परकास 22:6 - याम्फु

⁶ मो थाङ्‌सिरिदुतडे़ॽ का लुसिङ, “इघा बचन बिस्‍वास ले़ःॽमारोहानुङ चइबानोॽहा ले़हा। हागो चान्‍डोनोॽ लिजाहा खा टाङ्‌बामि सेवाकजि खाङ्‌मेॽमामि, अगमबक्‍ताजि होङ्‌निवा पिघुबा परमपरभु निवाहाङ्‌डे़ॽ टाङ्‌बामि थाङ्‌सिरिदुत पाङ्‌इटुए।”

परकास 22:6 Iomraidhean Croise

मत्‍ति 13:41

याॽमिमि पसाडे़ॽ खोमि थाङ्‌सिरिदुतजि पाङ्‌इन्‍डुजे, मोबा पाप ले़ःॽमेॽखुबा चोप थोकनुङ दुस्‍ट योम्‍बोक ले़ःॽमे़ॽखुबाजि खोमि राज्‍यबाङ सुम्‍इन्‍डुजे,

लुका 1:70

खोसे़ॽ इगो खा उहिलेबाङ्‌नोॽ टाङ्‌बामि पबित्‍रा अगमबक्‍ताजिमि याबुकबाङ लुबॽआ ले़टे़।

लुका 16:16

“बप्‍तिस्‍मा पिघुबा युहन्‍नामि बेलाडोक्‍लो मोसाडे़ॽ पिबॽआ नियमनुङ अगमबक्‍ताजिमि खा याॽमिजिडे़ॽ ले़ःॽमे़ॽनिङ्‌सिडुजे। मोबाङ इगिॽयु चाहिँ निवाहाङ्‌मि राज्‍यमि सुसमाचार खेम्‍मेॽमे़ॽनिङ्‌सिये, मोबा चोप मोबेॽ येॽयेॽ पे़खे़ॽमा योॽइम्‍मे।

एप्‍पा चोङ्‌सा 12:11

मोडोक्‍पेॽरेॽ पत्‍रुसडे़ॽ खोबेॽ लिबॽआ चोप खा चइबानोॽ लिबॽआ ले़येले़ लुनुङ लेडोक्‍टु। मोबा खोमदाङ्‌बे़ॽ इडोॽ लुसु, “परभुडे़ॽ चइबानोॽ खोमि थाङ्‌सिरिदुत पाङ्‌नुङ हाङ्‌बा हेरोदनुङ यहुदिडे़ॽ का पिमायोक्‍पॽआ दुःखबाङ जोगबा ले़टिङ।”

एप्‍पा चोङ्‌सा 3:18

तर खिरिस्‍टडे़ॽ खेः आङ्‌मा खे़ये लुमे खा निवाहाङ्‌डे़ॽ बेॽलो याक्‍लो अगमबक्‍ताजिबाङ इःबॽआ खा खोसे़ॽ मोडोॽ पुरा ले़टु।

रोमि 1:2

मो सुसमाचारमि टुम्‍बेॽ निवाहाङ्‌डे़ॽ याक्‍लोएम्‍बाङ्‌नोॽ खोमि अगमबक्‍ताजिबाङ पबित्‍रा धारमिक नेॽचिराबेॽ हेन्‍ज्‍रुङ हे़म्‍बॽआ ले़टे़।

१ कोरिन्‍थि 14:32

अगमबक्‍ताजिडे़ॽ टाङ्‌बामि बरदान खोजिमिन्‍नोॽ अधिनबेॽ युङ्‌मा खे़ये।

१ कोरिन्‍थि 7:29

के़हा वावानिसानुङ नानुसाजि, हे़निङ लुनिम्‍ने़, परभुमि योम्‍बोक ले़ःॽमे बेला माॽआये, हागोएम्‍बाङ बनिमा काप्‍खुबाजि बनिमा मे़ङ्‌काप्‍खुबाजिडोक्‍नोॽ लिमिरो।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

हिब्‍रु 12:9

मक्‍खाम्‍डेमबेॽए कानिङ्‌मि पाबा मामाडे़ॽ कानिङ तहबेॽ युङ्‌इयेनुङ कानिङे़ॽ खोजि आदर ले़न्‍डुङ्‌मा। कानिङ्‌मि आत्‍मिक पाबा निवाहाङ्‌मि अधिनबेॽको छना बेॽलो पेम्‍मा खे़ये।

२ पत्‍रुस 1:21

इन्‍ढोङ्‌होङ अगमबानि लुघुबा याॽमिमि निवामि सक्‍तिबाङ लेम्‍बॽआ खा ने़ॽनिबा, तर पबित्‍रा होङ्‌निवामि सक्‍तिबाङ याॽमिजिडे़ॽ निवाहाङ्‌बाङ यामुबॽआ खा ले़ये।

