परकास 6:11 - याम्फु

¹¹ निवाहाङ्‌डे़ॽ माहाजि चोप इक्‍को इक्‍को उथ्‍रिॽमा चेॽ पिनुङ लुसुजि हे़निङ नाजाडिक्‍सानिङे। इन्‍ढोङ्‌होङ हागोसो हे़निङ्‌नुङ सोरि योम्‍बोक ले़ःॽखुबा लङ्‌गामजिनुङ परभुमि सेवा ले़ःॽखुबाजि हे़निङ्‌डोक्‍नोॽ खोजिडे़ॽ सेॽनेन्‍डुजे। मो सङ्‌ख्‍या पुरा लिनुङ्‌रेॽनोॽ माहा दुस्‍टाजि के़ॽ दन्‍डा पिनुङ्‌हाजि।

परकास 6:11 Iomraidhean Croise

मत्‍ति 10:21

“वावाडे़ॽ निसा, निसाडे़ॽ वावा सेॽनेमामि सतुरजि राःप्‍मेन्‍डुजे, पाबा मामाडे़ॽ पसाजिनुङ पसाजिडे़ॽ पाबा मामामि टेडिघरिक लिनुङ सेॽनेमेन्‍डुजे।

लुका 15:22

तर पाबाडे़ॽ खोम सेउतेजि के़ःॽनुङ लुसुजि, ‘चान्‍डो ले़ःॽनुङ चोप्‍पाङ नुबा चेॽ, मुन्‍रिनुङ राङ्‌सुप लाप्‍नुङ इगो चाङ्‌डिबेॽटानुमे।

युहन्‍ना 16:2

हे़निङ यहुदिजि सुम्‍ढाम खिमबाङ यिॽइम्‍मे। बेला लेङ्‌इये, हे़निङ सेॽखुबाडे़ॽ खोमि निवाबेॽ मिॽइन्‍डुए ‘के़ॽ निवाहाङ्‌मि योम्‍बोक ले़ःॽमे़ॽनिङ्‌सिनुङे’।

एप्‍पा चोङ्‌सा 20:24

तरसो के़ए़ हिङ्‌मवागो काङ्‌मि लागि इमाङ्‌सो योम्‍बोक ले़ःॽनिबा। के़ॽ मिॽपॽआ इगोरेॽनोॽ टुये निवाहाङ्‌डे़ॽ चोप याॽमिजि अनुग्‍रहा ले़ए़टे़ लुमे सुसमाचार चोप ठाउँराजि खेम्‍मेहेमा। इगो योम्‍बोक चाहिँ का परभु येसुडे़ॽ ले़ःॽमा लुटिङे।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

२ तिमोथि 4:7

के़ॽ काङ्‌मि ङे नुरोॽ ले़ःॽसेटुङे। के़ए़ पिम्‍मे योम्‍बोक येॽपेटुङेनुङ काङ्‌मि बिस्‍वास हिङ्‌रिकनोॽ युङ्‌इटुङे।

हिब्‍रु 11:40

निवाहाङ्‌डे़ॽ कानिङ्‌मि लागि इगोबाङ्‌सो बेॽलो नुबा खामि बोन्‍दो बस्‍तो ले़ःॽपॽआ ले़टा। कानिङ्‌नुङ्‌नोॽ माहाजिसो पक्‍का लिमिरो लुनुङ मिॽपॽआ ले़टा।

हिब्‍रु 12:23

हे़निङ निवाहाङ्‌मिनोॽ टुम्‍मि हक चुप्‍खुबाजिमि मन्‍डलिबेॽ लेङ्‌इटानिङे, खोमि निङ थाङ्‌सिरिबेॽसो साप्‍पॽआ ले़ये। हे़निङ चोप याॽमिजिमि न्‍याय ले़ःॽखुबा निवाहाङ्‌बेॽ लेङ्‌इटानिङे। परिपक्‍का टोङ्‌बॽआ धारमिक याॽमिजिमि रुम्‍बेॽ लेङ्‌इटानिङे।

