परकास 20:13 - याम्फु

¹³ मोबा माहोङ्‌माडे़ॽ खोनुङ टुबॽआ सिबॽआजि टेबेॽटुजि, मोबा सिमवानुङ पातालनुङ टुबॽआ सिबॽआजि टेबेॽटुजि। मोबा माहाजि चोपमि टाङ्‌बा टाङ्‌बे़ॽ ले़ःॽपॽआ योम्‍बोकडोक्‍नोॽ न्‍याय लिसा।

परकास 20:13 Iomraidhean Croise

मत्‍ति 11:23

“होउ कफरनहुमबेॽहा याॽमिजि, इमा हे़निङे़ॽ थाङ्‌सिरिॽटु खे़ॽटोक्‍इन्‍डानुमे ? ने़ॽनि हे़निङगो खेःलोकपेॽ राप्‍खे़न्‍डानिङे। इन्‍ढोङ्‌होङ हे़निङ्‌बेॽ ले़ःॽपॽआ खरिहा योम्‍बोक सदोमबेॽहा याॽमिजिमि रुम्‍बेॽ ले़ःॽपॽआ ले़टाहोङ माहाजिमि सहर हागोरोसो टुसा।

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

१ कोरिन्‍थि 15:26

चोप्‍पाङ ए़क्‍साङ नास लिये सतुर चाहिँ सिमवानोॽ ले़ये।

परकास 1:18

हिङ्‌रिक लिघुबा चाहिँ कानोॽ ले़ङे। का सिबॽआ ले़टिङे, तर खाक्‍सानुमे, हागो का सानिङ्‌मि लागि हिङ्‌रिक लिटिङे। मोबा सिमवानुङ पाताल से़क्‍ठाम साँचो कानुङ टुहा।

परकास 2:23

के़ॽ खोमि चोङ्‌साजि सेॽनेनुङ्‌हाजि। मोबा मन्‍डलिजिडे़ॽ इगो खा लेडोक्‍इन्‍डुजे, चोपजिमि निवानुङ चुवामि जाँच ले़ःॽखुबानुङ हे़निङ चोबे़ॽ ले़ःॽपॽआ योम्‍बोकडोॽमा इनाम पिघुबा चाहिँ कानोॽ ले़ङे लुनुङ लेन्‍डुजे।

परकास 20:12

मोबा के़ॽ सिघे़ॽपॽआ बेॽहानुङ ए़द्‌रिहाजि हाङ्‌पेन्‍ढाममि पोम्‍बेॽ येःप्‍पटिङ्‌बॽआ खाङ्‌डोक्‍टुङ, मोबा हिङ्‌मवामि नेॽचिरा हेम्‍बोगा। मोबेॽ हाइखा नेॽचिरासो हेम्‍बॽआ ले़टा। माहा नेॽचिराबेॽ साप्‍नुङ युङ्‌बॽआ नुबानुङ मङे़हा योम्‍बोक ले़ःॽखुबाजिमिडोक्‍नोॽ माहाजिमि न्‍याय लिसा।

परकास 20:14

मोबा ए़क्‍साङ सिमवानुङ पातालसो मिमि कुन्‍डाबेॽ राप्‍खडा, इगो मिमि कुन्‍डा लुबॽआ चाहिँ हाइकोमा सिमवा ले़ये।

परकास 21:4

निवाहाङ्‌डे़ॽ माहाजिमि चोप मिॽवा टुःक्‍पेबेन्‍डुजे, मोबा फेरि असासो सिघे़ॽमिने, सोकपेॽ सिॽनुङ असे़ॽसो हाःप्‍मा पाप्‍निबा, दुःख इमाङ्‌सो आङ्‌मा पाप्‍निबा। इन्‍ढोङ्‌होङ याक्‍लोहा चोप खा रुक्‍खे़टाहा।”

परकास 6:8

के़ॽ हरदिजिक्‍पा घोडा खाङ्‌डोक्‍टुङ, मो घोडाबेॽ साङ्‌घुबामि निङ चाहिँ “सिमवा” ले़टा, मोबा पातालडे़ॽ चाहिँ मो ए़ङ्‌गुवा ए़ङ्‌गुवा टिङ्‌मे़ॽनिङ्‌सिडु। मोबा मक्‍खाम्‍डेमबेॽहा रिउम भागामि इक्‍को भागा याॽमिजि चाहिँ ङे, सक्‍आङ्‌सा, राम्‍आनुङ नाम्‍फुङ्‌लाबेॽहा जिवातजिबाङ सेॽनेमे अधिकार माहाजि पिबॽआ ले़टा।