परकास 3:3 - याम्फु

³ मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।

परकास 3:3 Iomraidhean Croise

मत्‍ति 25:13

“मोडोगे़ॽ हे़निङ चङ्‌खो पेनानिङे, इन्‍ढोङ्‌होङ मो याकनुङ मो बेला हे़निङे़ॽ लेसानुम्‍ने।”

मरकुस 13:33

मोडोगे़ॽ होसियार ले़टानिङे, चङ्‌खो पेन्‍नुङ पारथना ले़टानिङे। इन्‍ढोङ्‌होङ मो याक इन्‍डोक्‍पेॽ लेङ्‌इये हे़निङे़ॽ लेसानुम्‍नि।

मरकुस 13:36

खो हाक्‍चोक्‍टोॽ लेम्‍माबेॽ हे़निङ इम्‍डिघे़ॽपॽआ चुप्‍होङ,

१ थेस्‍लोनिकि 5:2

इन्‍ढोङ्‌होङ हे़निङे़ॽ इगो खा नुरोॽ लेन्‍डानुमे, मे़मिॽपॽआ बेलाबेॽ सेन्‍डा खुसुबाङ लेन्‍डिडोक्‍नोॽ हजोक्‍टोॽ परभु लेम्‍मे याकसो लेङ्‌इये।

१ तिमोथि 6:20

तिमोथि, हे़न निवाहाङ्‌डे़ॽ पिबॽआ आग्‍या नुरोॽ हुपयुक्‍से। निवाहाङ मे़ॽनिङ्‌हा हिङ्‌मवानुङ योम्‍बोक मे़ॽनिङ्‌हा खा इःॽखुबा याॽमिजिबाङ ओ पेम्‍मे। माहाजिडे़ॽ इःॽपॽआ खा “निवामि खा” लुन्‍डुजे तर चइबानोॽ लुमाबेॽ माहा निवामि खा ने़ॽनिहा।

२ तिमोथि 1:13

येसु खिरिस्‍टबेॽ टुबॽआ बिस्‍वासनुङ नम्‍नमबेॽ हे़न के़ॽ पिबॽआ चइबाहा सिक्‍छे नुरोॽ पालना ले़ःॽनुङ नुबा नमुना लिसे।

हिब्‍रु 2:1

मोडोगे़ॽ कानिङे़ॽ इमा खेम्‍इटुङ्‌मे मो चाइबमा खाबेॽ बेॽलो निवा टिमा खे़ये, ने़ॽनिहोङ कानिङ ने़ॽनिबा राम खे़ॽए़न्‍डिङ्‌मा।

२ पत्‍रुस 1:13

इन्‍डोक्‍लो का हिङ्‌इङा, मोडोक्‍लो के़ॽ इघा खा हे़निङ लुमा नुबा लिये मिॽइनुङे।

२ पत्‍रुस 3:1

लङ्‌गामजि, हे़निङ्‌मि लागि साप्‍पॽआ इगो के़ए़ हाइके पत्‍रा ले़ये। इघा निच्‍चिनोॽ पत्‍राबेॽ साप्‍पॽआ खाबाङ हे़निङ्‌मि निवा चोखो युङ्‌मे खाबेॽ हौसला पिमा योॽइटुङे।

२ पत्‍रुस 3:10

तर परभुमि याक गो खुसुबाङ लेन्‍डिडोॽ हाजोक्‍टोॽ लेङ्‌इये। मो याक नान्‍द्‌रुङ्‌मा चाहिँ बेॽए सेम्‍लानुङ मे़खे़ये, नान्‍द्‌रुङ्‌माबेॽहा टुहा साङ्‌गे, ला चोप मिबेॽ हिॽखे़हा। मक्‍खाम्‍डेमनुङ मोबेॽ टुहा चोप थोक हिॽखे़हा।

परकास 16:15

“खाक्‍सानुमे, का खुसुबाङ्‌डोॽ लेङ्‌इङे़। असा मे़इम्‍रेॽ पेङ्‌इयेनुङ टाङ्‌बामि धारमिक चेॽ जोगा ले़न्‍डुए, मोसे़ॽ आसिस चुप्‍मिन्‍डुए। मोडोगे़ॽ खो उक्‍चुङ्‌रे़क सिॽनिबा, मोबा याॽमिजिमि पोम्‍बेॽ ङेम्‍मा सिॽनिबा!”

परकास 2:25

तर का मे़लेन्‍ङ्‌रो हे़निङे़ॽ काबेॽ ले़ःॽपॽआ बिस्‍वास बोलियो युक्‍सानुमे।

परकास 2:5

हे़निङे़ॽ टाङ्‌बामि टुम्‍बेॽ नुरोॽ मिॽखाक्‍सानुमे, हे़निङ्‌मि याक्‍लोए बिस्‍वासबाङ इन्‍डोक मिॽमु हेॽयुटानिङे। हागो हे़निङे़ॽ पापि योम्‍बोक लेॽपेनुङ टेआबानिङे, मोबा याक्‍लो हे़निङे़ॽ ले़टिडोक्‍नोॽ ले़टानुमे। मोडोॽ मे़ले़टानुमहोङ्‌गो का हे़निङ्‌बेॽ लेन्‍नुङ हे़निङ्‌मि सुनामि कुप्‍पि युङ्‌ढाम मो ठाउँबाङ सेम्‍बेनुङे।

परकास 22:7

“खेप्‍से, का चान्‍डोनोॽ लेङ्‌इङे़। इगो नेॽचिरामि अगमबानिमि बचन पालना ले़ःॽखुबाजि आसिस चुप्‍खुबाजि ले़म्‍मे।”

परकास 3:11

खेप्‍सानुमे, का चान्‍डोनोॽ लेङ्‌इङे़, हे़निङ्‌मि लागि युङ्‌बॽआ मुकुट असे़ॽसो मे़नाप्‍खे़ॽहेसुरो लुनुङ हे़निङ्‌नुङ टुहा बिस्‍वास नुरोॽ जोगा ले़ःॽयुक्‍सानुमे।

परकास 3:19

के़ॽ नम्‍नम ले़ःॽपॽआ याॽमिजि, के़ॽ योप्‍नुङ दन्‍डा पिनुङ्‌हाजि। मोडोगे़ॽ नुबा योम्‍बोक ले़ःॽमामि लागि साप्‍थाक्‍सानिङे, मोबा पापि योम्‍बोक लेप्‍पेनुङ टेसानिङे।

परकास 3:2

होसियार ले़टानिङे, हे़निङ्‌नुङ एम्‍बॽआ ए़डेॽवा बिस्‍वाससो बोलियो टोक्‍सानुमे। इन्‍ढोङ्‌होङ निवाहाङ्‌मि पोम्‍बेॽ हे़निङ्‌हा योम्‍बोक के़ॽ पुरा लिबॽआ मे़चुप्‍टि।