परकास 21:3 - याम्फु

³ हाङ्‌पेन्‍ढामबाङ इक्‍को बेॽए सेम्‍लाडे़ॽ इडोॽ लुबॽआ के़ॽ खेप्‍सुङ, “खेप्‍सानुमे, निवाहाङ याॽमिजिनुङ पेम्‍बोॽइटे़। खो माहाजिनुङ पेङ्‌इयेनुङ माहा याॽमिजि चाहिँ निवाहाङ्‌मि याॽमिजि लिम्‍मे। निवाहाङ खोम्‍दाङ्‌बा माहाजिमि निवाहाङ लिनुङ पेङ्‌इये।

परकास 21:3 Iomraidhean Croise

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 14:23

येसुडे़ॽ खो लुसु, “असे़ॽ का नम्‍नम ले़ये, मोसे़ॽ काङ्‌मि बचन पालना ले़न्‍डुए मोबा काङ्‌मि पाबाडे़ॽसो खो नम्‍नम ले़न्‍डुएनुङ कानिङ खोबेॽ लेन्‍नुङ खोनुङ पेङ्‌इन्‍डिङ्‌मे।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

२ कोरिन्‍थि 6:18

“का हे़निङ्‌मि पाबा लिङे, मोबा हे़निङ के़हा पसाजि लिन्‍डानिङे, चोप्‍पाङ सक्‍तिदाङबा निवाहाङ्‌डे़ॽ लुये।”

१ थेस्‍लोनिकि 3:11

हागो कानिङ्‌मि निवाहाङ पाबा खोम टाङ्‌बे़ॽनुङ परभु येसुडे़ॽनोॽ हे़निङ्‌नुङ चुप्‍मामि लागि राम हेम्‍बेॽलो लुमे आसाबेॽ पेङ्‌इटिङ्‌मे़।

हिब्‍रु 11:16

तर खोजिडे़ॽको मो देसबाङ्‌सो थाङ्‌सिरि देसबेॽ खे़ॽमा मिनामे। मोडोगे़ॽ निवाहाङ्‌डे़ॽ माहाजिमि निवाहाङ ले़ङे लुमासो मे़ङेसिडा, इन्‍ढोङ्‌होङ खोसे़ॽको माहाजि पिमे सहर पोरोक्‌युङ्‌बॽआ ले़टे़।

हिब्‍रु 8:10

परमपरभुडे़ॽ लुये, हागो लेङ्‌इहा याकपेॽ इस्‍राएलिजिनुङ इडोक्‍मा हेन्‍ज्‍रुङ हिःक्‍इनुङे, माहाजिमि निवाहोङ्‌बेॽ काङ्‌मि नियम युङ्‌बेनुङ्‌हाजि, मोबा खोजिमि निवाहोङ्‌बेॽ काङ्‌मि नियम साप्‍टिबेनुङ्‌हाजि। का खोजिमि निवाहाङ लिङे, मोबा माहाजि काङ्‌मि जनता लिम्‍मे।

हिब्‍रु 8:2

याॽमिडे़ॽ टोङ्‌बॽआ ने़ॽनि, तर परमपरभु निवाहाङ्‌डे़ॽनोॽ टोङ्‌बॽआ चाइबमा पबित्‍रा ठाउँबेॽ चोप्‍पाङ एप्‍पा याडाङ्‌बा लिनुङ खोसे़ॽ योम्‍बोक ले़न्‍डुए।

परकास 10:4

माहा एच्‍चि गोटा नान्‍द्‌रुङ्‌मा मुक्‍मासोरोॽ का साप्‍मामि पोरोगिङ, मोडोक्‍पेॽनोॽ थाङ्‌सिरिबाङ इडोॽ लुबॽआ के़ॽ खेप्‍सुङ, “माहा एच्‍चि गोटा नान्‍द्‌रुङ्‌मा मुक्‍पॽआ खा चुम्‍नुङ युक्‍से, आक्‍को ए़ॽसाबुने।”

परकास 10:8

थाङ्‌सिरिबाङ काबॽआ सेम्‍लाडे़ॽ का फेरि लुसिङा, “खडे, माहोङ्‌मानुङ भुमिबेॽ सिक्‍नुङ येःप्‍खुबा थाङ्‌सिरिदुतमि हुकपेॽ टुये मो हेम्‍बोक्‍पॽआ साउकमि पत्‍रामि मुट्‌ठा लासे।”

परकास 12:10

मोबा थाङ्‌सिरिबेॽ इडोॽ लुबॽआ के़ॽ खेप्‍सुङ, “हागो कानिङ्‌मि निवाहाङ्‌डे़ॽ छुट्‌कारा ले़ये, खोसे़ॽ सक्‍तिनुङमा राज्‍य ले़न्‍डुएनुङ खिरिस्‍टमि अधिकार लेङ्‌इटे़। हागो कानिङ्‌मि वावानिसानुङ नानुसाजि लेन्‍डा सेन्‍डा निवाहाङ्‌मि पोम्‍बेॽ आप्‍टिक टिघुबा सैतान थाङ्‌सिरिबाङ राप्‍खे़टे़।

परकास 21:7

असा असे़ॽ दुस्‍टा योम्‍बोक हेजोन्‍डुजे, माहाजिडे़ॽ काबाङ इघा आसिस चुप्‍मिन्‍डुजे, का माहाजिमि निवाहाङ लिङेनुङ खोजि काङ्‌मि पसाजि लिम्‍मे।

परकास 22:3

हागोएम्‍बाङ मिॽयु मो सहरबेॽ पेङ्‌घुबाजिबेॽ अथबा इमाङ्‌बेॽसो निवाहाङ्‌मि चापहिमा सिॽनिबा। निवाहाङ्‌मिनुङ थुमामि हाङ्‌पेन्‍ढाम मोबेॽ टुये, मोबेॽ खोमि सेवाकजिडे़ॽ सानिङ खोमि ओहाङ ले़न्‍डुजे।

परकास 7:15

मोडोगे़ॽ खोजि निवाहाङ्‌मि पोम्‍बेॽ टुम्‍मे, सेन्‍डा लेन्‍डा खोमि मन्‍दिरबेॽ सेवा ले़म्‍मे, मो हाङ्‌पेन्‍ढामबेॽ पेङ्‌घुबाडे़ॽ माहाजिनुङ सोरि पेन्‍नुङ खोजिमि रच्‍छे ले़न्‍डुजे।