परकास 4:11 - याम्फु

¹¹ “हे कानिङ्‌मि परभु निवाहाङ, हे़न महिमा, आदर मोबा सक्‍तिमि योम्‍बोक ले़ःॽमारोमा ले़ये, इन्‍ढोङ्‌होङ चोप थोक हे़ने़ॽनोॽ सिरिस्‍टि ले़ःॽपॽआ ले़हा, हे़ने़ए़ निवाडे़ॽ मिॽपॽआडोक्‍नोॽ माहा चोप सिरिस्‍टि लिसा, मोबा माहाजि हिङ्‌मवा पिटुजे।”

परकास 4:11 Iomraidhean Croise

एप्‍पा चोङ्‌सा 14:15

“ने़ॽनि, हे़निङे़ॽ इगो इमाङ्‌डे ले़ःॽमामि पोरोक्‍इटानुमे ? कानिङ्‌सो हे़निङ्‌डोॽ दुःख सुख आङ्‌घुबा याॽमिनोॽ ले़न्‍डिङ्‌मा। कानिङ गो हे़निङ निवाहाङ्‌बेॽ टेआप्‍मामि सुसमाचार खेम्‍मेॽसिॽ लेङ्‌इटिङ्‌मे। इघा योम्‍बोक मे़ॽनिङ्‌हा खा लेॽपेनुङ, नान्‍द्‌रुङ्‌मा, माहोङ्‌मानुङ मक्‍खाम्‍डेम मोबेॽ टुहा चोप टोङ्‌खुबा हिङ्‌रिक निवाहाङ्‌मि सेवा ले़ःॽमा खे़ये।

एप्‍पा चोङ्‌सा 17:24

“मक्‍खाम्‍डेमनुङ मोबेॽ टुहा चोप थोक टोङ्‌घुबा निवाहाङ्‌नोॽ थाङ्‌सिरिनुङ मक्‍खाम्‍डेममि मायोङ्‌बा ले़ये। खो याॽमिजिडे़ॽ टोङ्‌बॽआ खिमबेॽ पेन्‍निबा।

रोमि 11:36

इन्‍ढोङ्‌होङ चोप थोकको खोसे़ॽनोॽ टोङ्‌बॽआ ले़हा। माहा चोप थोक खोबाङ, खोमि लागिनोॽ ले़ये। खोमिनोॽ सानिङ ओहाङ लिडुङ्‌घे़ॽरो! आमेन।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

हिब्‍रु 1:10

खोसे़ॽ फेरि लुन्‍डुए, “हे परमपरभु, हे़ने़ॽनोॽ याक्‍लो मक्‍खाम्‍डेममि चर टोक्‍सु। हे़ने़ए़ टाङ्‌बामिन्‍नोॽ हुगे़ॽ नान्‍द्‌रुङ्‌मा टोक्‍सु।

हिब्‍रु 1:2

तर इघा ए़क्‍साङ्‌ए याकपेॽ खो टाङ्‌बामि पसामिलामबाङ कानिङ्‌नुङ यामुटे़। निवाहाङ्‌डे़ॽ खिरिस्‍टबाङ्‌नोॽ चोप खा टोक्‍सु मोबा खोसे़ॽ टोङ्‌बॽआ चोप थोकमि अधिकार खिरिस्‍टनोॽ पिसु।

परकास 1:6

खोसे़ॽ खोमि पाबा निवाहाङ्‌मि राज्‍यबेॽ सेवामि योम्‍बोक ले़ःॽखुबा याडाङ्‌बा कानिङ टोङ्‌इटे़। खोमि आदरनुङ अधिकार सानिङ टुडुङ्‌घे़ॽरो। आमेन।

परकास 10:6

मोबा सानिङ हिङ्‌रिक लिघुबा, नान्‍द्‌रुङ्‌मा, माहोङ्‌मा, मक्‍खाम्‍डेमनुङ मोबेॽ टुहा चोप थोक टोङ्‌घुबा निवाहाङ्‌मि निङ्‌बेॽ हेन्‍ज्‍रुङ हे़न्‍नुङ मो थाङ्‌सिरिदुतडे़ॽ लुसु, “हागो ढिलो लिनिबा।

परकास 14:7

मोसे़ॽ वोमानुङ लुसु, “निवाहाङ्‌नुङ किस्‍सिसानिङे खोमि ओहाङ ले़टानुमे। इन्‍ढोङ्‌होङ खोसे़ॽ याॽमिजिमि न्‍याय ले़ःॽमे बेला लेम्‍बेटे़। थाङ्‌सिरि, मक्‍खाम्‍डेम, माहोङ्‌मानुङ योङा पिॽठाम टोङ्‌खुबा निवाहाङ्‌मि पोम्‍बेॽ उःक्‌युनुङ सेवा मुसानुमे।”

परकास 19:1

मोबा ए़क्‍साङ थाङ्‌सिरिबाङ बेॽलो याॽमिजि काबॽआडोक्‍मा सेम्‍लाडे़ॽ इडोॽ लुमे़ॽनिङ्‌सिबॽआ के़ॽ खेप्‍सुङ, “हल्‍लेलुयाह! मुक्‍ति, महिमानुङ सक्‍ति कानिङ्‌मि निवाहाङ्‌मि ले़ये।

परकास 5:12

माहाजिडे़ॽ बेॽए सेम्‍लाडे़ॽ इडोॽ सेम इःसुजि, “बलि लिबॽआ थुमा महिमा, आदर ले़ःॽमारोमा ले़ये, खोनुङ चोप अधिकार टुहा, खो चोप थोकमि याङ्‌सरावादाङ्‌बा ले़ये, खो सक्‍तिदाङ्‌बा ले़येनुङ खो निवादाङ्‌बा ले़ये। मोबा खोमिन्‍नोॽ ओहाङ ले़ःॽमा।”

परकास 5:2

मोबा निवाहाङ्‌मि इक्‍को सक्‍तिदाङ्‌बा दुत के़ॽ खाङ्‌डोक्‍टुङ, मोसे़ॽ बेॽए सेम्‍लाडे़ॽ इडोॽ सिम्‍बॽआ खेप्‍सुङ, “इगो मोहोर पोक्‍मारोमानुङ साउकमि पत्‍रामि मुट्‌ठा हेम्‍मारोमा असा टुये ?”

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।