हिब्‍रु 4:10

इन्‍ढोङ्‌होङ निवाहाङ टाङ्‌बामि योम्‍बोक येॽनुङ एच्‍चिमा याकपेॽ नाजाडिडोॽ निवाहाङ्‌मि नाजामे याकपेॽ खे़ॽखुबाजिसो टाङ्‌बामि योम्‍बोकबाङ नाजाम्‍मे।

परकास 10:6

मोबा सानिङ हिङ्‌रिक लिघुबा, नान्‍द्‌रुङ्‌मा, माहोङ्‌मा, मक्‍खाम्‍डेमनुङ मोबेॽ टुहा चोप थोक टोङ्‌घुबा निवाहाङ्‌मि निङ्‌बेॽ हेन्‍ज्‍रुङ हे़न्‍नुङ मो थाङ्‌सिरिदुतडे़ॽ लुसु, “हागो ढिलो लिनिबा।

परकास 13:15

मो याक्‍लोमा जिवातमि मुरतिमि पुजा मे़ले़ःॽखुबाजि सेॽनेमामि लागि मोमि मुरति यामुहेरो लुनुङ सोःक्‍मा एम्‍मे अधिकार मो ए़क्‍साङ्‌मा जिवात पिबॽआ ले़टे़।

परकास 14:13

मोबा ए़क्‍साङ थाङ्‌सिरिबाङ इडोॽ लुबॽआ के़ॽ खेप्‍सुङ, “इगो खा साबे, हागोएम्‍बाङ परभुबेॽ बिस्‍वास ले़ःॽनुङ सिघुबाजिडे़ॽ आसिस चुप्‍मिन्‍डुजे।” पबित्‍रा होङ्‌निवाडे़ॽ लुये, “चइबानोॽ माहाजिडे़ॽ टाङ्‌बामि योम्‍बोकबाङ नाजाडोक्‍इन्‍डुजे, इन्‍ढोङ्‌होङ खोजिडे़ॽ ले़ःॽपॽआ चोप योम्‍बोक खोजिनुङ सोरि खे़ये।”

परकास 17:6

मोबा मो मेॽनामिॽ चाहिँ निवाहाङ्‌मि याॽमिजिनुङ येसु खिरिस्‍टमि साक्‍छि पिघुबाजिमि हरि उङ्‌नुङ सेॽखे़ॽपॽआ खाङ्‌डोक्‍नुङ। मो खाङ्‌नुङ का सारोनोॽ खरि मिनिङ।

परकास 7:14

मोबा के़ॽ खो लुसुङ, “के़ॽको लेसुङ्‌नि, हे़ने़ॽनोॽ लेन्‍डुहा।” खोसे़ॽ का लुसिङा, “खोजि चाहिँ बेॽलो चुङ्‌जामा खेः आङ्‌नुङ लेङ्‌इटामे, खोजिडे़ॽ टाङ्‌बा टाङ्‌बामि चेॽ थुमामि हरिडे़ॽ वासोक्‍नुङ उथ्‍रिॽहा टोङ्‌इटुजे।

परकास 7:9

मोबा ए़क्‍साङ याॽमिजिडे़ॽ नेॽनोॽ नेॽहेनिहा बेॽलो याॽमिजि सुम्‍बॽआ के़ॽ खाङ्‌डोक्‍टुङ। माहाजि चाहिँ चोप बङ्‌सबाङ, जातिबाङ, देसबाङ्‌नुङ खाल खालहा खाप्‍ला यामुखुबाजिबाङ लेम्‍बॽआ ले़टामि। माहाजि उथ्‍रिॽहा चेॽ चाङ्‌मानुङ हुकपेॽ खजुर लुमे सिङ्‌बु डाङ्‌मि हक्‍काम्‍बा याङ्‌मानुङ हाङ्‌पेन्‍ढामनुङ थुमामि पोम्‍बेॽ येःप्‍टिङ्‌बॽआ के़ॽ खाङ्‌डोक्‍टुङ।