परकास 19:8 - याम्फु

⁸ मो नायोङ्‌माडे़ॽ चाङ्‌मामि लागि उथ्‍रिॽमा पोॽइये मलमलमि चेॽ पिबॽआ ले़ये।” मो उथ्‍रिॽमा पोॽइये मलमलमि चेॽ लुबॽआ चाहिँ निवाहाङ्‌मि याॽमिजिमि धारमिक योम्‍बोक ले़हा।

परकास 19:8 Iomraidhean Croise

मत्‍ति 17:2

मिन्‍डु रुक्‍नुङ चोङ्‌साजिडे़ॽ खाङ्‌मारोनोॽ येसुमि नरिङ फेङ्‌घे़ॽनुङ खोमि नजिक नमडोॽ उज्‍यालो लिसा।

मत्‍ति 22:12

हाङ्‌बे़ॽ, मो याॽमि सिप्‍सु, ‘लङ्‌गाम, फुङ्‌सयामि चेॽ मे़न्‍चाङ्‌रेॽ हे़न इन्‍डोक्‍टे होङ्‌सिॽयु पे़आबे़ ?’ तर मोसे़ॽ इमाङ्‌सो मे़लुहेसु।

मरकुस 9:3

खोमि चे़ॽ मिगे़ॽ मे़ङ्‌खाङ्‌हेरो उथ्‍रिॽमा लिसा, आक्‍ठे़ॽलो उथ्‍रिॽमा चेॽको इन्‍डोक वासोक्‍माबेॽसो लिनिबा।

लुका 24:4

मेॽनामिॽचि खरि मिन्‍नुङ इमा ले़ःॽमे ले़ःॽमे लिनुङ येःप्‍मे़ॽनिङ्‌सिमाबेॽ हाक्‍चोक्‍टोॽ उथ्‍रिॽमा पोॽइये चे़ॽ चाङ्‌खुबा निप्‍पाङ याॽमिजि खोजिमि के़क्‍पेॽ येःबाजि।

एप्‍पा चोङ्‌सा 1:10

माहाजिडे़ॽ नान्‍द्‌रुङ्‌माबेॽ खो ठेॽपुक्‍खे़ॽपॽआ खाङ्‌साङ येःप्‍मे़ॽनिङ्‌सिमाबेॽ उथ्‍रिॽमा चेॽ चाङ्‌खुबा निप्‍पाङ थाङ्‌सिरिदुतजि हाजोक्‍टोॽ माहाजिमि के़क्‍पेॽ येःप्‍नुङ खोजि लुसुजि,

रोमि 13:14

तर हागोएम्‍बाङ परभु येसु खिरिस्‍टमि बानि बेहोरानुङ्‌मा हिङ्‌मवा हिङ्‌मा। मोबा कानिङ्‌मि पापि निवे़ॽ मिॽपॽआ बानिबेहोरा लेॽपेमा।

रोमि 3:22

इडोॽ येसु खिरिस्‍टबेॽ बिस्‍वास ले़ःॽखुबा चोपजि निवाहाङ्‌डे़ॽ धरमि टोङ्‌इन्‍डुजे, इन्‍ढोङ्‌होङ खोसे़ॽ असासो काखा पाखा ले़टुजिने।

परकास 15:4

हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

परकास 15:6

मो मन्‍दिरबाङ एच्‍चि थाङ्‌सिरिदुतजि इक्‍को इक्‍को बिपत्‍ति हुकपेॽ याङ्‌मानुङ पाखे़ॽयु आबामि। माहाजि उथ्‍रिहानुङ उज्‍यालो पोॽइहा चेॽ चाङ्‌बॽआनुङ सुनामि फित्‍ता हाङ्‌डाङ्‌बेॽ हिःक्‍पॽआ ले़टामि।

परकास 19:14

उथ्‍रिॽहा चेॽ चाङ्‌नुङ उथ्‍रिॽहा घोडासोक्‍पेॽ साङ्‌घुबा थाङ्‌सिरिबेॽहा तिरिङ्‌गाजि खोमि ए़ङ्‌गुवा ए़ङ्‌गुवा ए़नामि।

परकास 3:18

मोडोगे़ॽ हे़निङ याङ्‌सरावादाङ्‌बा ले़न्‍डानिङ्‌होङ सुना से़ङ्‌से़ङ, उक्‍चुङ्‌रेक टे़क्‍मामि उथ्‍रिॽमा चेॽ, मोबा मिक ए़ःॽमामि लागि सिडा काबाङ इनानुमे लुनुङ सल्‍लहा पिनिन्‍ने़।