परकास 2:20 - याम्फु

²⁰ तर हे़निङ्‌मि बिरोधबेॽ इक्‍को खा इःमा टुये, मो खा लुबॽआ हे़निङे़ॽ इजेबेल लुमे मेॽनामिॽमि खा खेम्‍इन्‍डानुमे। मोसे़ॽ खोमदाङ्‌बा अगमबादिनि ले़ङे लुनुङ काङ्‌मि सेवाकजि बेभिचार ले़ःॽमेन्‍डुजे, मोबा मुरतिबेॽ चेॽटिबॽआ थोक चामा इःॽनुङ रेम्‍इन्‍डुजे।

परकास 2:20 Iomraidhean Croise

एप्‍पा चोङ्‌सा 15:20

तर खोजि इडोॽ लुनुङ इक्‍को पत्‍रा साप्‍हाङ्‌मा, खोजिडे़ॽ मुरतिबेॽ चेॽटिबॽआ इमाङ्‌सो ए़च्‍चोसुजिरो, बेभिचार योम्‍बोक ए़ले़ःॽमिरो, मोबा चोरा फिन्‍नेबॽआ जिवातमि सा ए़च्‍चोसुजिरो इमाङ्‌मिसो हरि ए़ॽचोसुजिरो।

एप्‍पा चोङ्‌सा 15:29

माहा खा चाहिँ इघानोॽ ले़हा- मुरतिबेॽ चेॽटिबॽआ ए़ॽचामे, इमाङ्‌मिसो हरि ए़ॽचामे, बेॽला यिङ्‌नुङ सेॽनेबॽआ जिवातमि सा ए़ॽचामे मोबा ब्‍यभिचारबाङ ओः पेम्‍मे। इघा खा पालना ले़टानुम्‍होङ हे़निङ नुबा लिये। कानिङे़ॽ लुमे खा इघानोॽ यो।”

१ कोरिन्‍थि 10:28

तर कोहि याॽमिडे़ॽ “इगोगो मुरतिबेॽ चेॽटिबॽआ” लुहोङ याॽमिनुङ निवामि लागि ए़ॽचासानुमे।

परकास 2:14

तरसो हे़निङ्‌मि बिरोधबेॽ कानुङ इक्‍को खा टुये, हे़निङ्‌नुङ सोरि पेङ्‌घुबाजिबेॽ इक्‍को निप्‍पाङ याॽमिजिडे़ॽ बालाममि सिक्‍छेबेॽ बिस्‍वास ले़न्‍डुजे। माहाजिडे़ॽ इस्‍राएलिजि मुरतिबेॽ चेॽटिबॽआ थोक चामेॽनुङ पाप ले़ःॽमेॽमामि, बेभिचार ले़ःॽमेॽमामि बालामडे़ॽ हाङ्‌बा बालाक इःॽपॽआ ले़टा।

परकास 2:4

तर हे़निङ्‌मि बिरोधबेॽ कानुङ इक्‍को खा टुये। मो खा लुबॽआ चाहिँ हे़निङे़ॽ का याक्‍लो ले़टिडोॽमा नम्‍नम ले़ःॽमा लेप्‍पेटानुमे।