परकास 22:4 - याम्फु

⁴ माहाजिडे़ॽ खोमि नजिक खाङ्‌डोक्‍इन्‍डुजे, निवाहाङ्‌मि निङ खोजिमि तुरुवाबेॽ साप्‍मिहा।

परकास 22:4 Iomraidhean Croise

मत्‍ति 5:8

चोखो निवा खिघुबाजि आसिसित ले़म्‍मे, इन्‍ढोङ्‌होङ खोजिडे़ॽ निवाहाङ खाङ्‌डोइन्‍डुजे।

युहन्‍ना 12:26

काङ्‌मि योम्‍बोक ले़ःॽमा मिॽखुबा कानुङ राम्‍मा खे़ये। का हाम्‍बेॽ हाम्‍बेॽ खे़ॽए़ङे, काङ्‌मि योम्‍बोक ले़ःॽमा मिॽखुबासो मोबेॽनोॽ खे़ॽमा खे़ये। काङ्‌मि पाबाडे़ॽ खो खाङ्‌इन्‍डुए।”

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

१ कोरिन्‍थि 13:12

आइगो कानिङे़ॽ मिकच्‍रेङ्‌बेॽ खाङ्‌माबेॽ धोमिलो खाङ्‌इन्‍डुङ्‌मे, तर मो बेलाबेॽ चाहिँ छे़ङ्‌गै खाङ्‌मुये। आइ के़ॽ लेबॽआ खा अपुरो ले़ये, तर मो बेला चाहिँ निवाहाङ्‌डे़ॽ का नुरोॽ लुडिडोॽ के़ॽसो चोप लेनुङे़।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

परकास 14:1

मोबा के़ॽ खाङ्‌माबेॽ सियोन टोक्‍टोक्‍माबेॽ थुमा येःप्‍मे़ॽनिङ्‌सिबॽआ खाङ्‌डोक्‍टुङ। खोनुङ सोरि इक्‍को लाख रिक्‍पोङ रिउम हजार याॽमिजि टुसामि, माहाजिमि तुरुवाबेॽ थुमामिनुङ खोमि पाबामि निङ साप्‍पॽआ ले़टा।

परकास 3:12

असे़ॽ हेजोन्‍डुए, मोनोॽ के़ए़ निवाहाङ्‌मि मन्‍दिरमि इक्‍को खाँबा टोङ्‌इनुङे, मोबा सानिङ्‌मि लागि मो मोबेॽए लिये, मोबेॽ निवाहाङ्‌मि निङ, मोबा थाङ्‌सिरिबाङ उङ्‌इये चोङ सहर यरुसलेममि निङ्‌नुङ टाङ्‌बामि चोङ निङ्‌सो मोबेॽ साप्‍मिनुङे।”

परकास 7:3

“कानिङे़ॽ कानिङ्‌मि निवाहाङ्‌मि सेउतेजिमि तुरुवाबेॽ मोहोर मे़न्‍टिसेॽलोरो मक्‍खाम्‍डेम, माहोङ्‌मा अथबा सिङ्‌बु डाङ इमाङ्‌सो ए़ले़टानुमे।”