परकास 21:2 - याम्फु

² मोबा के़ॽ निवाहाङ्‌बाङ नायोङ्‌बामि लागि नायोङ्‌माडोक्‍नोॽ चाक्‍मानुङ पोरोक्‌युङ्‌बॽआ, मो पबित्‍रा सहर, चोङ यरुसलेम थाङ्‌सिरिबाङ मिॽमु हेॽउक्‍मे़ॽनिङ्‌सिबॽआ खाङ्‌डोक्‍टुङ।

परकास 21:2 Iomraidhean Croise

युहन्‍ना 3:29

असानुङ नायोङ्‌मा टुये, मोनोॽ नायोङ्‌बा ले़ये। नायोङ्‌बानुङ येःप्‍खुबा लङ्‌गाम नायोङ्‌बामि सेम्‍ला खेम्‍नुङ साप्‍थाङ्‌इये। मो लङ्‌गाम कानोॽ ले़ङे मोडोगे़ॽ काङ्‌मि हाङ्‌हाङ हागो पुरा लिटाहा।

२ कोरिन्‍थि 11:2

इक्‍कोमा नायोङ्‌बा खिरिस्‍टनुङ हे़निङ्‌मि साक्‍खि राःप्‍पेटुङे। इडोॽ इक्‍को नायोङ्‌बामि पबित्‍रा नायोङ्‌माडोॽ हे़निङ खिरिस्‍ट पिबेनिम्‍ने़। मोडोॽगे़ॽ निवाहाङ्‌बेॽ टुबॽआडोॽमा चेजेवा हे़निङ्‌मि लागि काबेॽसो टुये।

हिब्‍रु 11:10

इन्‍ढोङ्‌होङ खोसे़ॽको ए़क्‍साङ्‌ठोक नासि लिनिबा बोलियो जगनुङ्‌मा सहर हुङ्‌मे़ॽनिङ्‌सिडुए। सहर टोङ्‌खुबागो निवाहाङ्‌नोॽ ले़ये।

हिब्‍रु 11:16

तर खोजिडे़ॽको मो देसबाङ्‌सो थाङ्‌सिरि देसबेॽ खे़ॽमा मिनामे। मोडोगे़ॽ निवाहाङ्‌डे़ॽ माहाजिमि निवाहाङ ले़ङे लुमासो मे़ङेसिडा, इन्‍ढोङ्‌होङ खोसे़ॽको माहाजि पिमे सहर पोरोक्‌युङ्‌बॽआ ले़टे़।

हिब्‍रु 12:22

तर हे़निङ्‌गो सियोन सुम्‍लाखाबेॽ लेङ्‌इटानिङे, हिङ्‌रिक निवाहाङ्‌मि सहरबेॽ लेङ्‌इटानिङे, थाङ्‌सिरिडोॽमा यरुसलेमबेॽनुङ बेॽलो थाङ्‌सिरि दुतजिमि रुम्‍बेॽ लेङ्‌इटानिङे।

हिब्‍रु 13:14

इन्‍ढोङ्‌होङ इगो मक्‍खाम्‍डेमबेॽ कानिङ्‌मि सानिङ टुडुङ्‌घे़ये सहर माॽआये। कानिङ्‌गो ए़क्‍साङ लेङ्‌इये सहरमि आसाबेॽ पेङ्‌इटिङ्‌मे।

परकास 1:1

इगो नेॽचिराबेॽ येसु खिरिस्‍टडे़ॽ युहन्‍ना पिबॽआ सेन्‍जिसेम्‍माङ्‌मि टुम्‍बेॽ साप्‍पॽआ ले़ये। मो खा चाहिँ हागो चान्‍डोनोॽ लिसिॽपोरोइटे़ लुनुङ निवाहाङ्‌डे़ॽ खोमि याॽमिजि खाङ्‌मेॽमामि लागि परभु येसुमि राम्‍बाङ सेन्‍जिसेम्‍माङ पिसु। मोबा येसुडे़ॽ इघा लुमामि लागि, इक्‍को थाङ्‌सिरिदुत खोमि एप्‍पा चोङ्‌सा युहन्‍नाबेॽ पाक्‍सु।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 1:9

