परकास 9:20 - याम्फु

²⁰ इघा बिपतबाङ मे़सिबॽआ याॽमिजिडे़ॽ मङे़हा योम्‍बोक ले़ःॽमा मे़लेडुजि। माहाजिडे़ॽ मङे़हा चापमि मोबा सुनामि, सिसे़ङ्‌मि, काँसोमि, रुङ्‌गोॽवामिनुङ सिङ्‌बुमि टोङ्‌बॽआ खाङ्‌हेसुनिबा, खेम्‍हेसुनिबा, राम्‍हेनिबा, मुरतिमि पुजा ले़ःॽमा मे़लेडुजि।

परकास 9:20 Iomraidhean Croise

मत्‍ति 21:32

इन्‍ढोङ्‌होङ युहन्‍ना हे़निङ्‌बेॽ धारमिक राम लेमेॽसिॽ लेम्‍बॽआ ले़टे़, तर हे़निङे़ॽ खोमि खाबेॽ बिस्‍वास मे़ले़टानुम। तर मे़क्‍चेन लाघुबाजिनुङ बेस्‍याजिडे़ॽ मो खाबेॽ बिस्‍वास ले़टुजि। हे़निङे़ॽ इडोक्‍हा खा खाङ्‌नुङ्‌सो निवाहाङ्‌बेॽ मे़न्‍टेसानिङ्‌नुङ मोबा खोमि खाबेॽ बिस्‍वास मे़ले़टानुम।”

एप्‍पा चोङ्‌सा 17:29

“इडोॽ कानिङ निवाहाङ्‌मि पसाजि लियेम्‍बाङ कानिङे़ॽ निवाहाङ याॽमिमि निवाडे़ॽनुङ सिपडे़ॽ टोङ्‌बॽआ सिसे़ङ्‌मि, रुङ्‌गोॽवामिनुङ सुनामि मुरतिडोॽमा कानिङे़ॽ मिॽमा फे़न्‍निबा।

एप्‍पा चोङ्‌सा 19:26

तर इगो पावलडे़ॽ इमाङ लुमे़ॽनिङ्‌सिन्‍डुए हे़निङे़ॽनोॽ खाङ्‌मे़ॽनुङ खेम्‍मे़ॽनिङ्‌सिन्‍डानुमे। याॽमिजिमि हुगे़ॽ टोङ्‌बॽआ देउताजि चाहिँ देउतानोॽ ने़ॽनिहाजि लुमे़ॽनिङ्‌सिये। इगोसे़ॽ इगो एफिससनुङ एसियाबेॽ पेङ्‌खुबा चोप याॽमिजि खोमि खा इःॽनुङ खोमिलाम लाघे़ॽसिॽपोरोइटुए।

एप्‍पा चोङ्‌सा 7:41

“मोडोगे़ॽ माहाजिडे़ॽ इक्‍को पिक पसामि मुरति टोङ्‌नुङ मोमि पोम्‍बेॽ भोग पिसुजि। खोजिटाङ्‌बे़ॽ टोङ्‌बॽआ मुरति पुजा ले़ःॽनुङ साप्‍थाक्‍सामि।

२ कोरिन्‍थि 12:21

हाइकोखेॽ हे़निङ्‌बेॽ लेम्‍माबेॽ आक्‍कोबेॽहा इक्‍को निप्‍पाङ याॽमिजिडे़ॽ याक्‍लोनोॽ इडोक्‍हा पाप योम्‍बोक असुद्‌ध योम्‍बोक, बेभिचारनुङ ङेसिमा टे़क्‍टे़क्‍हा योम्‍बोक ले़ःॽनुङ्‌सो निवाहाङ्‌बेॽ मे़न्‍टेबॽआ खाङ्‌नुङ दुःखि लिमा खे़येन्‍डे मिॽइनुङे। इडोॽ निवाहाङ्‌डे़ॽ का हे़निङ्‌मि पोम्‍बेॽनोॽ मिॽमु युङ्‌इयेन्‍डे मिॽनुङ का किस्‍सिङे।

१ तिमोथि 4:1

पबित्‍रा होङ्‌निवाडे़ॽ कानिङ छे़ङ्‌गै लुटे़, ए़क्‍साङ ए़क्‍साङ इन्‍डोक याॽमिजि बिस्‍वासबाङ टेघे़म्‍मे। खोजिडे़ॽ रेम्‍सिङ होङ्‌निवामि आदर ले़न्‍डुजे मोबा मङे़ॽमा चापजिडे़ॽ इःॽपॽआ सिक्‍छे खेम्‍इन्‍डुजे।

परकास 15:1

के़ॽ थाङ्‌सिरिबेॽ बेॽएम्‍मानुङ खरिमा हाइको इक्‍को चिङ्‌गा खाङ्‌डोक्‍टुङ, एच्‍चि थाङ्‌सिरिदुतजिडे़ॽ एच्‍चि गोटा बिपत्‍ति याङ्‌बॽआ ले़टा। माहा बिपत्‍ति चाहिँ निवाहाङ्‌मि ए़क्‍साङ्‌मा सुरिकमि बिपत्‍ति ले़टा।

परकास 16:8

मोबा ए़क्‍साङ रिउममा थाङ्‌सिरिदुतडे़ॽ खोमि खोरिया नमसोक्‍पेॽ ओप्‍ए़न्‍डु, मोबाङ नमडे़ॽ याॽमि हिॽमे सक्‍ति चुप्‍टु।

परकास 9:19

इन्‍ढोङ्‌होङ माहा घोडाजिमि याबुकनुङ मिराबेॽ सेॽनेमे सक्‍ति टुसा। माहाजिमि मिरा सिक्‍चानुङ्‌मा पुसे़ॽमि निन्‍डवाँडोॽ ले़टा, मोसे़ॽ याॽमिजि ओगुजे।

परकास 9:21

माहाजिडे़ॽ याॽमि सेॽमा, चटक ले़ःॽमा, बेभिचारि योम्‍बोक ले़ःॽमानुङ खुजामा मे़ले़डुजि।