परकास 21:14 - याम्फु

¹⁴ मो सहरमि परखालमि इक्‍पोङ निच्‍चि जग टुसा। माहासोक्‍पेॽ थुमामि बारो जना एप्‍पा चोङ्‌साजिमि निङ साप्‍पॽआ ले़टा।

परकास 21:14 Iomraidhean Croise

मत्‍ति 16:18

के़ॽ हे़न लुन्‍ने़, हे़न पत्‍रुस ले़ये (पत्‍रुस लुबॽआ रुङ्‌गोॽवा ले़ये)। के़ॽ काङ्‌मि मन्‍डलि इगो रुङ्‌गोॽवासोक्‍पेॽ टोङ्‌इनुङे। मोबा के़ए़ मन्‍डलि सिमवामि सक्‍तिडे़ॽ हेजोसुनिबा।

एप्‍पा चोङ्‌सा 1:26

मोडोगे़ॽ माहाजिडे़ॽ चिट्‌ठा एन्‍डुजि, मोबा मो मत्‍तियासमि निङ्‌बेॽ सिॽटा। मोबा इडोॽ खो एघारा जना एप्‍पा चोङ्‌साजिबेॽ येॽयुसा।

गलाति 2:9

इगो काङ्‌मि लागि निवाहाङ्‌मि बेॽएम्‍मा अनुग्‍रहा ले़ये। इगो खा याकुब, पत्‍रुसनुङ युहन्‍नाडोॽहा मन्‍डलिबेॽहा डायोङ्‌बाजिडे़ॽसो लेन्‍डुजे। मोडोगे़ॽ खोजिडे़ॽ बारनाबासनुङ का खोजिनुङ योम्‍बोक ले़ःॽमामि लासामि। कानिङ चाहिँ अयहुदिजिमि रुम्‍बेॽ योम्‍बोक ले़टिङ्‌मा, मोबा खोजि चाहिँ यहुदिजिमि रुम्‍बेॽ योम्‍बोक ले़ःॽखुबाजि ले़म्‍मे।

एफिसि 2:20

हे़निङ खिमडोॽ ले़न्‍डानिङ्‌नुङ मो खिममि जग चाहिँ एप्‍पा चोङ्‌साजिनुङ अगमबक्‍ताजिनोॽ ले़म्‍मे। येसु खिरिस्‍ट चाहिँ मो खिममि जगबेॽ युङ्‌ढाम सुर रुङ्‌गोॽवा ले़ये।

एफिसि 3:5

याक्‍लो इगो खा असासो मे़लुबॽआ ले़टा, तर हागो इगो लेमा छॽइये खा निवाहाङ पाबे़ॽ खोमि पबित्‍रा एप्‍पा चोङ्‌साजि मोबा अगमबक्‍ताजि पबित्‍रा होङ्‌निवामि सक्‍तिबाङ लेमाराप्‍मिटुजे।

एफिसि 4:11

खोसे़ॽ इन्‍डोक जना याॽमिजि खोमि एप्‍पा चोङ्‌साजि, अगमबक्‍ताजि, सुसमाचार खेम्‍मेॽखुबाजि, मन्‍डलि खाङ्‌खुबा अगुवाजि मोबा सिक्‍छे इःॽखुबाजि इडोॽ खाल खालहा बरदान पिसुजि।

हिब्‍रु 11:10

इन्‍ढोङ्‌होङ खोसे़ॽको ए़क्‍साङ्‌ठोक नासि लिनिबा बोलियो जगनुङ्‌मा सहर हुङ्‌मे़ॽनिङ्‌सिडुए। सहर टोङ्‌खुबागो निवाहाङ्‌नोॽ ले़ये।

यहुदा 1:17

तर के़ॽ नम्‍नम ले़ःॽपॽआ लङ्‌गामजि, हे़निङे़ॽ चाहिँ कानिङ्‌मि परभु येसु खिरिस्‍टमि एप्‍पा चोङ्‌साजिडे़ॽ याक्‍लोएम्‍बाङ इःॽपॽआ खा मिडानुमे।

परकास 18:20

हे थाङ्‌सिरिबेॽ टुघुबाजि साप्‍थक्‍सानिङे। होउ निवाहाङ्‌मि याॽमिजि, एप्‍पा चोङ्‌साजि, अगमबक्‍ताजि हे़निङ चोप साप्‍थक्‍सानिङे, इन्‍ढोङ्‌होङ मोसे़ॽ हे़निङ चुङ्‌जासा मोमि साटो निवाहाङ्‌डे़ॽ खो दन्‍डा पिटुए।”

परकास 21:13

नमगेतलाम सुम्‍जि गोटा राम्‍डेम, थाङ्‌गेतलाम सुम्‍जि गोटा राम्‍डेम, लाङ्‌गेतलाम सुम्‍जि राम्‍डेम, मोबा नमथालाम सुम्‍जि राम्‍डेम टुसा।