परकास 20:12 - याम्फु

¹² मोबा के़ॽ सिघे़ॽपॽआ बेॽहानुङ ए़द्‌रिहाजि हाङ्‌पेन्‍ढाममि पोम्‍बेॽ येःप्‍पटिङ्‌बॽआ खाङ्‌डोक्‍टुङ, मोबा हिङ्‌मवामि नेॽचिरा हेम्‍बोगा। मोबेॽ हाइखा नेॽचिरासो हेम्‍बॽआ ले़टा। माहा नेॽचिराबेॽ साप्‍नुङ युङ्‌बॽआ नुबानुङ मङे़हा योम्‍बोक ले़ःॽखुबाजिमिडोक्‍नोॽ माहाजिमि न्‍याय लिसा।

परकास 20:12 Iomraidhean Croise

मत्‍ति 11:22

तर के़ॽ हे़निङ लुनिम्‍ने़, न्‍यायमि याकपेॽ हे़निङ्‌मि दसाबाङ्‌गो टुरोसनुङ सिदोनबेॽहा याॽमिजिमि दसा बोरु आङ्‌हेमारोमा लिये।

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

लुका 10:20

मोडोक्‍सो मङे़ॽमा चापजि हे़निङ्‌मि अधिनबेॽ टुम्‍मे लुनुङ ए़ॽसाप्‍थाक्‍सानिङे। तर टाङ्‌बामि निङ थाङ्‌सिरिॽटु साप्‍नुङ युङ्‌बॽआ ले़ये लुनुङ चाहिँ साप्‍थाक्‍सानिङे।”

एप्‍पा चोङ्‌सा 24:15

खोजिमिडोक्‍नोॽ धरमिजिनुङ पापिजि सिघे़ॽनुङ फेरि हिङ्‌बोॽइम्‍मे लुमे खामि आसा काबेॽसो टुये।

रोमि 2:6

इन्‍ढोङ्‌होङ निवाहाङ्‌डे़ॽनोॽ चोप याॽमिजि खोजिडे़ॽ ले़ःॽपॽआ योम्‍बोकमि इनाम पिन्‍डुजे।

१ कोरिन्‍थि 4:5

मोडोगे़ॽ हे़निङे़ॽ असामिसो न्‍याय ए़ले़टानुमे, परभु मे़लेङ्‌रो हुक्‍सानुमे। खोसे़ॽ सेन्‍जुगुप्‍पेॽ चुम्‌युङ्‌बॽआ खा खाङ्‌मुन्‍डुहानुङ याॽमिमि निवाहोङ्‌सिॽयुहा खा खाङ्‌मुन्‍डुहा। मोबा चोप याॽमिजिडे़ॽ चुप्‍मा खे़ये ओहाक निवाहाङ्‌बाङ चुप्‍मिन्‍डुजे।

२ कोरिन्‍थि 5:10

इन्‍ढोङ्‌होङ कानिङ चोप खिरिस्‍टमि न्‍यायमि लागि खोमि पोम्‍बेॽ येःप्‍मानोॽ खे़ये। कानिङ चोबे़ॽ ले़ःॽपॽआ नुबानुङ मङे़हा योम्‍बोकमि इनाम चुप्‍मिन्‍डुङ्‌मे।

फिलिप्‍पि 4:3

हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

परकास 11:18

हे़नबेॽ बिस्‍वास मे़ले़ःॽखुबा याॽमिजि सुरके़टामे, हागोगो हे़न सुरके़ॽमे बेला लेङ्‌इटे़नुङ सिबॽआजिमि न्‍याय लिमे याक लेङ्‌इटे़, मोबा हे़ने़हा सेवाकजि, अगमबक्‍ताजि, पबित्‍रा याॽमिजि, हे़ने़ए़ निङ्‌मि ओहाङ ले़ःॽखुबा बेॽहानुङ ए़द्‌रिहा चोप याॽमिजि इनाम पिमे बेला लेङ्‌इटे़, हागो मक्‍खाम्‍डेमबेॽ दुस्‍टा योम्‍बोक ले़ःॽखुबाजि नासि लिमे याक लेङ्‌इटे़।”

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।

परकास 19:5

निवाहाङ्‌मि हाङ्‌पेन्‍ढामबाङ इक्‍को इडोॽ लुबॽआ खेम्‍मुसा, “निवाहाङ्‌डे़ॽ लुबॽआ खा खसिखुबा ए़द्‌रिहानुङ बेॽहा हे़निङ चोबे़ॽ निवाहाङ्‌मि ओहाङ ले़टानुमे।”

परकास 2:23

के़ॽ खोमि चोङ्‌साजि सेॽनेनुङ्‌हाजि। मोबा मन्‍डलिजिडे़ॽ इगो खा लेडोक्‍इन्‍डुजे, चोपजिमि निवानुङ चुवामि जाँच ले़ःॽखुबानुङ हे़निङ चोबे़ॽ ले़ःॽपॽआ योम्‍बोकडोॽमा इनाम पिघुबा चाहिँ कानोॽ ले़ङे लुनुङ लेन्‍डुजे।

परकास 20:11

मोबा के़ॽ इक्‍को बेॽए उथ्‍रिॽमा हाङ्‌पेन्‍ढामनुङ मोसोक्‍पेॽ पेङ्‌घुबा खाङ्‌डोक्‍टुङ। खोमि पोम्‍बाङ मक्‍खाम्‍डेमनुङ नान्‍द्‌रुङ्‌मा चिःॽखडाजि, मोबा मोजि फेरि मे़ङ्‌खाङ्‌मुसाजि।

परकास 20:13

मोबा माहोङ्‌माडे़ॽ खोनुङ टुबॽआ सिबॽआजि टेबेॽटुजि, मोबा सिमवानुङ पातालनुङ टुबॽआ सिबॽआजि टेबेॽटुजि। मोबा माहाजि चोपमि टाङ्‌बा टाङ्‌बे़ॽ ले़ःॽपॽआ योम्‍बोकडोक्‍नोॽ न्‍याय लिसा।

परकास 20:15

असा असामि निङ हिङ्‌मवामि नेॽचिराबेॽ माडा माहाजि चोप मो मिमि कुन्‍डाबेॽ राप्‍खडामि।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 22:12

“खेप्‍सानुमे, का चान्‍डोनोॽ लेम्‍मे़ॽनिङ्‌सिङे, चोप याॽमिजिडे़ॽ ले़ःॽपॽआ नुबानुङ मङे़हा योम्‍बोकमि इनाम कानुङ टुहा।

परकास 3:5

असे़ॽ हेजोन्‍डुए, माहाजिनोॽ के़ॽ उथ्‍रिॽहा चेॽ चाङ्‌मेनुङ्‌हाजिनुङ हिङ्‌मवामि नेॽचिराबेॽ माहाजिमि निङ सानिङमि लागि साप्‍नुङ युङ्‌बेनुङ्‌हाजि। के़ॽ माहाजिमि निङ पाबा निवाहाङ्‌मिनुङ खोमि दुतजिमि पोम्‍बेॽसो लुनुङे।