परकास 17:12 - याम्फु

¹² “हे़ने़ॽ खाङ्‌बॽआ माहा इक्‍पोङ सजाङ चाहिँ इक्‍पोङ हाङ्‌बाजि ले़म्‍मे, माहाजि आयुरोसो हाङ्‌बा मे़लिडिॽ, तर माहाजिडे़ॽ मो जिवातनुङ्‌नोॽ इॽछोॽमि लागि हाङ्‌बा लिनुङ अधिकार ले़टोक्‍इन्‍डुजे।

परकास 17:12 Iomraidhean Croise

परकास 10:11

मोबा का इडोॽ लुसिङा, “हे़ने़ॽ बेॽलो याॽमिजि, जातिजि, खाप्‍ला यामुखुबा याॽमिजिनुङ हाङ्‌बाजि लुमा खे़ये।”

परकास 12:3

मोबा थाङ्‌सिरिबेॽ हाइको इक्‍को चिङ्‌गा खाङ्‌मुसा, मो चाहिँ एच्‍चि गोटा निन्‍डवाँ, इक्‍पोङ गोटा सजाङ्‌नुङ निन्‍डवाँबेॽ एच्‍चि गोटा मुकुट ओम्‍बॽआ इक्‍को बेॽएम्‍मानुङ हररामा पुसे़ॽ ले़टा।

परकास 13:1

माहोङ्‌माबाङ इक्‍को जिवात पे़आप्‍पॽआ के़ॽ खाङ्‌डोक्‍टुङ, मोमि इक्‍पोङ गोटा सजाङ्‌नुङ एच्‍चि गोटा निन्‍डवाँ टुसा। मोमि चोप सजाङ्‌बेॽ इक्‍को इक्‍को मुकुट टुसा, मोमि चोप निन्‍डवाँबेॽ निवाहाङ सिःक्‍चामे इक्‍को निङ टुसा।

परकास 17:16

मोबा हे़ने़ॽ खाङ्‌बॽआ इक्‍पोङ सजाङ्‌नुङ मो जिवातडे़ॽ मो बेस्‍या मेॽनामिॽ सिॽचोन्‍डुजे, मोमि चोप थोक ङाप्‍नुङ खो उक्‍चुङ्‌रे़क टोङ्‌इन्‍डुजे। मोबा माहाजिडे़ॽ मोमि सा चोन्‍डुजेनुङ मोमि एम्‍बॽआ हिङा मिबेॽ हिॽइन्‍डुजे।

परकास 18:10

मोसोक्‍पेॽ सिॽपॽआ दन्‍डा खाङ्‌नुङ किस्‍सिमवे़ॽ माहाजिडे़ॽ ओःनोॽ येःप्‍मानुङ इडोॽ लुन्‍डुजे, “सारोनोॽयो! हे़न बेबिलोन सहरबेॽ इमाङ आप्‍टिक सिॽटे़, इॽछोॽपेॽनोॽ हे़ने़ॽ दन्‍डा आङ्‌मा सिॽटा।”

परकास 18:17

इॽछोॽपेॽनोॽ मोढे़ःॽलोहा बेॽलो याङ्‌सरावा चोप नासि लिघडा।” चोप योङा जहाजमि कप्‍तानजि, मोबेॽ साङ्‌घुबाजि, योङा जहाज खिःक्‍खुबाजिनुङ माहोङ्‌माबेॽ बेपार ले़ःॽचाघुबाजि ओःनोॽ येःप्‍नुङ,

परकास 18:19

मोबा माहाजिडे़ॽ टाङ्‌बा टाङ्‌बामि निन्‍डवाँबेॽ धुलो टुप्‍मानुङ हाःप्‍साङ इडोॽ कासामि, “इगो सहरबेॽ इन्‍डोक्‍मा बिपत्‍ति लेस्‍से़। इगो सहरमि याङ्‌सरावाबाङ योङा जहाजदाङ्‌बाजि चोप टाङायोङ्‌बा लिबॽआ ले़टामे। तर इॽछोॽपेॽनोॽ मो सहर नासि लिसा।