परकास 21:21 - याम्फु

²¹ माहा बारो राम्‍डेम चाहिँ बारो मोतिमि ले़टा। माहा चोप राम्‍डेम मोतिबाङ टोङ्‌बॽआ ले़टा। मो सहरमि राम मिच्‍रे़ङ्‌डोॽ पोॽइये निखुर सुनामि ले़टा।

परकास 21:21 Iomraidhean Croise

परकास 17:4

मो मेॽनामिॽडे़ॽ बैजनि रङ्‌मानुङ हररामा पोॽइये चेॽ चाङ्‌बॽआ ले़टा, खो सुना, रत्‍ननुङ मोति वे़ःॽमानुङ चाक्‍पॽआ ले़टा। मोसे़ॽ हुकपेॽ इक्‍को खोरिया याङ्‌बॽआ ले़टा, मो खोरिया इॽठुप चिक्‍चिमिॽमारोहा बेभिचारमि खा टुसा।

परकास 18:16

“इःयो, इगो सहरमि लागि इन्‍डोॽ किस्‍सिमारोमा बेला लेस्‍सायो, इगोसे़ॽको मे़नेक मे़नेक्‍मा सुतिमि चेॽ, बैजनिनुङ सिन्‍दुर रङ्‌मा हररामा चेॽ चाक्‍सुए, मोबा सुना, रत्‍ननुङ मोतिमि गहन वे़ःॽमानुङ चागे़।

परकास 21:15

कानुङ यामुघुबा थाङ्‌सिरिदुतमि हुकपेॽ सहरनुङ मोमि राम्‍डेम, मोबा मोमि परखाल सिःक्‍मामि लागि इक्‍को सुनामि टाँगा टुसा।

परकास 21:18

मो परखाल बिल्‍लौरडे़ॽ टोङ्‌बॽआ ले़टा, मो सहर चाहिँ निखुर सुनाडे़ॽ टोङ्‌बॽआ ले़टा, मोबा मिच्‍रे़ङ्‌डोक्‍नोॽ पोगे़।

परकास 22:2

मो यिवा सहरमि राममि रुम्‍बाङ यिःॽखे़ॽमे़ॽनिङ्‌सिडा। मो यिवामि निगे़ङ्‌लामनोॽ हिङ्‌मवामि डाङ टुसा, मो डाङ्‌बेॽ इक निङ्‌बेॽ बारो खालहा चा किङ्‌इये। इक्‍को महिनाबेॽ इक्‍को खालमा चा किङ्‌इये, मो डाङ्‌मि आॽवा चाहिँ जाति जातिजि नुबोक्‍मे सिडा ले़टाहा।

परकास 4:6

मो हाङ्‌पेन्‍ढाममि पोम्‍बेॽ सिसाडोक्‍मा छे़ङ्‌गै खाङ्‌मुये माहोङ्‌मा टुसा। हाङ्‌पेन्‍ढाममि खिरिरि रिउम गोटा हिङ्‌रिक जिवातजि टुसामि। माहाजिमि हिङाइॽठुप मिक टुसा।