परकास 21:23 - याम्फु

²³ मो सहर उज्‍यालो टोङ्‌मामि लागि नमनुङ ला मे़पाप्‍टा, इन्‍ढोङ्‌होङ निवाहाङ्‌मि महिमानोॽ मोमि उज्‍यालो ले़ये। मो सहरमि कुप्‍पि चाहिँ थुमा खोम्‍दाङ्‌बा ले़टा।

परकास 21:23 Iomraidhean Croise

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

लुका 2:32

खोनोॽ अयहुदि जातिहा याॽमिजि हे़ने़ए़ राम खाङ्‌मेॽखुबा जोति ले़ये। खोसे़ॽनोॽ हे़ने़हा इस्‍राएलि याॽमिजिमि महिमा ले़ःॽमेन्‍डुए।”

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 1:18

निवाहाङ असे़ॽसो आयुरो इन्‍डोक्‍पेॽसो मे़ङ्‌खाङ्‌डिॽ, तर खोमि इक्‍कोमा पसानोॽ, निवाहाङ ले़ये मोबा खो निवाहाङ पाबानुङ सोरि पेङ्‌इये। पसे़ॽनोॽ कानिङ निवाहाङ खाङ्‌मुसा।

युहन्‍ना 1:4

खोबेॽ हिङ्‌मवा टुसा, मो हिङ्‌मवाडे़ॽनोॽ याॽमिजि उज्‍यालो पिसुजे।

युहन्‍ना 1:9

मो चाइबमा जोति चोप जातिहा याॽमिजि पिसिॽ मक्‍खाम्‍डेमबेॽ लेम्‍मे़ॽनिङ्‌सिडे़।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 5:23

याॽमिजिडे़ॽ निवाहाङ पाबा आदर ले़ःॽपॽआडोक्‍नोॽ पसासो चोबे़ॽ आदर ले़टुजिरो लुनुङ इडोॽ ले़ए़टुए। पसामि आदर मे़ले़ःॽखुबाजिडे़ॽ खो पाङ्‌घुबा पाबामिसो आदर ले़टुजिने।

एप्‍पा चोङ्‌सा 22:11

मो बेॽलो पोक्‍पॽआ उज्‍यालोडे़ॽ का मिकसुरुम्‍बा लिसिङ मोबा के़हा लङ्‌गामजिडे़ॽ हुकपेॽ राःप्‍नुङ दमस्‍कस चिक्‍खे़ॽटामि।

परकास 14:4

माहा याॽमिजि असानुङ्‌सो लसपस मे़लिबॽआ चोखो ले़टामि। थुमामि ए़ङ्‌गुवा ए़ङ्‌गुवा राम्‍घुबाजि चाहिँ इघाजिरेॽनोॽ टुसामि। माहाजि निवाहाङ्‌नुङ थुमामि लागि चेॽटिबॽआ याक्‍लोमा चाडोॽ ले़टामि। इघाजि मक्‍खाम्‍डेमबेॽहाजिबाङ छुट्‌कारा ले़ःॽपॽआजि ले़टामि।

परकास 18:1

मोबाङ ए़क्‍साङ बेॽए अधिकारनुङ्‌मा हाइको इक्‍को थाङ्‌सिरिदुत थाङ्‌सिरिबाङ किॽमु उङ्‌मे़ॽनिङ्‌सिबॽआ के़ॽ खाङ्‌डोक्‍टुङ। खोमि जोतिडे़ॽ मक्‍खाम्‍डेम उज्‍यालो लिसा।

परकास 21:11

मो सहरनुङ चाहिँ निवाहाङ्‌मि महिमा टुसा, मो सहर बेॽलो याङ सिॽइये रत्‍न, बिल्‍लौर स्‍फटिकडोॽ पोक्‍पॽआ ले़टा।

परकास 21:25

मो सहरमि राम्‍डेम इन्‍डोक्‍पेॽसो से़क्‍निबा, मोबेॽ सेन्‍डा लिनिबा।

परकास 22:5

मोबेॽ फेरि इन्‍डोक्‍पेॽसो सेन्‍जुगुप लिनिबा, मोबेॽहा याॽमिजिमि लागि सेन्‍डा कुप्‍पि पाप्‍निबा, लेन्‍डामि लागि नम पाप्‍निबा, इन्‍ढोङ्‌होङ परमपरभु निवाहाङ्‌नोॽ खोजिमि लागि उज्‍यालो ले़ये। मोबा माहाजिडे़ॽ सानिङ्‌मु राज्‍य ले़न्‍डुजे।

परकास 5:6

मोबा ए़क्‍साङ माहा रिउम हिङ्‌रिक जिवातजिनुङ धारमिक गुरुजिमि रुम्‍बेॽए हाङ्‌पेन्‍ढाममि पोम्‍बेॽ इक्‍को थुमाडोॽमा येःप्‍टिङ्‌बॽआ के़ॽ खाङ्‌डोक्‍टुङ। खो कोहिडे़ॽ याक्‍लोनोॽ सेॽनेबॽआडोॽ खाङ्‌मुसा। मोमि एच्‍चि गोटा सजाङ्‌नुङ एच्‍चि गोटा मिक टुसा। माहाजि चाहिँ मक्‍खाम्‍डेमबेॽ पाङ्‌बॽआ निवाहाङ्‌मि एच्‍चि होङ्‌निवाजि ले़म्‍मे।

परकास 7:17

इन्‍ढोङ्‌होङ हाङ्‌पेन्‍ढाममि रुम्‍बेॽ थुमाडे़ॽनोॽ खोजिमि गोठ्‌ला लिनुङ रच्‍छे ले़न्‍डुजे, खोसे़ॽ माहाजि कोमानुङ हिङ्‌मवामि योङा पिॽठामबेॽ चिॽखे़न्‍डुजे निवाहाङ्‌डे़ॽ माहाजिमि मिॽवा टुःक्‍पेन्‍डुजे।”