परकास 8:12 - याम्फु

¹² मोबा ए़क्‍साङ रिउममा थाङ्‌सिरिदुतडे़ॽ टाङ्‌बामि तुरहि मिडु, मोडोक्‍पेॽनोॽ नममि, लामि, साङ्‌गेजिमि सुम भागामि इक्‍को भागा सेन्‍जिगुप लिसा। मोडोगे़ॽ लेन्‍डामि सुम भागामि इक भागानुङ सेन्‍डामि सुम भागामि इक भागा जोति चुक्‍खडा।

परकास 8:12 Iomraidhean Croise

मत्‍ति 24:29

“माहा खेःमि याक रुक्‍खे़ॽमासोरोक, नम सेन्‍जुगुप लियेनुङ लाडे़ॽ उज्‍यालो पिनिबा, मोबा साङ्‌गेजि नान्‍द्‌रुङ्‌माबाङ हेॽइम्‍मे, नान्‍द्‌रुङ्‌माबेॽहा सक्‍ति योङ्‌इम्‍मे।

मत्‍ति 27:45

मोबा मो देसबेॽ लेन्‍डाए इक्‍पोङ निच्‍चिबोङ्‌बाङ सुमबोङ्‌ठोक चोप देसनोॽ सेन्‍जुगुप लिसा।

मरकुस 13:24

“माहा खेःमि याक रुक्‍खे़ॽयेबाङ नामनुङ लाडे़ॽ उज्‍यालो पिनिबा।

मरकुस 15:33

लेन्‍डा इकबोङ निबोङ्‌बाङ सुमबोङ्‌ठोक मो देस चोप सेन्‍जुगुप लिसा।

लुका 21:25

“नम, ला, साङ्‌गेजिबेॽ खरिहा चिङ्‌गा खाङ्‌मुहा। टोम्‍लिॽवामि बेॽहा फे़ङ्‌ले़ॽवा मुक्‍पॽआ खाडे़ॽ मक्‍खाम्‍डेमबेॽहा चोप जातिहा याॽमिजि बेॽलोनोॽ किस्‍सिम्‍मे।

एप्‍पा चोङ्‌सा 2:20

परभुमि मो महाननुङ खरिहा याक लेम्‍मा याक्‍लो नमडे़ॽ उज्‍यालो मे़ॽनिङ्‌मा लिनुङ सेन्‍जुगुप लिये, ला चाहिँ हरिडोॽमा हररामा लिये।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

परकास 12:4

मोमि मिराडे़ॽ थाङ्‌सिरिमि सुम भागामि इक्‍को भागा साङ्‌गेजि फिःक्‍नुङ मक्‍खाम्‍डेमबेॽ राप्‍ए़न्‍डु। मोबा मो मेॽनामिॽडे़ॽ ओङे़क टोक्‍मासोरोॽ रिम्‍बेमामि मो बेॽएम्‍मा पुसे़ॽ कुम्‍सुमा लिसिॽपोरोक्‍पॽआ मेॽनामिॽमि के़क्‍पेॽ येःबा।

परकास 16:10

मोबा ङाउममा थाङ्‌सिरिदुतडे़ॽ खोमि खोरिया मो जिवातमि पेन्‍ढामबेॽ ओप्‍ए़न्‍डु, मोबा मोमि राज्‍य सेन्‍जुगुप लिसा, मो खेःबेॽ याॽमिजि के़ङ इगामि।

परकास 6:12

मोबा थुमाडे़ॽ चुक्‍चिमा मोहोर हेम्‍बॽआ के़ॽ खाङ्‌डोक्‍टुङ, मोडोक्‍पेॽ इक्‍को किस्‍सिमारोमा रुॽमि खडा। नम मक्‍खुइक्‍मा चेॽडोक्‍मा लिसा, मोबा ला चाहिँ हरिडोक्‍मा हररामा लिसा।

परकास 9:15

मोबा माहा रिउम थाङ्‌सिरिदुतजि लेप्‍पेसुजि, माहा थाङ्‌सिरिदुतजि मक्‍खाम्‍डेमबेॽहा सुम भागामि इक भागा याॽमिजि सेॽमामि मो बेला, मो याक, मो महिनानुङ मो निङ्‌मि लागि पोरोक्‍नुङ युङ्‌बॽआ ले़टामे।

परकास 9:18

माहाजिमि याबुकबाङ पे़आप्‍पॽआ मि, मे़क्‍खुनुङ गन्‍धक इघा सुम्‍जि बिपतबाङ मक्‍खाम्‍डेमबेॽहा याॽमिजि सुम भागामि इक भागा सिसामि।