परकास 3:14 - याम्फु

¹⁴ “मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 3:14 Iomraidhean Croise

युहन्‍ना 1:3

चोप थोक निवाहाङ्‌डे़ॽ बचनबाङ टोक्‍सु। इमाङ थोकसो खो मे़ॽनिङ मे़न्‍टोक्‍सा।

युहन्‍ना 8:14

मोडोगे़ॽ येसुडे़ॽ माहाजि लुसुजि, “के़ॽ काङ्‌मि टुम्‍बेॽ गबाहि काङ्‌दाङ्‌बा पिनुङे़ तरसो काङ्‌मि गबाहि चाइबमा ले़ये। इन्‍ढोङ्‌होङ का हाम्‍बाङ लेङ्‌इटिङे मोबा का हाम्‍बेॽ खे़ॽमे़ॽनिङ्‌सिङे लुनुङ, के़ॽ नुरोॽ लेनुङे़ तर इगो खा हे़निङे़ॽ लेसानुम्‍नि।

२ कोरिन्‍थि 1:20

इन्‍ढोङ्‌होङ निवाहाङ्‌मि चोप हेन्‍ज्‍रुङ खिरिस्‍टबेॽ पुरा लिहा, मोडोगे़ॽ निवाहाङ्‌मि महिमामि लागि “आमेन” लुन्‍डुङ्‌मे।

कलस्‍सि 1:15

खिरिस्‍टमि नरिङ्‌नोॽ, कानिङेॽ मे़ङ्‌खाङ्‌बॽआ निवाहाङ्‌मि नरिङ ले़ये। खो चोप सिरिस्‍टिबाङ्‌सो टुम्‍इये।

कलस्‍सि 1:18

मन्‍डलि चाहिँ खिरिस्‍टमि हिङा ले़ये, खो मन्‍डलिमि निन्‍डवाँ ले़ये। खोनोॽ याक्‍लोमा ले़ये, खोनोॽ चोप खासोक्‍पेॽ एप्‍पा लिरो लुनुङ सिबॽआजिबाङ हिङ्‌बोक्‍पॽआजिबेॽ चोप्‍पाङ खो टुम्‍इये।

कलस्‍सि 2:1

चइबानोॽ हे़निङ्‌मि लागि के़ॽ निवा टिसाङ खेः आङ्‌मानुङ नुरोॽ योम्‍बोक ले़ए़टुङे। के़ॽको लाउडिकियाबेॽहा याॽमिजिनुङ के़ॽ मे़लेघुबाजिमि लागिसो मोडोक्‍नोॽ निवा टिनुङ योम्‍बोक ले़ए़टुङे लुनुङ हे़निङे़ॽ लेसानुमे मिॽइनिम्‍ने़।

कलस्‍सि 4:16

इगो पत्‍रा हे़निङे़ॽ नेॽसेॽनुङ ए़क्‍साङ लाउडिकियाबेॽए मन्‍डलिबेॽहाजिसो नेॽमामि पिसानुमे। मोडोक्‍नोॽ लाउडिकियाबेॽहा पत्‍रासो हे़निङे़ॽ नेडानुमे।

परकास 1:11

मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 19:11

के़ॽ थाङ्‌सिरि हेम्‍बोक्‍पॽआनुङ मोबेॽ इक्‍को उथ्‍रिॽमा घोडा खाङ्‌डोक्‍टुङ। मो घोडासोक्‍पेॽ सवारि लिघुबामि निङ “बिस्‍वासनुङमानुङ” “चाइबमा” लुये। खोसे़ॽ ठिक न्‍याय ले़न्‍डुएनुङ ङेः ले़न्‍डुए।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 21:6

मोबा निवाहाङ्‌डे़ॽ का लुसिङ, “हागो चोप योम्‍बोक रुक्‍खे़टाहा। का अल्‍फानुङ ओमेगा ले़ङे, चोप्‍पाङ याक्‍लोमानुङ चोप्‍पाङ ए़क्‍साङ्‌मा कानोॽ ले़ङे। असा असाजि वाइॽमे़ॽ सिन्‍डुजे, माहाजि के़ॽ हिङ्‌मवामि योङा पिॽठामबाङ उङ्‌मा पिनुङ्‌हाजि।

परकास 22:13

कानोॽ अल्‍फानुङ ओमेगा, मोबा याक्‍लोमानुङ ए़क्‍साङ्‌ए, पुःक्‍मारानुङ रुक्‍मरा (रुक्‍सिमा, तुरनि) ले़ङे।

परकास 22:6

मो थाङ्‌सिरिदुतडे़ॽ का लुसिङ, “इघा बचन बिस्‍वास ले़ःॽमारोहानुङ चइबानोॽहा ले़हा। हागो चान्‍डोनोॽ लिजाहा खा टाङ्‌बामि सेवाकजि खाङ्‌मेॽमामि, अगमबक्‍ताजि होङ्‌निवा पिघुबा परमपरभु निवाहाङ्‌डे़ॽ टाङ्‌बामि थाङ्‌सिरिदुत पाङ्‌इटुए।”

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।