परकास 16:19 - याम्फु

¹⁹ मो बेॽएम्‍मा बेबिलोन सहर सुम फे़क लिसा। चोप देसबेॽहा चोप सहर योघडा, मोडोक्‍पेॽ निवाहाङ्‌डे़ॽ मो बेॽएम्‍मा बेबिलोन सहर मिडु, मोबा किस्‍सिमारोमा सुरिक इॽठुप्‍मा मो खोरिया मो सहरसोक्‍पेॽ ओप्‍ए़न्‍डु।

परकास 16:19 Iomraidhean Croise

परकास 11:8

खोजिमि सिगुयाक मो बेॽएम्‍मा सहरमि रामराजि अलपत्‍रा लिहा, मो सहरबेॽ खोजिमि परभु काप्‍सिङ्‌बेॽ किङ्‌नेबॽआ ले़टा। मो सहरगो सदोमनुङ मिस्‍रा देसडोॽ ले़ये।

परकास 17:1

माहा एच्‍चि गोटा खोरिया खिघुबा थाङ्‌सिरिदुतजिबाङ इक्‍को काङ्‌मि के़क्‍पेॽ लेन्‍नुङ लुसिङ, “इगिॽयु आबे, के़ॽ हे़न मो निङ मुक्‍पॽआ बेस्‍या मेॽनामिॽडे़ॽ इन्‍डोक्‍मा दन्‍डा चुप्‍मिन्‍डुए मो खा खाङ्‌मुन्‍ने़, मो मेॽनामिॽ बेॽलो यिवामि के़क्‍पेॽ टुबॽआ बेॽए सहर ले़ये।

परकास 17:18

हे़ने़ॽ खाङ्‌बॽआ मो बेस्‍या मेॽनामिॽ लुबॽआ चाहिँ मक्‍खाम्‍डेमबेॽहा चोप हाङ्‌बाजिसोक्‍पेॽ अधिन ले़ःॽखुबा बेॽएम्‍मा सहर ले़ये।”

परकास 17:5

मोमि तुरुवाबेॽ लेमा छॽइये इक्‍को निङ साप्‍पॽआ ले़टा, “बेॽए सहर बेबिलोन, मक्‍खाम्‍डेमबेॽ बेभिचार ले़ःॽखुबाजिमिनुङ चिक्‍चिमिॽमारोहा खामि मामा।”

परकास 18:10

मोसोक्‍पेॽ सिॽपॽआ दन्‍डा खाङ्‌नुङ किस्‍सिमवे़ॽ माहाजिडे़ॽ ओःनोॽ येःप्‍मानुङ इडोॽ लुन्‍डुजे, “सारोनोॽयो! हे़न बेबिलोन सहरबेॽ इमाङ आप्‍टिक सिॽटे़, इॽछोॽपेॽनोॽ हे़ने़ॽ दन्‍डा आङ्‌मा सिॽटा।”

परकास 18:2

मो वोमानुङ इडोॽ कासा, “बेॽएम्‍मा सहर बेबिलोन नासि लिसा, मो सहर हागो मङे़हा चापजिमि पेन्‍ढाम, चोप असुद्‌ध होङ्‌निवानुङ चोप चिक्‍चिमिॽमारोहा असुद्‌ध सोङाजिमि पेन्‍ढाम हु लिटे़।

परकास 18:21

मोडोक्‍पेॽ इक्‍को सक्‍तिदाङ्‌बा थाङ्‌सिरिदुतडे़ॽ बेॽएम्‍मा लघेडोॽमा रुङ्‌गोॽवा ठेॽनुङ इडोॽ लुमानुङ माहोङ्‌माबेॽ राप्‍ए़न्‍डु, “इडोक्‍नोॽ मो बेॽएम्‍मा बेबिलोन सहरसो राप्‍खे़ये, मोबा फेरि इन्‍डोक्‍पेॽसो खाङ्‌मुनिबा।

परकास 18:5

इन्‍ढोङ्‌होङ आक्‍कोमि पाप थाङ्‌सिरिठोक नोःक्‌युङ्‌घे़टाहा, निवाहाङ्‌डे़ॽ आक्‍कोमि मङे़हा योम्‍बोक मिन्‍डेडुने।