परकास 19:9 - याम्फु

⁹ मोबा मो थाङ्‌सिरिदुतडे़ॽ का लुसिङ, “इगो सबे, माहाजि चोप आसिस चुप्‍खुबाजि ले़म्‍मे असा असे़ॽ थुमामि फुङ्‌सयामि भत्‍तेरबेॽ निम्‍तो चुप्‍मिटुजे।” मोसे़ॽ फेरिसो का लुसिङ, “निवाहाङ्‌मि चाइबमा बचन इघानोॽ ले़हा।”

परकास 19:9 Iomraidhean Croise

लुका 22:16

हागो के़ॽ हे़निङ लुनिम्‍ने, इगो भत्‍तेरडे़ॽ लुमायोक्‍पॽआ पुरा मे़ल्‍लिरो फेरि इगो भत्‍तेर के़ॽ चासुङ्‌नि।”

१ तिमोथि 1:15

“येसु खिरिस्‍ट पापिजि पापबाङ हिङ्‌मे़ॽसिॽ इगो मक्‍खाम्‍डेमबेॽ लेम्‍बॽआ” खा बिस्‍वासि चोबे़ॽ लेन्‍डुजे। इगो खा चाइबानोक्‍मा ले़येनुङ चोबे़ॽ पुरा बिस्‍वास ले़ःॽमा खे़ये।

१ तिमोथि 4:9

इगो खा चाइबमानोॽ ले़येनुङ चोबे़ॽ खेम्‍नुङ मोडोक्‍नोॽ ले़ःॽमा खे़ये।

२ तिमोथि 2:11

इगो चाइबमा खा ले़ये, कानिङ खिरिस्‍टनुङ्‌नोॽ सिघे़न्‍डिङ्‌माहोङ, खोनुङ्‌नोॽ हिङ्‌बोक्‍इन्‍डिङ्‌मा।

तितस 3:8

इगो खा चइबानोॽ ले़ये। निवाहाङ्‌बेॽ बिस्‍वास ले़ःॽखुबाजिडे़ॽ नुबा योम्‍बोक्‍पेॽ निवा टिसानुमे लुनुङ हे़ने़ॽ इन्‍डोॽहोङ्‌सो इःॽपॽआ के़ॽ नेन्‍जानुङे। इघा नुबा योम्‍बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।

परकास 1:1

इगो नेॽचिराबेॽ येसु खिरिस्‍टडे़ॽ युहन्‍ना पिबॽआ सेन्‍जिसेम्‍माङ्‌मि टुम्‍बेॽ साप्‍पॽआ ले़ये। मो खा चाहिँ हागो चान्‍डोनोॽ लिसिॽपोरोइटे़ लुनुङ निवाहाङ्‌डे़ॽ खोमि याॽमिजि खाङ्‌मेॽमामि लागि परभु येसुमि राम्‍बाङ सेन्‍जिसेम्‍माङ पिसु। मोबा येसुडे़ॽ इघा लुमामि लागि, इक्‍को थाङ्‌सिरिदुत खोमि एप्‍पा चोङ्‌सा युहन्‍नाबेॽ पाक्‍सु।

परकास 1:19

मोडोगे़ॽ हे़ने़ॽ इमा इमा खाङ्‌इटुहा, हागो लिमे़ॽनिङ्‌सिबॽआ खानुङ ए़क्‍साङ लिहा चोप खा साप्‌युक्‍से।

परकास 10:4

माहा एच्‍चि गोटा नान्‍द्‌रुङ्‌मा मुक्‍मासोरोॽ का साप्‍मामि पोरोगिङ, मोडोक्‍पेॽनोॽ थाङ्‌सिरिबाङ इडोॽ लुबॽआ के़ॽ खेप्‍सुङ, “माहा एच्‍चि गोटा नान्‍द्‌रुङ्‌मा मुक्‍पॽआ खा चुम्‍नुङ युक्‍से, आक्‍को ए़ॽसाबुने।”

