परकास 21:8 - याम्फु

⁸ तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 21:8 Iomraidhean Croise

मत्‍ति 10:28

हे़निङ्‌मि होङ्‌निवा मे़न्‍सेॽहेघुबानुङ ए़क्‍किसिडानिङे माहाजिडे़ॽको हे़निङ्‌मि हिङारेॽ सेॽहेन्‍डुजे। बोरु हे़निङ्‌मि हिङानुङ होङ्‌निवा निच्‍चिनोॽ सेॽनेहेघुबा निवाहाङ्‌नुङ किस्‍सिडानिङे।

मत्‍ति 25:25

मोडोगे़ॽ का किस्‍सिडिङ, मोबा हे़ने़ॽ पिबॽआ सुनामि मुन्‍डा आक्‍खामा होङ्‌सिॽयु चुम्‍नुङ युक्‍सुङ, हे़ने़ॽ पिबॽआ सुनामि मुन्‍डा इगोबेॽ टुये टाबे।’

मत्‍ति 8:26

येसुडे़ॽ माहाजि इडोॽ लुसुजि, “हे़निङ इन्‍ढोङ किस्‍सिन्‍डानिङे, खोइ हे़निङ्‌मि बिस्‍वास ?” मोबा येसु येपोक्‍नुङ मो फुइक्‍सुमानुङ फे़ङ्‌ले़ॽवा योबु। योप्‍मासोरोॽ फुइक्‍सुमानुङ फे़ङ्‌ले़ॽवासो योङ उगा।

मरकुस 9:44

मो खेःलोकबेॽको इक्‍को फिबासो सिघे़ॽनिबा, मोबेॽ मिसो सिनिबा।

युहन्‍ना 8:44

हे़निङ्‌मि पाबा सैतान ले़येनुङ हे़निङ्‌मि पाबाडे़ॽ ले़ःॽमा मिॽटिडोक्‍नोॽ हे़निङे़ॽ सानिङ ले़न्‍डानुमे। मोगो याक्‍लोएम्‍बाङ्‌नोॽ याॽमि सेक्‍खुबा ले़टे़, खोसे़ॽ चाइबमा खामि ले़ख्‍खो ले़टुनिबा इन्‍ढोङ्‌होङ खो रेम्‍डेॽखुबा ले़ये। खोबेॽ मङे़हा निवा टुये मोबा मोडोक्‍नोॽ यामुये इन्‍ढोङ्‌होङ खो रेम्‍सिङ्‌मि पाबा ले़ये।

२ थेस्‍लोनिकि 2:9

मो ब्‍यबस्‍था पालना मे़ले़ःॽखुबाडे़ॽ सैतानमि सक्‍तिनुङ याॽमिजि रेम्‍एम्‍मामि बेॽलो खालहा रेम्‍सिङ चिङ्‌गा खाङ्‌मुन्‍डुहा, मोबा खरि खरिहा योम्‍बोक ले़न्‍डुहा।

१ तिमोथि 4:2

इडोक्‍हा सिक्‍छे रेम्‍सिङ्‌जिबाङ लेङ्‌इहा। इघाजिमि निवा कुहाङ चे़क्‍चिडे़ॽ ङाम्‍बॽआडोॽ लिघे़टहा मोडोगे़ॽ खोजिडे़ॽ नुबानुङ मङे़हा खा लेसुजिने।

तितस 1:16

माहाजि निवाहाङ लेन्‍डुङ्‌मे़गो काम्‍मे, तर खोजिमि योम्‍बोकडे़ॽ निवाहाङ सिच्‍चोन्‍डुजे। चिक्‍चि मिॽमारोहानुङ लुबॽआ खा मे़खेम्‍खुबा याॽमिजि इमाङ्‌सो नुबा योम्‍बोक ले़ःॽमा खेन्‍जोसुजिने।

हिब्‍रु 12:24

याॽमिनुङ निवाहाङ्‌मि रुम्‍बेॽ चोङ हेन्‍ज्‍रुङ हे़न्‍खुबा येसुमि पोम्‍बेॽ लेङ्‌इटानिङे। हे़निङ हाबिलडे़ॽ चेॽटिबॽआ हरिबाङ्‌सो बेॽलो नुबा हेन्‍ज्‍रुङ हे़न्‍खुबा येसुमि हरिबेॽ लेङ्‌इटानिङे।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

१ युहन्‍ना 2:22

मे़ॽनोक्‍मा असाडे ? येसु खिरिस्‍ट मुक्‍तिदाङ्‌बा ने़ॽनिबा लुघुबानोॽ मे़ॽनोक्‍मा ले़ये। निवाहाङ पाबानुङ पसा बिस्‍वास मे़ले़ःॽखुबानोॽ खिरिस्‍टमि टेडिगरिक्‍मा याॽमि ले़ये।

