परकास 8:13 - याम्फु

¹³ मोबा ए़क्‍साङ के़ॽ खाङ्‌माबेॽ, नन्‍द्‌रुङ्‌मे़ॽटु पेमे़ॽनिङ्‌सिबॽआ आङ्‌लिॽवा इडोॽ वोमानुङ कामे़ॽनिङ्‌सिडा, “मिःॽमा एम्‍बॽआ सुम्‍जि थाङ्‌सिरि दुतजिमि तुरहि मिॽमाबेॽ मक्‍खाम्‍डेमबेॽ पेङ्‌घुबा याॽमिजि इनामा! इनामा! इनामा!”

परकास 8:13 Iomraidhean Croise

हिब्‍रु 1:14

तर माहा थाङ्‌सिरिदुतजिगो निवाहाङ्‌डे़ॽ मुक्‍ति पिबॽआ याॽमिजिमि सेवा ले़ःॽसिॽ पाङ्‌बॽआ होङ्‌निवाजिरेॽ ले़म्‍मे।

परकास 11:14

निच्‍चिमा बिपत्‍ति रुक्‍खडा। हागो सुम्‍जिमा बिपत्‍ति चान्‍डोनोॽ लेङ्‌सिॽपोरोइटे़।

परकास 12:12

मोडोगे़ॽ थाङ्‌सिरिबेॽ टुघुबाजि साप्‍थाक्‍सानिङे, तर मक्‍खाम्‍डेमनुङ माहोङ्‌मा पापुराजियो! इन्‍ढोङ्‌होङ सैतान सुरके़ॽमानुङ हे़निङ्‌बेॽमु लेङ्‌इटे़, टाङ्‌बामि बेला रुक्‍खे़ॽसिॽ पोरोइटे़ लुमे खा मोसे़ॽ लेबेटुए।”

परकास 14:3

इक्‍को लाख रिक्‍पोङ रिउम हजार याॽमिजिडे़ॽ मो हाङ्‌पेन्‍ढाम, माहा रिउम हिङ्‌रिक जिवातजिनुङ यहुदि धारमिक गुरुजिमि पोम्‍बेॽ इक्‍को चोङ सेम सेम्‍लुमे़ॽनिङ्‌सिडुजि। इगो चोङ सेम चाहिँ इक्‍को लाख रिक्‍पोङ रिउम हजार याॽमिजिडे़ॽरेॽ चिन्‍डोक्‍टुजि। इन्‍ढोङ्‌होङ माहाजिरेॽ मक्‍खाम्‍डेमबाङ छुट्‌कारा चुप्‍पॽआजि ले़टामि।

परकास 14:6

मोबा के़ॽ हाइको इक्‍को थाङ्‌सिरिदुत थाङ्‌सिरिनुङ नान्‍द्‌रुङ्‌मामि रुम्‍बेॽ पेमे़ॽनिङ्‌सिबॽआ खाङ्‌डोक्‍टुङ। मोनुङ मक्‍खाम्‍डेमबेॽहा चोप जातिजि, बङ्‌सजि, खाप्‍लाहा याॽमिजिनुङ देसबेॽहा याॽमिजि खेम्‍मेॽमामि लागि अनन्‍त सुसमाचार टुसा।

परकास 19:17

मोबा ए़क्‍साङ इक्‍को थाङ्‌सिरिदुत नमसोक्‍पेॽ येःप्‍मे़ॽनिङ्‌सिबॽआ खाङ्‌डोक्‍टुङ। मोसे़ॽ नान्‍द्‌रुङ्‌माबेॽ पेमे़ॽनिङ्‌सिबॽआ चोप सोङाजि वोमानुङ इडोॽ लुसुजि, “आबानिङे, निवाहाङ्‌मि बेॽएम्‍मा भत्‍तेरबेॽ चासिॽ सुप्‍सानिङे।

परकास 3:10

हे़निङे़ॽ चोप खालहा खेः आङ्‌मा सिॽमाबेॽसो बचन पालना ले़ःॽपॽआसे़ॽ, इगो मक्‍खाम्‍डेमबेॽहा चोप याॽमिजिमि जाँच ले़ःॽसिॽ लेङ्‌इये बेॽएम्‍मा खेःबाङ के़ॽ हे़निङ जोगा ले़न्‍निम्‍ने़।

परकास 8:2

मोबा निवाहाङ्‌मि पोम्‍बेॽ येःप्‍खुबा एच्‍चि जना थाङ्‌सिरिदुतजि के़ॽ खाङ्‌डोक्‍टुङ। माहाजि इक्‍को इक्‍को तुरहि पिबॽआ ले़टा।

परकास 9:1

मोबा ङाउममा थाङ्‌सिरिदुतडे़ॽ खोमि तुरहि मिडु, मोडोक्‍पेॽ के़ॽ इक्‍को साङ्‌गे नान्‍द्‌रुङ्‌माबाङ मक्‍खाम्‍डेमबेॽ हेॽओक्‍पॽआ खाङ्‌डोक्‍टुङ। मो साङ्‌गेनुङ अतल कुन्‍डामि साचो टुसा।

परकास 9:12

याक्‍लोमा बिपत्‍ति खे़ॽपेसा। मोबा ए़क्‍साङ फेरि निच्‍चि बिपत्‍ति लेङ्‌सिॽपोरोइटे़।