परकास 7:14 - याम्फु

¹⁴ मोबा के़ॽ खो लुसुङ, “के़ॽको लेसुङ्‌नि, हे़ने़ॽनोॽ लेन्‍डुहा।” खोसे़ॽ का लुसिङा, “खोजि चाहिँ बेॽलो चुङ्‌जामा खेः आङ्‌नुङ लेङ्‌इटामे, खोजिडे़ॽ टाङ्‌बा टाङ्‌बामि चेॽ थुमामि हरिडे़ॽ वासोक्‍नुङ उथ्‍रिॽहा टोङ्‌इटुजे।

परकास 7:14 Iomraidhean Croise

मत्‍ति 24:21

इन्‍ढोङ्‌होङ मोडोक्‍पेॽ लेङ्‌इये बेॽए खेःगो, आयुरो इगो मक्‍खाम्‍डेमबेॽ मे़लिडिॽ, फेरि ए़क्‍साङ इन्‍डोक्‍पेॽसो लिनिबा।

मरकुस 13:19

मोडोक्‍हा किस्‍सिमारोमा खेःमि याकको निवाहाङ्‌डे़ॽ सिरिस्‍टि ले़ःॽपॽआ याकबाङ आयुरो मे़लिडिॽ, फेरि ए़क्‍साङ्‌सो लिनिबा।

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

एप्‍पा चोङ्‌सा 14:22

खोजिडे़ॽ मो ठाउँबेॽहा परभुबेॽ बिस्‍वास ले़ःॽखुबाजि बोलियो टोङ्‌साङ नुबा अरति पिसुजि। “निवाहाङ्‌मि राज्‍यबेॽ रुक्‍मा याक्‍लो कानिङे़ॽ बेॽलो खालहा चुङ्‌जामा खेः आङ्‌मानोॽ खे़ये” लुनुङ इःडुजि।

रोमि 5:3

मोडोॽरेॽनोॽ ने़ॽनि, खेः आङ्‌माबेॽसो कानिङ साप्‍थाङ्‌इन्‍डिङ्‌मे़, इन्‍ढोङ्‌होङ मोसे़ॽ हाइखा बेॽलो खेः आङ्‌हेमे बोल पिये लुमे खा कानिङे़ॽ लेन्‍डुङ्‌मे़।

१ कोरिन्‍थि 6:11

हे़निङ इन्‍डोक जनाजि याक्‍लो इडोक्‍नोॽ ले़टानिङ। तर हागो हे़निङ पापबाङ पबित्‍रा चोखो लिटानिङे। निवाहाङ्‌डे़ॽ हे़निङ चोखो टोङ्‌इटे़। परभु येसु खिरिस्‍टमि निङ्‌बेॽ निवाहाङ्‌मि पबित्‍रा होङ्‌निवाबाङ हे़निङ निवाहाङ्‌मि पोम्‍बेॽ धरमि लिटानिङे।

२ थेस्‍लोनिकि 1:4

मोडोक्‍नोॽ हे़निङे़ॽ चुङ्‌जामा खेःनुङ दुःख आङ्‌साङ्‌सो बिस्‍वासनुङ भरोसाबेॽ बोलियो ले़न्‍डानिङे इगोमि टुम्‍बेॽ कानिङे़ॽ हाइखा मन्‍डलिबेॽसो साप्‍थाङ्‌मानुङ लुहे़न्‍डुङ्‌मा।

हिब्‍रु 13:12

मोडोक्‍नोॽ येसुडे़ॽसो खोमटाङ्‌बामि हरिडे़ॽ याॽमिजिमि पाप वासोक्‍नुङ पबित्‍रा टोङ्‌मामि लागि सहरबाङ पाखे़ॽयुनोॽ सिमा सिॽटा।