खिरिस्‍टराम्‍बाङ का हे़निङ्‌मि वावा युहन्‍ना ले़ङे। हे़निङे़ॽ आङ्‌बॽआडोॽमा खेः के़ॽसो आङ्‌मे़ॽनिङ्‌सिनुङ्‌हा, इन्‍ढोङ्‌होङ येसु कानिङ्‌मि हाङ्‌बा ले़ये, तर खोसे़ॽनोॽ कानिङ योङ आङ्‌हेमे सक्‍ति पिये। के़ॽ निवाहाङ्‌मि बचन परचार ले़ःॽपॽआसे़ॽनुङ येसु खिरिस्‍टमि टुम्‍बेॽहा खा याॽमिजि लुबॽआसे़ॽ याॽमिजिडे़ॽ का पत्‍मोस लुमे योङेॽ यिजुम्‍बॽआ ठाउँबेॽ से़क्‍नुङ युङ्‌बॽआ ले़टे़।

परकास 11:2

तर मन्‍दिर पाखे़ॽयुए सोॽलुङ चाहिँ ए़ॽसिःगे, इन्‍ढोङ्‌होङ मो चाहिँ अयहुदि जातिजिमि लागि पिबॽआ ले़ये, मोबा खोजिडे़ॽ रिक्‍पोङ निच्‍चि महिनाठोक मो पबित्‍रा सहर सिक्‍नुङ पिजिक्‍टोॽ टोङ्‌इन्‍डुजे।

परकास 21:10

मोबा पबित्‍रा होङ्‌निवाडे़ॽ का इक्‍को बेॽएम्‍मानुङ ए़ङ्‌इये सुम्‍लाखाबेॽ लाघे़ॽटिङ, मोबा निवाहाङ्‌बाङ पबित्‍रा सहर यरुसलेम थाङ्‌सिरिबाङ मिॽमु उङ्‌मे़ॽनिङ्‌सिबॽआ खाङ्‌मेॽटिङ।

परकास 21:9

मोबा माहा एच्‍चि बिपत्‍ति इॽठुपमा एच्‍चि खोरिया याङ्‌घुबा एच्‍चि थाङ्‌सिरिदुतजिबेॽ इक्‍को थाङ्‌सिरिदुत काबेॽ लेन्‍नुङ इडोॽ लुसिङ, “आबे, के़ॽ हे़न थुमामि नायोङ्‌मा, खोमि बनिमा खाङ्‌मुन्‍ने़।”

परकास 22:17

पबित्‍रा होङ्‌निवानुङ नायोङ्‌माडे़ॽ लुये, “आबे।” असे़ॽ खेम्‍इन्‍डुए मोसे़ॽ लुसुरो, “आबे” असा वाइॽमे़ॽ सिटुए, खोसे़ॽ हेरो हिङ्‌मवामि योङा उक्‍सुरो।

परकास 22:19

मोबा असे़ॽ इगो अगमबानिमि नेॽचिरामि बचनबाङ ए़डेॽवा खासो चुक्‍पेसुहोङ, इगो नेॽचिराबेॽ साप्‍पॽआ हिङ्‌मवामि डाङ्‌बाङ्‌नुङ पबित्‍रा सहरबाङ मोसे़ॽ चुप्‍मे भागा निवाहाङ्‌डे़ॽ खोबाङ ङाप्‍मिन्‍डुए।

परकास 3:12

असे़ॽ हेजोन्‍डुए, मोनोॽ के़ए़ निवाहाङ्‌मि मन्‍दिरमि इक्‍को खाँबा टोङ्‌इनुङे, मोबा सानिङ्‌मि लागि मो मोबेॽए लिये, मोबेॽ निवाहाङ्‌मि निङ, मोबा थाङ्‌सिरिबाङ उङ्‌इये चोङ सहर यरुसलेममि निङ्‌नुङ टाङ्‌बामि चोङ निङ्‌सो मोबेॽ साप्‍मिनुङे।”