परकास 8:2 - याम्फु

² मोबा निवाहाङ्‌मि पोम्‍बेॽ येःप्‍खुबा एच्‍चि जना थाङ्‌सिरिदुतजि के़ॽ खाङ्‌डोक्‍टुङ। माहाजि इक्‍को इक्‍को तुरहि पिबॽआ ले़टा।

परकास 8:2 Iomraidhean Croise

मत्‍ति 18:10

“अडिॽयो, हे़निङे़ॽ इघा ए़द्‌रिहाजिबेॽ, इक्‍कोसो हेला ए़ले़टानुमे, के़ॽ हे़निङ लुनिम्‍ने़, माहाजि खाङ्‌खुबा थाङ्‌सिरिदुतजि सानिङ थाङ्‌सिरिबेॽ पेङ्‌खुबा निवाहाङ पाबामिन्‍नोॽ पोम्‍बेॽ टुम्‍मे।

मत्‍ति 24:31

खोसे़ॽ खोमि थाङ्‌सिरिदुतजि तुराहिमि सेम्‍लानुङ सोरि पाङ्‌इन्‍डुजे। मोबा माहाजिडे़ॽ मक्‍खाम्‍डेमनुङ नान्‍द्‌रुङ्‌मामि चोप ठाउँबाङ खोसे़ॽ से़म्‍बॽआजि सुम्‍इन्‍डुजे।

लुका 1:19

थाङ्‌सिरिदुतडे़ॽ लुसु, “का निवाहाङ्‌मि योम्‍बोक ले़ःॽखुबा गाब्‍रिएल ले़ङे। निवाहाङ्‌डे़ॽनोॽ का इगो नुबा लम्‍बवाँ हे़न खेम्‍मेॽसिॽ पाङ्‌इटिङे।

लुका 21:36

मोडोगे़ॽ चङ्‌खो पेनानिङे। माहा चोप किस्‍सिमारोहा खाबाङ हिङ्‌नुङ याॽमिमि पसामि पोम्‍बेॽ मे़ङ्‌किस्‍सिरेॽ साप्‍थाङ्‌मानुङ येःप्‍हेमामि लागि सानिङ पारथना ले़टानिङे”।

१ कोरिन्‍थि 15:52

मो बेलाबेॽ मिकमि इक झिमिकपेॽ चोप्‍पाङ ए़क्‍साङ्‌मा तुरहि मिःॽमासोरोॽ सिघे़ॽपॽआजि फेरि निवाहाङ्‌डे़ॽ नासि लिनिबा हिङाबेॽ हिङ्‌बोॽइन्‍डुजे, सिघे़ॽपॽआजि नासि मे़लिघुबा टोङ्‌नुङ हिङ्‌बोक्‍इन्‍डुजे मोबा कानिङ्‌मि हिङासो फेङ्‌इये।

१ थेस्‍लोनिकि 4:16

इन्‍ढोङ्‌होङ हुकुममि सेम्‍ला मुक्‍मानुङ, चोप्‍पाङ एप्‍पा थाङ्‌सिरिदुतमि सेम्‍ला मोबा निवाहाङ्‌मि तुरहि मिःॽमाबेॽ परभु थाङ्‌सिरिबाङ उङ्‌इयेनुङ मोडोक्‍पेॽ खिरिस्‍टबेॽ बिस्‍वास ले़ःॽनुङ सिघे़ॽपॽआ याॽमिजि याक्‍लो हिङ्‌बोॽइम्‍मे।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 15:1

के़ॽ थाङ्‌सिरिबेॽ बेॽएम्‍मानुङ खरिमा हाइको इक्‍को चिङ्‌गा खाङ्‌डोक्‍टुङ, एच्‍चि थाङ्‌सिरिदुतजिडे़ॽ एच्‍चि गोटा बिपत्‍ति याङ्‌बॽआ ले़टा। माहा बिपत्‍ति चाहिँ निवाहाङ्‌मि ए़क्‍साङ्‌मा सुरिकमि बिपत्‍ति ले़टा।

परकास 16:1

मोबा एच्‍चि थाङ्‌सिरिदुतजि मन्‍दिरबाङ बेॽए सेम्‍लाडे़ॽ इडोॽ कामे़ॽनिङ्‌सिबॽआ के़ॽ खेप्‍सुङ, “खे़ॽनुङ निवाहाङ्‌मि सुरिकमि एच्‍चि खोरिया मक्‍खाम्‍डेमबेॽ ओप्‍ए़न्‍डानुमे।”

परकास 8:13

मोबा ए़क्‍साङ के़ॽ खाङ्‌माबेॽ, नन्‍द्‌रुङ्‌मे़ॽटु पेमे़ॽनिङ्‌सिबॽआ आङ्‌लिॽवा इडोॽ वोमानुङ कामे़ॽनिङ्‌सिडा, “मिःॽमा एम्‍बॽआ सुम्‍जि थाङ्‌सिरि दुतजिमि तुरहि मिॽमाबेॽ मक्‍खाम्‍डेमबेॽ पेङ्‌घुबा याॽमिजि इनामा! इनामा! इनामा!”

परकास 8:6

मोबा माहा एच्‍चि गोटा तुरहि खिघुबा एच्‍चि जना थाङ्‌सिरिदुतजि तुरहि मिःॽमामि पोरोगामि।

परकास 9:1

मोबा ङाउममा थाङ्‌सिरिदुतडे़ॽ खोमि तुरहि मिडु, मोडोक्‍पेॽ के़ॽ इक्‍को साङ्‌गे नान्‍द्‌रुङ्‌माबाङ मक्‍खाम्‍डेमबेॽ हेॽओक्‍पॽआ खाङ्‌डोक्‍टुङ। मो साङ्‌गेनुङ अतल कुन्‍डामि साचो टुसा।