परकास 3:8 - याम्फु

⁸ हे़निङे़ॽ ले़ःॽपॽआ योम्‍बोक के़ॽ लेनुङ्‌हा। खाक्‍सानुमे, के़ॽ हे़निङ्‌मि पोम्‍बेॽ राम्‍डेम हेङ्‌इटुङे, इगो असे़ॽसो से़क्‍हेसुनिबा। हे़निङ थोःप्‍थोप्‍हा ले़टानिङ्‌रोसो के़ॽ लुबॽआ खा खेप्‍सानुम, मोबा काबेॽ बिस्‍वास ले़ःॽमा मे़लेडानुम।

परकास 3:8 Iomraidhean Croise

लुका 12:9

तर असे़ॽ का याॽमिजिमि पोम्‍बेॽ लेसुङ्‌नि लुये, मोसो के़ॽ निवाहाङ्‌मि दुतजिमि पोम्‍बेॽ इगो याॽमि लेसुङ्‌नि लुनुङे।

युहन्‍ना 15:20

के़ॽ हे़निङ लुबॽआ बचन नुरोॽ मिॽयुक्‍सानुमे ‘सेउते खोम मायोङ्‌बाबाङ एप्‍पा लिहेनिबा।’ खोजिडे़ॽ का चुङ्‌जामिहोङ हे़निङ्‌सो चुङ्‌जाम्‍मे, खोजिडे़ॽ के़हा बचन पालना ले़टुजिहोङ हे़निङ्‌मि बचनसो पालना ले़न्‍डुजे।

युहन्‍ना 17:6

“हे़ने़ॽ का पिबॽआ मक्‍खाम्‍डेमबेॽहा याॽमिजि के़ॽ माहाजि हे़ने़ए़ टुम्‍बेॽ नुरोॽ इःॽपेॽटुङ्‌हाजि। माहाजि हे़ने़हाजिनोॽ ले़टामे मोबा हे़ने़ॽ माहाजि का पिसा। माहाजिडे़ॽ हे़ने़ए़ बचन पालना ले़ए़टुजे।

एप्‍पा चोङ्‌सा 14:27

एन्‍टिओखियाबेॽ टेनुङ ए़क्‍साङ पावलनुङ बारनाबासडे़ॽ मन्‍डलिबेॽहा चोप बिस्‍वासिजि के़डुजि। निवाहाङ्‌डे़ॽ खोजिबाङ इन्‍डोक्‍हा योम्‍बोक ले़टुएनुङ खोसे़ॽ अयहुदि जातिजिडे़ॽसो बिस्‍वास ले़ःॽहेमे राम्‍डेम हेम्‍बेॽटुजि लुमे खा खोजिडे़ॽ माहाजि खेम्‍मेॽटुजि।

१ कोरिन्‍थि 16:9

इन्‍ढोङ्‌होङ मोबेॽ बेॽलो टेडिघरिक याॽमिजि टुम्‍मे, तरसो, नुबानुङ बेॽएम्‍मा योम्‍बोक ले़ःॽमे मौका के़ॽ चुप्‍मिटुङे।

२ कोरिन्‍थि 2:12

का खिरिस्‍टमि सुसमाचार परचार ले़ःॽसिॽ तोरोआस सहरबेॽ रुक्‍माबेॽ परभुडे़ॽनोॽ खोमि योम्‍बोक ले़ःॽमे नुबा मौका पिसा।

फिलिप्‍पि 4:13

खिरिस्‍टडे़ॽ का पिबॽआ सक्‍तिबाङ्‌नोॽ इघा चोप खा के़ॽ ले़ःॽहेनुङे।

कलस्‍सि 4:3

के़ॽ सुसमाचार परचार ले़ःॽपॽआसे़ॽ का तिरिङ्‌गा खिमबेॽ से़क्‍सिघे़टिङे। हागो खिरिस्‍टमि टुम्‍बेॽए लेमा छॽइये खा याॽमिजि परचार ले़ःॽमामि निवाहाङ्‌डे़ॽ कानिङ राम हेम्‍बेॽलो लुनुङ कानिङ्‌मि लागि पारथना ले़टानुमे।

१ तिमोथि 5:8

आढाजिडे़ॽ टाङ्‌बाङ्‌जिबाङ्‌सो बेॽलो खिमबेॽहाजि नुरोॽ मे़ङ्‌खाक्‍सुजिहोङ, माहाजिगो चाइबमा बिस्‍वासिनोॽ ने़ॽनिहाजि ले़ःॽमिने। खोजि बिस्‍वास मे़ले़ःॽखुबाजिबाङ्‌सो मङे़हाजि ले़म्‍मे।

२ तिमोथि 4:7

के़ॽ काङ्‌मि ङे नुरोॽ ले़ःॽसेटुङे। के़ए़ पिम्‍मे योम्‍बोक येॽपेटुङेनुङ काङ्‌मि बिस्‍वास हिङ्‌रिकनोॽ युङ्‌इटुङे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।

परकास 2:13

सैतानमि पेन्‍ढाममि के़क्‍पेॽनोॽ हे़निङ पेङ्‌इन्‍डानिङे लुमे खा के़ॽ लेनुङे़। तरसो हे़निङे़ॽ काबेॽ ले़ःॽपॽआ बिस्‍वास बोलियो ले़ये। साक्‍छि बोलियो बिस्‍वासनुङ्‌मा एन्‍टिपास सैतानमि पेन्‍ढाम के़क्‍पेॽ सेॽनेमाबेॽसो हे़निङे़ॽ बिस्‍वास मे़लेडानुम।

परकास 2:2

हे़निङे़ॽ ले़ःॽपॽआ होप्‍तिॽवानुङ्‌हा योम्‍बोकनुङ सहनसिल लिबॽआ खा के़ॽ लेनुङ्‌हा। मोबा हे़निङे़ॽ दुस्‍ट निवानुङ्‌हा याॽमिजि खाङ्‌हेसानुम्‍ने लुनुङ्‌सो के़ॽ लेनुङे़। माहाजि टाङ्‌बा एप्‍पा चोङ्‌सा कामानिम्‍मे, तर खोजि एप्‍पा चोङ्‌सा ने़ॽनिहाजि लुनुङ जाँच ले़ःॽपॽआ हे़निङे़ॽ लेडोक्‍इटानुमे लुमे खासो के़ॽ लेनुङे़।

परकास 22:7

“खेप्‍से, का चान्‍डोनोॽ लेङ्‌इङे़। इगो नेॽचिरामि अगमबानिमि बचन पालना ले़ःॽखुबाजि आसिस चुप्‍खुबाजि ले़म्‍मे।”

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।

परकास 3:10

हे़निङे़ॽ चोप खालहा खेः आङ्‌मा सिॽमाबेॽसो बचन पालना ले़ःॽपॽआसे़ॽ, इगो मक्‍खाम्‍डेमबेॽहा चोप याॽमिजिमि जाँच ले़ःॽसिॽ लेङ्‌इये बेॽएम्‍मा खेःबाङ के़ॽ हे़निङ जोगा ले़न्‍निम्‍ने़।

परकास 3:15

के़ॽ हे़निङ्‌हा चोप योम्‍बोक लेनुङ्‌हा। हे़निङ येम्‍जुवासो ले़टानिङ्‌नि कुजुवासो ले़टानिङ्‌नि। हे़निङ येम्‍जुवा अथबा कुजुवा ले़टानिङ्‌होङ्‌सो नुडे़।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।