१ युहन्‍ना 3:15

बिस्‍वासि वावानिसानुङ नानुसाजि सिॽचाघुबा चाहिँ याॽमि सेॽखुबा ले़ये, याॽमि सेॽखुबाडे़ॽ ए़ॽसिमे हिङ्‌मवा चुप्‍हेसुनिबा लुनुङ हे़निङे़ॽ लेन्‍डानुम।

१ युहन्‍ना 5:10

मोडोगे़ॽ निवाहाङ्‌मि पसाबेॽ बिस्‍वास ले़ःॽखुबामि निवाबेॽ इगो खामि साक्‍छि टुये, निवाहाङ्‌बेॽ बिस्‍वास मे़ले़ःॽखुबाडे़ॽ खोमि साक्‍छिनोॽ मे़ॽनोक्‍मा मिॽइन्‍डुए, इन्‍ढोङ्‌होङ निवाहाङ्‌डे़ॽ खोमि पसा येसुमि टुम्‍बेॽ पिबॽआ साक्‍छिबेॽ बिस्‍वासनोॽ मे़ले़टिॽटुए।

परकास 14:10

माहाजिडे़ॽसो निवाहाङ्‌मि सुरिकनुङ्‌मा दन्‍डा आङ्‌मा खे़ये। माहाजिडे़ॽ पबित्‍रा थाङ्‌सिरि दुतजिनुङ थुमामि पोम्‍बेॽ मिनुङ गन्‍धकमि कुहाङ्‌बेॽ खेः आङ्‌मा खे़ये।

परकास 19:20

मोबा मो जिवातनुङ मोमि पोम्‍बेॽ खरिहा योम्‍बोक ले़ःॽखुबा मे़ॽनोक्‍मा अगमबक्‍ता निप्‍पाङ्‌नोॽ कैदि लिसाजि। इघा खरिहा योम्‍बोकबाङ मो रेम्‍सिङ अगमबक्‍ताडे़ॽ मो जिवातमि छाप टिघुबाजिनुङ मोमि मुरतिमि पुजा ले़ःॽखुबाजि रेम्‍बॽआ ले़टामे। हाङ्‌मे़ॽनिङ्‌सिबॽआ गन्‍धकमि बेॽएम्‍मा थाउरुमबेॽ मोजि हिङ्‌रिकनोॽ राप्‍ए़न्‍डुजि।

परकास 2:11

पबित्‍रा होङ्‌निवाडे़ॽ मन्‍डलिबेॽहाजि इमा लुन्‍डुजे, ने़ए़क काप्‍खुबा चोबे़ॽ खेप्‍सानुमे, असे़ॽ हेजोन्‍डुए, खो ए़क्‍साङ्‌ए सिमवाबाङ किस्‍सिमा पाप्‍निबा।”

परकास 2:2

हे़निङे़ॽ ले़ःॽपॽआ होप्‍तिॽवानुङ्‌हा योम्‍बोकनुङ सहनसिल लिबॽआ खा के़ॽ लेनुङ्‌हा। मोबा हे़निङे़ॽ दुस्‍ट निवानुङ्‌हा याॽमिजि खाङ्‌हेसानुम्‍ने लुनुङ्‌सो के़ॽ लेनुङे़। माहाजि टाङ्‌बा एप्‍पा चोङ्‌सा कामानिम्‍मे, तर खोजि एप्‍पा चोङ्‌सा ने़ॽनिहाजि लुनुङ जाँच ले़ःॽपॽआ हे़निङे़ॽ लेडोक्‍इटानुमे लुमे खासो के़ॽ लेनुङे़।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 22:15

तर हुःॽवाडोॽ बेहोरा ले़ःॽखुबाजि, टुनामुना ले़ःॽखुबाजि, बेभिचार ले़ःॽखुबाजि, याॽमि सेॽखुबाजि, मुरति पुजा ले़ःॽखुबाजि, रेम्‍सिङ खा नेन्‍जाखुबाजि इडोक्‍हा चोपजि सहरबाङ पाखे़ॽयुनोॽ सिॽइम्‍मे।

परकास 9:17

मोबेॽ के़ॽ सेन्‍जिसेम्‍माङ्‌बेॽ माक्‍पॽआ घोडाजिनुङ घोडाबेॽ साङ्‌घुबाजिमि हेप्‍सोक्‍पेॽ चाङ्‌मे कवज चाहिँ मिडोॽमा, फिरिरिमा गन्‍धकडोॽ हरदिजिक्‍पा ले़टा। माहा घोडाजिमि निन्‍डवाँ किबामि निन्‍डवाँडोॽ ले़टा। माहाजिमि याबुकबाङ मि, मे़क्‍खुनुङ गन्‍धक पे़आबाहा।

परकास 9:21

माहाजिडे़ॽ याॽमि सेॽमा, चटक ले़ःॽमा, बेभिचारि योम्‍बोक ले़ःॽमानुङ खुजामा मे़ले़डुजि।