२ पत्‍रुस 3:2

याक्‍लो याक्‍लोहा अगमबक्‍ताजिडे़ॽ पिबॽआ सिक्‍छे, मोबा एप्‍पा चोङ्‌साजिडे़ॽ खेम्‍मेॽपॽआ कानिङ्‌मि परभु मुक्‍तिदाङ्‌बामि आग्‍या हे़निङे़ॽ मिॽयुक्‍सानुमे।

परकास 1:1

इगो नेॽचिराबेॽ येसु खिरिस्‍टडे़ॽ युहन्‍ना पिबॽआ सेन्‍जिसेम्‍माङ्‌मि टुम्‍बेॽ साप्‍पॽआ ले़ये। मो खा चाहिँ हागो चान्‍डोनोॽ लिसिॽपोरोइटे़ लुनुङ निवाहाङ्‌डे़ॽ खोमि याॽमिजि खाङ्‌मेॽमामि लागि परभु येसुमि राम्‍बाङ सेन्‍जिसेम्‍माङ पिसु। मोबा येसुडे़ॽ इघा लुमामि लागि, इक्‍को थाङ्‌सिरिदुत खोमि एप्‍पा चोङ्‌सा युहन्‍नाबेॽ पाक्‍सु।

परकास 18:20

हे थाङ्‌सिरिबेॽ टुघुबाजि साप्‍थक्‍सानिङे। होउ निवाहाङ्‌मि याॽमिजि, एप्‍पा चोङ्‌साजि, अगमबक्‍ताजि हे़निङ चोप साप्‍थक्‍सानिङे, इन्‍ढोङ्‌होङ मोसे़ॽ हे़निङ चुङ्‌जासा मोमि साटो निवाहाङ्‌डे़ॽ खो दन्‍डा पिटुए।”

परकास 19:9

मोबा मो थाङ्‌सिरिदुतडे़ॽ का लुसिङ, “इगो सबे, माहाजि चोप आसिस चुप्‍खुबाजि ले़म्‍मे असा असे़ॽ थुमामि फुङ्‌सयामि भत्‍तेरबेॽ निम्‍तो चुप्‍मिटुजे।” मोसे़ॽ फेरिसो का लुसिङ, “निवाहाङ्‌मि चाइबमा बचन इघानोॽ ले़हा।”

परकास 21:5

मोबा हाङ्‌पेन्‍ढामबेॽ पेङ्‌घुबा निवाहाङ्‌डे़ॽ का लुसिङा, “खेप्‍से, के़ॽ चोप खा चोङ टोङ्‌इनुङ्‌हा।” खोसे़ॽ इडोक्‍सो लुसिङ, “इडोॽ साबे, इघा खा बिस्‍वासनुङ्‌मानुङ चाइबमा ले़हा।”

परकास 21:9

मोबा माहा एच्‍चि बिपत्‍ति इॽठुपमा एच्‍चि खोरिया याङ्‌घुबा एच्‍चि थाङ्‌सिरिदुतजिबेॽ इक्‍को थाङ्‌सिरिदुत काबेॽ लेन्‍नुङ इडोॽ लुसिङ, “आबे, के़ॽ हे़न थुमामि नायोङ्‌मा, खोमि बनिमा खाङ्‌मुन्‍ने़।”

परकास 22:1

मोबा मो थाङ्‌सिरिदुतडे़ॽ का स्‍फटिकडोॽमा चहकिलो हिङ्‌मवामि होङ्‌मा खाङ्‌मेॽटिङ, मो होङ्‌मा चाहिँ निवाहाङ्‌मिनुङ बलि लिघुबा थुमामि हाङ्‌पेन्‍ढामबाङ पे़आप्‍पॽआ ले़टा।

परकास 22:16

“का येसुडे़ॽ टाङ्‌बामि दुत हे़निङ्‌मि मन्‍डलिबेॽहा चोपजि इगो साक्‍छि पिमामि लागि पाङ्‌इटिङे। दाउदमि बङ्‌समि पसा, मोबा माक्‍मिए उज्‍यालोमा साङ्‌गे कानोॽ ले़ङे।”

परकास 22:7

“खेप्‍से, का चान्‍डोनोॽ लेङ्‌इङे़। इगो नेॽचिरामि अगमबानिमि बचन पालना ले़ःॽखुबाजि आसिस चुप्‍खुबाजि ले़म्‍मे।”

परकास 4:1

मोबा ए़क्‍साङ के़ॽ थाङ्‌सिरिबेॽ इक्‍को राम्‍डेम हेम्‍बॽआ खाङ्‌डोक्‍टुङ। मोबा के़ॽ याक्‍लोनोॽ खेम्‍बॽआ तुरहिमिडोक्‍मा सेम्‍ला खेप्‍सुङ। मोसे़ॽ इडोॽ लुमे़ॽनिङ्‌सिडुए, “इगिॽटु काडे, के़ॽ हे़न ए़क्‍साङ लिहा खा खाङ्‌मुन्‍ने़।”