परकास 2:14 - याम्फु

¹⁴ तरसो हे़निङ्‌मि बिरोधबेॽ कानुङ इक्‍को खा टुये, हे़निङ्‌नुङ सोरि पेङ्‌घुबाजिबेॽ इक्‍को निप्‍पाङ याॽमिजिडे़ॽ बालाममि सिक्‍छेबेॽ बिस्‍वास ले़न्‍डुजे। माहाजिडे़ॽ इस्‍राएलिजि मुरतिबेॽ चेॽटिबॽआ थोक चामेॽनुङ पाप ले़ःॽमेॽमामि, बेभिचार ले़ःॽमेॽमामि बालामडे़ॽ हाङ्‌बा बालाक इःॽपॽआ ले़टा।

परकास 2:14 Iomraidhean Croise

मत्‍ति 18:7

इनामा इगो मक्‍खाम्‍डेमबेॽहा याॽमिजि! इन्‍ढोङ्‌होङ पापबेॽ रेम्‍ए़ङ्‌घुबा खागो इगोबेॽ बेॽलो टुहा। इडोक्‍हा खागो याॽमिमि हिङ्‌मवाबेॽ लेङ्‌इहानोॽ, तर इनामा मो याॽमि, असे़ॽ हाइखा याॽमिजि पाप ले़ःॽमेन्‍डुजे!

एप्‍पा चोङ्‌सा 15:29

माहा खा चाहिँ इघानोॽ ले़हा- मुरतिबेॽ चेॽटिबॽआ ए़ॽचामे, इमाङ्‌मिसो हरि ए़ॽचामे, बेॽला यिङ्‌नुङ सेॽनेबॽआ जिवातमि सा ए़ॽचामे मोबा ब्‍यभिचारबाङ ओः पेम्‍मे। इघा खा पालना ले़टानुम्‍होङ हे़निङ नुबा लिये। कानिङे़ॽ लुमे खा इघानोॽ यो।”

एप्‍पा चोङ्‌सा 21:25

परभु येसुबेॽ बिस्‍वास ले़ःॽखुबा अयहुदि जातिहा याॽमिजि चाहिँ ‘मुरतिबेॽ चेॽटिबॽआ खा ए़ॽचामे, हरि ए़ॽचामेनुङ बेॽला फिन्‍नेबॽआ जिवातमि सा ए़ॽचामे मोबा बेभिचार योम्‍बोकबाङ ओः पेम्‍मे’ लुनुङ कानिङे़ॽ निधो ले़ःॽनुङ पत्‍रा साप्‍हाङ्‌इटुङ्‌मे़।”

रोमि 11:9

इडोक्‍नोॽ हाङ्‌बा दाउदडे़ॽसो लुटुए, “अक्‍खाजिमि लागि भोज-भत्‍तेर यिम्‍माङ्‌नुङ चिम्‍लुङ्‌डोॽ लिरो। माहाजि खडोलोम्‍बाबेॽ सिॽमिरो, मो चाहिँ दन्‍डा पिघुबा खा लिरो।

रोमि 14:13

मोडोगे़ॽ कानिङ असे़ॽसो इक्‍कोसे़ॽ हाइको आप्‍टिक ए़ॽटिमा। बोरु बिस्‍वासि वावानिसानुङ नानुसाजिमि बिस्‍वासि हिङ्‌मवाबेॽ ठोःक्‍सिघे़ॽठामनुङ हाप्‍सिघे़ॽठाम योम्‍बोक इमाङ्‌सो ले़टुङ्‌मानि लुनुङ बाचा ले़ःॽमा।

रोमि 14:21

सा चामाबेॽ, इ उङ्‌माबेॽ, हाइखा बिस्‍वासि वावानिसानुङ नानुसाजि निवाहाङ्‌मि रामबेॽ राम्‍मामि बाधा पिन्‍डुएहोङ माहा खा ए़च्‍चामे़, ए़उङ्‌मानुङ ए़ले़ःॽमानोॽ नुबा लिये।

रोमि 9:32

यहुदिजि इन्‍ढोङ धरमि मे़लिहेसामे ? इन्‍ढोङ्‌होङ खोजि चाहिँ बिस्‍वास ले़ःॽनुङ धरमि ठहरबा लिमा मे़योगामि, तर बेॽलो धारमिक योम्‍बोक ले़ःॽनुङ धरमि लिमा योगामि, मोडोगे़ॽ रुङ्‌गोॽवाबेॽ सराङ रोःक्‍नुङ काक्‍सामि, मो रुङ्‌गोॽवा चाहिँ खिरिस्‍ट ले़ये।

१ कोरिन्‍थि 1:23

तर कानिङे़ॽ चाहिँ काप्‍सिङ्‌बेॽ बलि लिबॽआ खिरिस्‍टमि सुसमाचार परचार ले़न्‍डुङ्‌मे। इगो खा यहुदिजिमि लागि बाधा पिघुबा खा, मोबा अयहुदिजिमि लागि उम्‍बरिङ खा ले़ये।

१ कोरिन्‍थि 7:2

तर मोबेॽ बेॽलो बेभिचार लिबॽआसे़ॽ चोप मेॽनामिॽमि खोम बनिबा काप्‍टुरो, मोडोक्‍नोॽ चोप वडाङ्‌पसामिसो खोमबनिमा काप्‍टुरो।

हिब्‍रु 13:4

फुङ्‌सयामि बन्‍धन चाहिँ चोपमि पोम्‍बेॽ आदरनुङ्‌मा टुमा खे़ये। बनिबानुङ बनिमामि रुम्‍बेॽ इक्‍कोसे़ॽ हाइकोमि बिस्‍वासबेॽ पेम्‍मा खे़ये। इन्‍ढोङ्‌होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्‌डे़ॽ दन्‍डा पिन्‍डुजे।

१ पत्‍रुस 2:8

धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।

२ पत्‍रुस 2:15

माहाजि बओरमि पसा बालाममि मङे़ॽमा रामबेॽ राम्‍मे़ॽनिङ्‌सिम्‍मे, बालाम मङे़ॽमा योम्‍बोक ले़ःॽनुङ टोङ्‌बॽआ याङ्‌सरावा चुप्‍नुङ साप्‍थाक्‍से़।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।

परकास 2:20

तर हे़निङ्‌मि बिरोधबेॽ इक्‍को खा इःमा टुये, मो खा लुबॽआ हे़निङे़ॽ इजेबेल लुमे मेॽनामिॽमि खा खेम्‍इन्‍डानुमे। मोसे़ॽ खोमदाङ्‌बा अगमबादिनि ले़ङे लुनुङ काङ्‌मि सेवाकजि बेभिचार ले़ःॽमेन्‍डुजे, मोबा मुरतिबेॽ चेॽटिबॽआ थोक चामा इःॽनुङ रेम्‍इन्‍डुजे।

परकास 2:4

तर हे़निङ्‌मि बिरोधबेॽ कानुङ इक्‍को खा टुये। मो खा लुबॽआ चाहिँ हे़निङे़ॽ का याक्‍लो ले़टिडोॽमा नम्‍नम ले़ःॽमा लेप्‍पेटानुमे।

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 22:15

तर हुःॽवाडोॽ बेहोरा ले़ःॽखुबाजि, टुनामुना ले़ःॽखुबाजि, बेभिचार ले़ःॽखुबाजि, याॽमि सेॽखुबाजि, मुरति पुजा ले़ःॽखुबाजि, रेम्‍सिङ खा नेन्‍जाखुबाजि इडोक्‍हा चोपजि सहरबाङ पाखे़ॽयुनोॽ सिॽइम्‍मे।