परकास 19:7 - याम्फु

⁷ कानिङ साप्‍थाङ्‌मा, हाङ्‌हाङ ले़ःॽमा! खोमि महिमा ले़ःॽमा, इन्‍ढोङ्‌होङ थुमामि फुङ्‌सयामि याक लेम्‍बेटे़नुङ, खोमि नायोङ्‌मा चाक्‍नुङ पोरोक्‍पेटे़!

परकास 19:7 Iomraidhean Croise

मत्‍ति 1:20

योसेफडे़ॽ निवाबेॽ इडोॽ मिॽमे़ॽनिङ्‌सिमाबेॽ परमपरभुमि थाङ्‌सिरिदुत खोनुङ सेम्‍माङ्‌बेॽ खाङ्‌मुनुङ इडोॽ लुसु, “होउ योसेफ, दाउदमि पसा, मरियम फुङ्‌सया ले़ःॽमा ए़क्‍किसिने, इन्‍ढोङ्‌होङ खोमि रुङ्‌माबेॽ टुये ओङे़कको पबित्‍रा होङ्‌निवामि सक्‍तिबाङ लिबॽआ ले़ये,

मत्‍ति 22:2

“निवाहाङ्‌मि राज्‍यगो इक्‍को हाङ्‌बाडोॽ मिॽहे़ये, खोसे़ॽ खोमि पसामि फुङ्‌सयामि भत्‍तेर ले़ःॽमामि पोरोइन्‍डुए।

लुका 12:36

हे़निङ फुङ्‌सयामि भत्‍तेरबाङ टेआप्‍खुबा मायोङ्‌बामि राम खाङ्‌साङ पेङ्‌घुबा सेउतेडोॽ चङ्‌खो ले़टानिङे। चङ्‌खो पेङ्‌घुबाडे़ॽरेॽ मायोङ्‌बा लेन्‍नुङ राम्‍डेम रोःक्‍मा सोरोॽ राम्‍डेम हेम्‍बेन्‍डुए।

युहन्‍ना 3:29

असानुङ नायोङ्‌मा टुये, मोनोॽ नायोङ्‌बा ले़ये। नायोङ्‌बानुङ येःप्‍खुबा लङ्‌गाम नायोङ्‌बामि सेम्‍ला खेम्‍नुङ साप्‍थाङ्‌इये। मो लङ्‌गाम कानोॽ ले़ङे मोडोगे़ॽ काङ्‌मि हाङ्‌हाङ हागो पुरा लिटाहा।

२ कोरिन्‍थि 11:2

इक्‍कोमा नायोङ्‌बा खिरिस्‍टनुङ हे़निङ्‌मि साक्‍खि राःप्‍पेटुङे। इडोॽ इक्‍को नायोङ्‌बामि पबित्‍रा नायोङ्‌माडोॽ हे़निङ खिरिस्‍ट पिबेनिम्‍ने़। मोडोॽगे़ॽ निवाहाङ्‌बेॽ टुबॽआडोॽमा चेजेवा हे़निङ्‌मि लागि काबेॽसो टुये।

एफिसि 5:23

इन्‍ढोङ्‌होङ खिरिस्‍ट मन्‍डलिमि निन्‍डवाँ ले़टिडोक्‍नोॽ बनिबासो खोमि बनिमामि निन्‍डवाँ ले़ये। मन्‍डलि चाहिँ खिरिस्‍टमि हिङा ले़ये, मो मुक्‍ति पिघुबा चाहिँ खोनोॽ ले़ये।

एफिसि 5:32

इगो लेमा छाॽये खा ले़ये। इगो नातानोॽ खिरिस्‍टनुङ मन्‍डलिमि नातानुङ्‌सो टोङ्‌इये।

फिलिप्‍पि 3:3

इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

परकास 11:13

मोडोक्‍पेॽनोॽ बेॽएम्‍मा रुॽमि खडा, मो सहरमि इक्‍पोङ भागा योघडा, इगो रुॽमिबेॽ एच्‍चि हजार याॽमिजि सिसामि, मोबा हिङ्‌बॽआ याॽमिजिडे़ॽ बेॽलो किस्‍सिमानुङ थाङ्‌सिरिबेॽ पेङ्‌घुबा निवाहाङ्‌मि ओहाङ ले़टुजि।

परकास 19:9

मोबा मो थाङ्‌सिरिदुतडे़ॽ का लुसिङ, “इगो सबे, माहाजि चोप आसिस चुप्‍खुबाजि ले़म्‍मे असा असे़ॽ थुमामि फुङ्‌सयामि भत्‍तेरबेॽ निम्‍तो चुप्‍मिटुजे।” मोसे़ॽ फेरिसो का लुसिङ, “निवाहाङ्‌मि चाइबमा बचन इघानोॽ ले़हा।”

परकास 21:2

मोबा के़ॽ निवाहाङ्‌बाङ नायोङ्‌बामि लागि नायोङ्‌माडोक्‍नोॽ चाक्‍मानुङ पोरोक्‌युङ्‌बॽआ, मो पबित्‍रा सहर, चोङ यरुसलेम थाङ्‌सिरिबाङ मिॽमु हेॽउक्‍मे़ॽनिङ्‌सिबॽआ खाङ्‌डोक्‍टुङ।

परकास 21:9

मोबा माहा एच्‍चि बिपत्‍ति इॽठुपमा एच्‍चि खोरिया याङ्‌घुबा एच्‍चि थाङ्‌सिरिदुतजिबेॽ इक्‍को थाङ्‌सिरिदुत काबेॽ लेन्‍नुङ इडोॽ लुसिङ, “आबे, के़ॽ हे़न थुमामि नायोङ्‌मा, खोमि बनिमा खाङ्‌मुन्‍ने़।”