ्‌बुमि टोङ्‌बॽआ खाङ्‌हेसुनिबा, खेम्‍हेसुनिबा, राम्‍हेनिबा, मुरतिमि पुजा ले़ःॽमा मे़लेडुजि।