परकास 18:1 - याम्फु

¹ मोबाङ ए़क्‍साङ बेॽए अधिकारनुङ्‌मा हाइको इक्‍को थाङ्‌सिरिदुत थाङ्‌सिरिबाङ किॽमु उङ्‌मे़ॽनिङ्‌सिबॽआ के़ॽ खाङ्‌डोक्‍टुङ। खोमि जोतिडे़ॽ मक्‍खाम्‍डेम उज्‍यालो लिसा।

परकास 18:1 Iomraidhean Croise

लुका 17:24

इन्‍ढोङ्‌होङ याॽमिमि पसा लेम्‍मा यिडे़ॽ नान्‍द्‌रुङ्‌माबेॽ नमसेल्‍लेॽवा पोक्‍माबेॽ इक्‍के़ङ्‌बाङ हाइकोलामठोक उज्‍यालो लिडिडोॽ लिये।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

परकास 10:1

मोबा ए़क्‍साङ के़ॽ हाइको सक्‍तिदाङ्‌बा थाङ्‌सिरिदुत थाङ्‌सिरिॽटुरा उङ्‌बॽआ खाङ्‌डोक्‍टुङ। खोमि हिङा खिम्‍मिॽवाडे़ॽ टे़क्‍पॽआनुङ खोमि निन्‍डवाँ खिरिरि अप्‍पाङ्‌सु टुसा। खोमि नजिक नमडोॽ ले़टा, मोबा खोमि सराङ चाहिँ मिमि खाँबाडोॽहा ले़टा।

परकास 17:1

माहा एच्‍चि गोटा खोरिया खिघुबा थाङ्‌सिरिदुतजिबाङ इक्‍को काङ्‌मि के़क्‍पेॽ लेन्‍नुङ लुसिङ, “इगिॽयु आबे, के़ॽ हे़न मो निङ मुक्‍पॽआ बेस्‍या मेॽनामिॽडे़ॽ इन्‍डोक्‍मा दन्‍डा चुप्‍मिन्‍डुए मो खा खाङ्‌मुन्‍ने़, मो मेॽनामिॽ बेॽलो यिवामि के़क्‍पेॽ टुबॽआ बेॽए सहर ले़ये।

परकास 17:7

मोबा मो थाङ्‌सिरिदुतडे़ॽ का लुसिङ, “हे़न इन्‍ढोङ खरि मिङ्‌इये ? मो मेॽनामिॽ खिघुबा एच्‍चि निन्‍डवाँनुङ इक्‍पोङ सजाङ्‌नुङ्‌बा जिवातमि लेमा छॽइये खा हे़न इःबेन्‍ने़।

परकास 21:23

मो सहर उज्‍यालो टोङ्‌मामि लागि नमनुङ ला मे़पाप्‍टा, इन्‍ढोङ्‌होङ निवाहाङ्‌मि महिमानोॽ मोमि उज्‍यालो ले़ये। मो सहरमि कुप्‍पि चाहिँ थुमा खोम्‍दाङ्‌बा ले़टा।