परकास 14:13

मोबा ए़क्‍साङ थाङ्‌सिरिबाङ इडोॽ लुबॽआ के़ॽ खेप्‍सुङ, “इगो खा साबे, हागोएम्‍बाङ परभुबेॽ बिस्‍वास ले़ःॽनुङ सिघुबाजिडे़ॽ आसिस चुप्‍मिन्‍डुजे।” पबित्‍रा होङ्‌निवाडे़ॽ लुये, “चइबानोॽ माहाजिडे़ॽ टाङ्‌बामि योम्‍बोकबाङ नाजाडोक्‍इन्‍डुजे, इन्‍ढोङ्‌होङ खोजिडे़ॽ ले़ःॽपॽआ चोप योम्‍बोक खोजिनुङ सोरि खे़ये।”

परकास 17:1

माहा एच्‍चि गोटा खोरिया खिघुबा थाङ्‌सिरिदुतजिबाङ इक्‍को काङ्‌मि के़क्‍पेॽ लेन्‍नुङ लुसिङ, “इगिॽयु आबे, के़ॽ हे़न मो निङ मुक्‍पॽआ बेस्‍या मेॽनामिॽडे़ॽ इन्‍डोक्‍मा दन्‍डा चुप्‍मिन्‍डुए मो खा खाङ्‌मुन्‍ने़, मो मेॽनामिॽ बेॽलो यिवामि के़क्‍पेॽ टुबॽआ बेॽए सहर ले़ये।

परकास 17:17

इन्‍ढोङ्‌होङ निवाहाङ्‌मि बचन पुरा मे़ल्‍लिसेॽलो खोसे़ॽ मिॽपॽआडोक्‍नोॽ ले़ःॽमे निवा माहा इक्‍पोङ हाङ्‌बाजिडे़ॽ चुप्‍मिटुजे। माहाजिडे़ॽ इक्‍कोनोॽ निवा लिनुङ राज्‍य ले़न्‍डुजे, मोबा माहाजिडे़ॽ मो किस्‍सिमारोमा जिवात खोजिमि सक्‍ति पिन्‍डुजे।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:12

“मोबा परगाममबेॽए मन्‍डलिबेॽ खाङ्‌खुबा अगुवाजि इगो खा साबे, निलामनोॽ धारनुङ्‌मा फेया काप्‍खुबा परभु येसुडे़ॽ इडोॽ लुये।

परकास 2:18

“मोबा थिआटिराबेॽए मन्‍डलि खाङ्‌खुबा अगुवा इगो खा साबे, इगो खा निवाहाङ्‌मि पसाडे़ॽ लुये, खोमि मिक मिमि राप्‍लवाडोॽ ले़ये, खोमि सराङ पे़ङ्‌नुङ पोॽइये काँसाडोॽ ले़हा।

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 21:5

मोबा हाङ्‌पेन्‍ढामबेॽ पेङ्‌घुबा निवाहाङ्‌डे़ॽ का लुसिङा, “खेप्‍से, के़ॽ चोप खा चोङ टोङ्‌इनुङ्‌हा।” खोसे़ॽ इडोक्‍सो लुसिङ, “इडोॽ साबे, इघा खा बिस्‍वासनुङ्‌मानुङ चाइबमा ले़हा।”

परकास 22:6

मो थाङ्‌सिरिदुतडे़ॽ का लुसिङ, “इघा बचन बिस्‍वास ले़ःॽमारोहानुङ चइबानोॽहा ले़हा। हागो चान्‍डोनोॽ लिजाहा खा टाङ्‌बामि सेवाकजि खाङ्‌मेॽमामि, अगमबक्‍ताजि होङ्‌निवा पिघुबा परमपरभु निवाहाङ्‌डे़ॽ टाङ्‌बामि थाङ्‌सिरिदुत पाङ्‌इटुए।”

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।

परकास 3:14

“मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 3:20

खेप्‍सानुमे, का राम्‍डेमबेॽ येःप्‍नुङ ढकढक रोःइनुङे। सेम्‍ला खेम्‍नुङ राम्‍डेम हेनानुमहोङ का होङ्‌सिॽयु लेङ्‌इङे़, हे़निङ्‌नुङ सोरि पेन्‍नुङ चामा चाङे, मोबा हे़निङ्‌सो कानुङ सोरि पेन्‍नुङ चान्‍डानुमे।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।