परकास 18:12 - याम्फु

¹² अथबा माहाजिमि सुना, सिसे़ङ, रत्‍न, मोति, मलमलमि चेॽ, बैजनि चेॽ, चहकिलो हररामा चेॽ, खाल खालहा नाम्‍जानुहा बेॽलो याङ सिॽइहा सिङ्‌बु, मोबा हात्‍तिमि के़ङ्‌बाङ टोङ्‌बॽआ चोप खालहा कोक्‍नाम, काँसामि कोक्‍नाम, चे़क्‍चिनुङ सिङ्‌गमरमरमि इमाङ थोकसो याॽमिजिडे़ॽ इनुजिनि।

परकास 18:12 Iomraidhean Croise

परकास 17:3

मोबा थाङ्‌सिरिदुतडे़ॽ पबित्‍रा होङ्‌निवाबेॽ इक्‍को रे़क्‍रे़क्‍मा ठाउँबेॽ का लाघे़ॽटिङ। मोबेॽ के़ॽ हररामा जिवातसोक्‍पेॽ इक्‍को मेॽनामिॽ पेम्‍बॽआ खाङ्‌डोक्‍टुङ। मो जिवातमि एच्‍चि गोटा निन्‍डवाँनुङ इक्‍पोङ गोटा सजाङ टुसा, मोबा मोमि हिङाइॽठुप निवाहाङ इःजाघुबा निङ साप्‍पॽआ ले़टा।

परकास 17:4

मो मेॽनामिॽडे़ॽ बैजनि रङ्‌मानुङ हररामा पोॽइये चेॽ चाङ्‌बॽआ ले़टा, खो सुना, रत्‍ननुङ मोति वे़ःॽमानुङ चाक्‍पॽआ ले़टा। मोसे़ॽ हुकपेॽ इक्‍को खोरिया याङ्‌बॽआ ले़टा, मो खोरिया इॽठुप चिक्‍चिमिॽमारोहा बेभिचारमि खा टुसा।

परकास 18:15

मो सहरबेॽ बेपार ले़ःॽनुङ याङ्‌सरावादाङ्‌बा लिबॽआ बेपारिजि ओःनोॽ येःप्‍नुङ मोमि किस्‍सिमारोमा बिपत्‍ति खाङ्‌नुङ किस्‍सिम्‍मे। माहाजि हाःप्‍साङ इडोॽ काम्‍मे,