परकास 16:17 - याम्फु

¹⁷ एच्‍चिमा थाङ्‌सिरिदुतडे़ॽ खोमि खोरिया हिॽवाबाबेॽ ओप्‍ए़न्‍डु, मोबा मन्‍दिरबाङ इक्‍को बेॽए सेम्‍लाडे़ॽ इडोॽ काबॽआ खेम्‍मुसा, “हागो रुक्‍खडा।”

परकास 16:17 Iomraidhean Croise

युहन्‍ना 19:30

मोबा येसुडे़ॽ मो खे़वा उङ्‌नुङ लुसु, “हागो के़ए़ योम्‍बोक रुक्‍खडा” मोबा खोमि निन्‍डवाँ उःक्‍मानुङ सोःक्‍मा खडा।

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

एफिसि 6:12

इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 11:19

मोबा थाङ्‌सिरिबेॽ टुघुबा निवाहाङ्‌मि मन्‍दिर हेम्‍बोगानुङ मो होङ्‌सिॽयुए पबित्‍रा करारमि सन्‍दुक खाङ्‌मुसा। मोबा ए़क्‍साङ नमसेल्‍ले़ॽवा पोगा, किस्‍सिमारो नान्‍द्‌रुङ्‌मा मुगा, रुॽमि खडा, बेॽहा बेॽहा ओम हेडा।

परकास 14:15

मोबा हाइको इक्‍को थाङ्‌सिरिदुत मन्‍दिरबाङ पाखे़ॽयु आप्‍नुङ मो खिम्‍मिॽवासोक्‍पेॽ पेङ्‌घुबा बेॽए सेम्‍लाडे़ॽ लुसु, “हे़ने़ए़ खोॽइ हुकपेॽ याङ्‌नुङ बालि हे़गे, इन्‍ढोङ्‌होङ मक्‍खाम्‍डेमबेॽहा चोप बालि टुम्‍नुङ हे़क्‍मा बेला लिघे़टा।”

परकास 14:17

मोबा फेरि थाङ्‌सिरिमि मन्‍दिरबाङ हाइको इक्‍को थाङ्‌सिरिदुत पाखे़ॽयु आबा। मोमि हुकपेॽसो इक्‍को वे़ङ्‌इये खोॽइ टुसा।

परकास 16:1

मोबा एच्‍चि थाङ्‌सिरिदुतजि मन्‍दिरबाङ बेॽए सेम्‍लाडे़ॽ इडोॽ कामे़ॽनिङ्‌सिबॽआ के़ॽ खेप्‍सुङ, “खे़ॽनुङ निवाहाङ्‌मि सुरिकमि एच्‍चि खोरिया मक्‍खाम्‍डेमबेॽ ओप्‍ए़न्‍डानुमे।”

परकास 21:6

मोबा निवाहाङ्‌डे़ॽ का लुसिङ, “हागो चोप योम्‍बोक रुक्‍खे़टाहा। का अल्‍फानुङ ओमेगा ले़ङे, चोप्‍पाङ याक्‍लोमानुङ चोप्‍पाङ ए़क्‍साङ्‌मा कानोॽ ले़ङे। असा असाजि वाइॽमे़ॽ सिन्‍डुजे, माहाजि के़ॽ हिङ्‌मवामि योङा पिॽठामबाङ उङ्‌मा पिनुङ्‌हाजि।