परकास 17:14 - याम्फु

¹⁴ अक्‍खाजि थुमामि बिरोधबेॽ ङेः ले़न्‍डुजे, तर अक्‍खाजि थुमाडे़ॽ हेजोन्‍डुजे, इन्‍ढोङ्‌होङ खो परभुजिमि परभुनुङ हाङ्‌बाजिमि हाङ्‌बा ले़ये। खोनुङ सोरि टुघुबाजि चाहिँ के़ःॽपॽआजि, से़न्‍बॽआजिनुङ बिस्‍वासनुङ्‌हाजि ले़म्‍मे।”

परकास 17:14 Iomraidhean Croise

मत्‍ति 22:14

“इन्‍ढोङ्‌होङ के़ॽपॽआजि बेॽलो टुम्‍मे, तर से़म्‍बॽआजि ए़डे़ॽवा टुम्‍मे।”

मत्‍ति 25:40

मोबा हाङ्‌बाडे़ॽ हे़निङ लुये, ‘चइबानोॽ, के़ॽ हे़निङ लुनिम्‍ने़, हे़निङे़ॽ इघा के़हा निसाजिबेॽ चोप्‍पाङ ए़डे़म्‍मा निसारेॽनोॽ इन्‍डोक सेवा ले़टानुम, माहा चोप हे़निङे़ॽ कानोॽ ले़टानुम।’

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

रोमि 1:6

हे़निङ्‌सो खोजिनुङ सोरि येसु खिरिस्‍टमि लिमामि लागि के़ए़टे़।

रोमि 8:30

असा असाजि निवाहाङ्‌डे़ॽ याक्‍लोएबाङ सेनुजि, माहाजि खोसे़ॽ के़डुजि, मोबा टाङ्‌बामि पोम्‍बेॽ माहाजि धरमिसो टोक्‍सुजि, असा असाजि धरमि टोक्‍सुजि, माहाजि खोसे़ॽ महिमानुङ्‌हाजिसो टोक्‍सुजि।

रोमि 8:37

तर कानिङ नम्‍नम ले़ःॽखुबा खिरिस्‍टमि लामबाङ्‌नोॽ बिस्‍वासिजिडे़ॽ इघा चोप खागो हेजाबेटुङ्‌मे।

१ कोरिन्‍थि 15:24

मोबा ए़क्‍साङ चोप रुक्‍खे़हा। मोडोक्‍पेॽ खिरिस्‍टडे़ॽ हाइखा चोप सासन, चोप अधिकारनुङ सक्‍ति नास ले़ःॽनुङ निवाहाङ पाबामि हुकपेॽ राज्‍य पिन्‍डुए।

१ तिमोथि 6:15

निवाहाङ्‌डे़ॽ येसु खिरिस्‍ट फेरि पाङ्‌मामि लागि मो याक पक्‍का ले़पेटुए। कानिङ्‌मि आसिसित निवाहाङ। खोरेॽ चोप्‍पाङ बेॽएम्‍मा। हाङ्‌बाजिमि हाङ्‌बा मोबा परभुजिमि परभु ले़ये।

२ तिमोथि 2:4

तिरिङ्‌गा लिबॽआ याॽमिडे़ॽ हाइखा योम्‍बोक्‍पेॽ फोसिघे़ॽमा फे़न्‍निबा। खोसे़ॽको खोमि एप्‍पा तिरिङ्‌गा साप्‍थाङ्‌मेॽमा बोल ले़ःॽमा खे़ये।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 11:7

खोजिडे़ॽ टाङ्‌बामि साक्‍छिमि योम्‍बोक येॽनुङ ए़क्‍साङ अतल कुन्‍डाबाङ पे़आप्‍मिये मो जिवातनुङ खोजि काॽइन्‍जे, मो जिवातडे़ॽ माहा निच्‍चि साक्‍छिजि हेजानुङ सेॽनेन्‍डुए।

परकास 16:14

माहाजि खरि खरिहा चिङ्‌गा ले़ःॽखुबा मङे़हा होङ्‌निवाजि ले़म्‍मे। खोजि चोप्‍पाङ सक्‍तिदाङ्‌बा निवाहाङ्‌मि बेॽएम्‍मा याकपेॽ ङेः ले़ःॽमामि मक्‍खाम्‍डेमबेॽहा चोप हाङ्‌बाजि सुम्‍सिॽ खे़ए़म्‍मे।

परकास 2:10

हे़निङ्‌मि हिङ्‌मवाबेॽ लेङ्‌सिॽपोरोक्‍पॽआ खेःबाङ ए़क्‍किसिडानिङे। खेप्‍सानुमे, सैतानडे़ॽ हे़निङ इन्‍डोक जनाजिमि बिस्‍वास जाँच ले़ःॽमामि तिरिङ्‌गा खिमबेॽ से़ॽइये। हे़निङ इक्‍पोङ याकठोकरेॽ चुङ्‌जामा खेः आङ्‌मेये, तर हे़निङे़ॽ सिमा सिॽहोङ्‌सो बिस्‍वास ले़ःॽमा ए़लेडानुमे। हे़निङे़ॽ बिस्‍वास ले़ःॽमा मे़लेडानुमहोङ के़ॽ हिङ्‌मवामि मुकुट पिनिम्‍ने़।

परकास 2:13

सैतानमि पेन्‍ढाममि के़क्‍पेॽनोॽ हे़निङ पेङ्‌इन्‍डानिङे लुमे खा के़ॽ लेनुङे़। तरसो हे़निङे़ॽ काबेॽ ले़ःॽपॽआ बिस्‍वास बोलियो ले़ये। साक्‍छि बोलियो बिस्‍वासनुङ्‌मा एन्‍टिपास सैतानमि पेन्‍ढाम के़क्‍पेॽ सेॽनेमाबेॽसो हे़निङे़ॽ बिस्‍वास मे़लेडानुम।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।