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

१ पत्‍रुस 1:19

हे़निङ खिरिस्‍टमि इन्‍नोॽइन्‍हेनिबा हरिडे़ॽ छुट्‌कारा पिटे़। खो चोखो, इक्‍कोसो आप्‍टिक मे़ॽनिङ्‌मा थुमा ले़टा।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 12:11

कानिङ्‌मि वावानिसानुङ नानुसाजिडे़ॽ थुमामि हरिनुङ टाङ्‌बा सिमानोॽ सिॽहोङ्‌सो सिमा पोरोक्‍नुङ बचन परचार ले़ःॽपॽआसे़ॽ मो सैतान हेजोटुजे।

परकास 15:2

मोबा ए़क्‍साङ के़ॽ मिनुङ मिच्‍रे़ङ ठुबॽआडोॽमा माहोङ्‌मा खाङ्‌डोक्‍टुङ, मोबेॽ मो जिवात, मोमि मुरतिनुङ मोमि निङ्‌मि सङ्‌ख्‍या हेजाखुबाजिनुङ टाङ्‌बामि हुकपेॽ बिना याङ्‌मानुङ मो मिच्‍रे़ङ्‌मि माहोङ्‌मा के़क्‍पेॽ येःप्‍किगामि, माहा बिना निवाहाङ्‌डे़ॽ खोजि पिबॽआ ले़टा।

परकास 17:6

मोबा मो मेॽनामिॽ चाहिँ निवाहाङ्‌मि याॽमिजिनुङ येसु खिरिस्‍टमि साक्‍छि पिघुबाजिमि हरि उङ्‌नुङ सेॽखे़ॽपॽआ खाङ्‌डोक्‍नुङ। मो खाङ्‌नुङ का सारोनोॽ खरि मिनिङ।

परकास 2:9

के़ॽ हे़निङे़ॽ खेः आङ्‌मे़ॽनिङ्‌सिन्‍डानुमे लुमे खानुङ इमाङ मे़ङ्‌काप्‍खुबा गरिब ले़न्‍डानिङे लुमे खासो लेनुङ्‌हा। तर चइबानोॽ लुमाबेॽ निवाहाङ्‌मि पोम्‍बेॽ हे़निङ काप्‍चाघुबाजि ले़न्‍डानिङे। टाङ्‌बा यहुदि कामानिघुबाजिडे़ॽ हे़निङ्‌मि बिरोधबेॽ मङे़हा खा इःबॽआसो के़ॽ लेनुङ्‌हा। माहाजि खोजि टाङ्‌बा यहुदि कामानिम्‍मे तर माहाजि यहुदि ने़ॽनिहाजि, अक्‍खाजिगो सैतानमि याॽमिजि ले़म्‍मे।

परकास 22:14

“हिङ्‌मवामि डाङ्‌मि अधिकार चुप्‍मामिनुङ सहरमि राम्‍डेमबाङ होङ्‌सिॽयु पे़खे़ॽटोक्‍मा लुनुङ टाङ्‌बामि पापि चेॽ वासोक्‍खुबाजिडे़ॽ आसिस चुप्‍मिन्‍डुजे।

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।

परकास 7:9

मोबा ए़क्‍साङ याॽमिजिडे़ॽ नेॽनोॽ नेॽहेनिहा बेॽलो याॽमिजि सुम्‍बॽआ के़ॽ खाङ्‌डोक्‍टुङ। माहाजि चाहिँ चोप बङ्‌सबाङ, जातिबाङ, देसबाङ्‌नुङ खाल खालहा खाप्‍ला यामुखुबाजिबाङ लेम्‍बॽआ ले़टामि। माहाजि उथ्‍रिॽहा चेॽ चाङ्‌मानुङ हुकपेॽ खजुर लुमे सिङ्‌बु डाङ्‌मि हक्‍काम्‍बा याङ्‌मानुङ हाङ्‌पेन्‍ढामनुङ थुमामि पोम्‍बेॽ येःप्‍टिङ्‌बॽआ के़ॽ खाङ्‌डोक्‍टुङ।