परकास 8:3 - याम्फु

³ मोबा हाइको इक्‍को थाङ्‌सिरिदुत लेन्‍नुङ सुनामि धुपा इक्‍ठाम याङ्‌मानुङ बेदिमि के़क्‍पेॽ येःबा। हाङ्‌पेन्‍ढाममि पोम्‍बेॽए सुनामि बेदिबेॽ निवाहाङ्‌मि पबित्‍रा याॽमिजिमि बिन्‍ति पारथनानुङ नम्‍जानुहा धुपा चेॽटिमामि लागि खो पिसु।

परकास 8:3 Iomraidhean Croise

लुका 1:10

धुपा इक्‍मे बेलाबेॽ मन्‍दिर ओम्‍फिॽयु हाइखा बेॽलो याॽमिजिसो निवाहाङ्‌नुङ पारथना ले़ःॽमे़ॽनिङ्‌सिडामि।

रोमि 8:34

मोडोगे़ॽ हे़निङ दन्‍डामि आग्‍या पिघुबा असाडे ? हे़निङ्‌मि लागि सिघुबा येसु खिरिस्‍ट खो सिबॽआबाङ निवाहाङ्‌डे़ॽ हिङ्‌बोगु आयु निवाहाङ्‌मि चुप्‍थिङ्‌लाम टुये, मोबा खोसे़ॽ कानिङ्‌मि लागि निवाहाङ्‌नुङ बिन्‍ति ले़ःॽमे़निङ्‌सिन्‍डुए।

हिब्‍रु 7:25

मोडोगे़ॽ येसुबेॽ बिस्‍वास ले़ःॽनुङ निवाहाङ्‌बेॽ आप्‍खुबाजि खोसे़ॽ सानिङ्‌मि लागि हिङ्‌मेॽहेन्‍डुजे, इन्‍ढोङ्‌होङ याॽमिजिमि लागि निवाहाङ्‌नुङ पारथना ले़ःॽपेॽमामि खो सानिङ टुडुङ्‌घे़ये।

हिब्‍रु 9:4

मोबेॽ चाहिँ धुपा इक्‍ठाम सुनामि धुपौरोनुङ सुनाडे़ॽ मोम्‍बॽआ हेन्‍ज्‍रुङमि सन्‍दुक टुसा। मो सन्‍दुक होङ्‌सिॽयु सुनामि खोङ्‌बेॽ मन्‍न युङ्‌बॽआ ले़टा। कोपिला के़ॽपॽआ हारुनमि टोङ्‌इरानुङ निवाहाङ्‌डे़ॽ मोसा पिबॽआ खोमि आग्‍या साप्‍पॽआ रुङ्‌गोॽवामि निच्‍चि पाटि टुसा।

परकास 10:1

मोबा ए़क्‍साङ के़ॽ हाइको सक्‍तिदाङ्‌बा थाङ्‌सिरिदुत थाङ्‌सिरिॽटुरा उङ्‌बॽआ खाङ्‌डोक्‍टुङ। खोमि हिङा खिम्‍मिॽवाडे़ॽ टे़क्‍पॽआनुङ खोमि निन्‍डवाँ खिरिरि अप्‍पाङ्‌सु टुसा। खोमि नजिक नमडोॽ ले़टा, मोबा खोमि सराङ चाहिँ मिमि खाँबाडोॽहा ले़टा।

परकास 14:18

मोबा बेदिबाङ हाइको इक्‍को थाङ्‌सिरिदुत आबा, मोनुङ मिसोक्‍पेॽ अधिन ले़ःॽहेमे सक्‍ति टुसा। मोसे़ॽ मो खोॽइ याङ्‌घुबा बेॽए सेम्‍लाडे़ॽ इडोॽ लुसु, “हे़ने़ॽ याङ्‌बॽआ आक्‍को वे़ङ्‌इये खोॽइडे़ॽ मक्‍खाम्‍डेमबेॽहा अङ्‌गुरमि सोङ्‌राबेॽ किङ्‌इटहा अङ्‌गुर हे़क्‍नुङ सुप्‍से, इन्‍ढोङ्‌होङ अक्‍खा चोप टुम्‍घे़टहा।”

परकास 5:8

मोडोक्‍पेॽनोॽ माहा रिउम जिवातजिनुङ निबोङ रिबाङ धारमिक गुरुजिडे़ॽ थुमामि पोम्‍बेॽ पोप्‌युनुङ ढोग ले़टुजि। माहा चोपजिमि हुकपेॽ इक्‍को इक्‍को टेन्‍जिरा बिनानुङ सुनामि खोरिया टुसा, मो खोरिया इॽठुप नम्‍जानुहा धुपा टुसा। माहा नम्‍जानुहा धुपा लुबॽआ चाहिँ निवाहाङ्‌मि पबित्‍रा याॽमिजिमि पारथना ले़हा।

परकास 6:9

मोबा ए़क्‍साङ थुमाडे़ॽ ङाउममा मोहोर हेनु, मोबा वेदिमि रडाङ्‌बेॽ चाहिँ निवाहाङ्‌मि बचनबेॽ बिस्‍वास ले़ःॽपॽआसे़ॽनुङ येसुमि टुम्‍बेॽ परचार ले़ःॽपॽआसे़ॽ याॽमिजिडे़ॽ सेॽनेबॽआ याॽमिजिमि होङ्‌निवा के़ॽ खाङ्‌डोक्‍टुङ।

परकास 7:2

मोबा हिङ्‌रिक निवाहाङ्‌मि मोहोर याङ्‌मानुङ इक्‍को थाङ्‌सिरिदुत नम्‍गे़तलामबाङ के़ॽपॽआ के़ॽ खाङ्‌डोक्‍टुङ। मक्‍खाम्‍डेमनुङ माहोङ्‌मा नासि ले़ःॽहेमे अधिकार चुप्‍पॽआ रिउम थाङ्‌सिरिदुतजि खोसे़ॽ इडोॽ लुसुजि,

परकास 8:4

माहा धुपामि मे़क्‍खुनुङ सेवाकजिमि बिन्‍ति पारथना थाङ्‌सिरिदुतमि हुकबाङ मिॽटु निवाहाङ्‌बेॽ रुक्‍टु।

परकास 8:5

मोबा मो थाङ्‌सिरिदुतडे़ॽ धुपा इक्‍ठाम इॽठुप बेदिमि मि ए़न्‍नुङ मक्‍खाम्‍डेमबेॽ राप्‍एन्‍नुङ ए़क्‍साङ नान्‍द्‌रुङ्‌माडोॽ मुगा, नमसेल्‍लेॽवा पोगा, मोबा रुॽमि खडा।

परकास 9:13

मोबा चुक्‍चिमा थाङ्‌सिरिदुतडे़ॽ टाङ्‌बामि तुरहि मिडु, मोडोक्‍पेॽ निवाहाङ्‌मि पोम्‍बेॽ टुहा सुनामि बेदिमि रिउम कुनाबेॽहा सजाङ्‌बाङ काबॽआ सेम्‍ला के़ॽ खेप्‍सुङ।