परकास 17:3 - याम्फु

³ मोबा थाङ्‌सिरिदुतडे़ॽ पबित्‍रा होङ्‌निवाबेॽ इक्‍को रे़क्‍रे़क्‍मा ठाउँबेॽ का लाघे़ॽटिङ। मोबेॽ के़ॽ हररामा जिवातसोक्‍पेॽ इक्‍को मेॽनामिॽ पेम्‍बॽआ खाङ्‌डोक्‍टुङ। मो जिवातमि एच्‍चि गोटा निन्‍डवाँनुङ इक्‍पोङ गोटा सजाङ टुसा, मोबा मोमि हिङाइॽठुप निवाहाङ इःजाघुबा निङ साप्‍पॽआ ले़टा।

परकास 17:3 Iomraidhean Croise

मत्‍ति 27:28

माहाजिडे़ॽ येसुमि चेॽ हेम्‍बेनुङ हाङ्‌बामिडोॽमा हाररामा चेॽ चाङ्‌डिबेॽटुजि।

एप्‍पा चोङ्‌सा 8:39

मोजि योङाबाङ पाखे़ॽयु आबाजि मोबा, परभुमि पबित्‍रा होङ्‌निवाडे़ॽ फिलिप राःप्‍खे़ॽटु, मोबा मो मेस्‍रेॽवाडे़ॽ फिलिप मे़ङ्‌खाङ्‌डोक्‍टु, तर खो साप्‍थाक्‍साङ खोमि राम खडा।

२ थेस्‍लोनिकि 2:4

मोसे़ॽ आयुरो याॽमिजिडे़ॽ पुजा ले़ःॽपॽआनुङ निवाहाङ लुनुङ मिॽपॽआ चोप थोकमि बिरोध ले़न्‍डुए। मोसे़ॽको मन्‍दिरबेॽ पेन्‍नुङ कानोॽ निवाहाङ ले़ङे लुन्‍डुए।

परकास 1:10

परभुमि याकपेॽ का होङ्‌निवामि अधिनबेॽ टुसिङे, काङ्‌मि ए़ङ्‌गुवालाम तुरहि मिटिडोॽमा इक्‍को बेॽएम्‍मा सेम्‍ला के़ॽ खेप्‍सुङ।

परकास 12:14

तर मो बेॽएम्‍मा पुसे़ॽडे़ॽ मो मेॽनामिॽ मे़न्‍चुप्‍हेसुरो लुनुङ रे़क्‍रे़क्‍मा ठाउँबेॽ पेघे़ॽमामि लागि बेॽए अङ्‌लिॽवामि निच्‍चि लाप्‍खे़ॽवा पिबॽआ ले़टे़। मो रे़क्‍रे़क्‍मा ठाउँबेॽ सुम निङ चुक्‍चि महिनाठोक मो मेॽनामिॽ कुमा खाङ्‌मामि लागि ठाउँ पोरोक्‍नुङ युङ्‌बॽआ ले़टा।

परकास 12:3

मोबा थाङ्‌सिरिबेॽ हाइको इक्‍को चिङ्‌गा खाङ्‌मुसा, मो चाहिँ एच्‍चि गोटा निन्‍डवाँ, इक्‍पोङ गोटा सजाङ्‌नुङ निन्‍डवाँबेॽ एच्‍चि गोटा मुकुट ओम्‍बॽआ इक्‍को बेॽएम्‍मानुङ हररामा पुसे़ॽ ले़टा।

परकास 12:6

मो मेॽनामिॽ चाहिँ रे़क्‍रे़क्‍मा ठाउँबेॽ चिःॽखडा। मोबेॽ इक्‍को हजार निच्‍चि सये चुक्‍चि याकठोक खो कुमामि लागि निवाहाङ्‌डे़ॽ मो ठाउँ पोरोक्‌युङ्‌बॽआ ले़टा।

परकास 17:18

हे़ने़ॽ खाङ्‌बॽआ मो बेस्‍या मेॽनामिॽ लुबॽआ चाहिँ मक्‍खाम्‍डेमबेॽहा चोप हाङ्‌बाजिसोक्‍पेॽ अधिन ले़ःॽखुबा बेॽएम्‍मा सहर ले़ये।”

परकास 17:4

मो मेॽनामिॽडे़ॽ बैजनि रङ्‌मानुङ हररामा पोॽइये चेॽ चाङ्‌बॽआ ले़टा, खो सुना, रत्‍ननुङ मोति वे़ःॽमानुङ चाक्‍पॽआ ले़टा। मोसे़ॽ हुकपेॽ इक्‍को खोरिया याङ्‌बॽआ ले़टा, मो खोरिया इॽठुप चिक्‍चिमिॽमारोहा बेभिचारमि खा टुसा।

परकास 18:12

अथबा माहाजिमि सुना, सिसे़ङ, रत्‍न, मोति, मलमलमि चेॽ, बैजनि चेॽ, चहकिलो हररामा चेॽ, खाल खालहा नाम्‍जानुहा बेॽलो याङ सिॽइहा सिङ्‌बु, मोबा हात्‍तिमि के़ङ्‌बाङ टोङ्‌बॽआ चोप खालहा कोक्‍नाम, काँसामि कोक्‍नाम, चे़क्‍चिनुङ सिङ्‌गमरमरमि इमाङ थोकसो याॽमिजिडे़ॽ इनुजिनि।

परकास 18:16

“इःयो, इगो सहरमि लागि इन्‍डोॽ किस्‍सिमारोमा बेला लेस्‍सायो, इगोसे़ॽको मे़नेक मे़नेक्‍मा सुतिमि चेॽ, बैजनिनुङ सिन्‍दुर रङ्‌मा हररामा चेॽ चाक्‍सुए, मोबा सुना, रत्‍ननुङ मोतिमि गहन वे़ःॽमानुङ चागे़।

परकास 21:10

मोबा पबित्‍रा होङ्‌निवाडे़ॽ का इक्‍को बेॽएम्‍मानुङ ए़ङ्‌इये सुम्‍लाखाबेॽ लाघे़ॽटिङ, मोबा निवाहाङ्‌बाङ पबित्‍रा सहर यरुसलेम थाङ्‌सिरिबाङ मिॽमु उङ्‌मे़ॽनिङ्‌सिबॽआ खाङ्‌मेॽटिङ।

परकास 4:2

मोडोक्‍पेॽनोॽ निवाहाङ्‌मि पबित्‍रा होङ्‌निवा काबेॽ लेस्‍सा, मोबा के़ॽ सेन्‍जिसेम्‍माङ्‌बेॽ थाङ्‌सिरिबेॽ इक्‍को हाङ्‌पेन्‍ढाम युङ्‌बॽआ खाङ्‌डोक्‍टुङ मोबेॽ इक्‍को याॽमि पेम्‍बॽआ खाङ्‌डोक्‍टुङ।