परकास 16:11 - याम्फु

¹¹ माहाजिमि हुवा टुक्‍पॽआसे़ॽ निवाहाङ चापहिसुजि। तर हागोसो खोजिडे़ॽ टाङ्‌बामि पापि योम्‍बोक ले़ःॽमा मे़लेडुजि।

परकास 16:11 Iomraidhean Croise

२ तिमोथि 3:13

तर दुस्‍टाजिनुङ हाइखाजि रेम्‍जाखुबाजि चाहिँ, हाइखाजिडे़ॽ रेम्‍इन्‍डुजे। माहाजि मङे़हाबाङ छना बेॽलो मङे़हा लिम्‍मे।

परकास 11:13

मोडोक्‍पेॽनोॽ बेॽएम्‍मा रुॽमि खडा, मो सहरमि इक्‍पोङ भागा योघडा, इगो रुॽमिबेॽ एच्‍चि हजार याॽमिजि सिसामि, मोबा हिङ्‌बॽआ याॽमिजिडे़ॽ बेॽलो किस्‍सिमानुङ थाङ्‌सिरिबेॽ पेङ्‌घुबा निवाहाङ्‌मि ओहाङ ले़टुजि।

परकास 16:2

मोबा याक्‍लोमा थाङ्‌सिरिदुत खे़ॽनुङ मक्‍खाम्‍डेमसोक्‍पेॽ खोमि खोरिया ओप्‍ए़न्‍डु। मोडोगे़ॽ मो जिवातमि छापनुङ्‌हानुङ मोमि पुजा ले़ःॽखुबाजि चोप याॽमिबेॽ चिक्‍चिमिॽमारोहा टुॽइहा हुवा लिसा।

परकास 16:21

मोबा नान्‍द्‌रुङ्‌माबाङ बेॽहा बेॽहा रिबोङ ङाबोङ किलोडोक्‍हा ओम याॽमिजिसोक्‍पेॽ हेडा। माहा याॽमिजिडे़ॽ मो खेः आङ्‌मा सिॽमाबेॽ निवाहाङ चापहिसुजि, इन्‍ढोङ्‌होङ चइबानोॽ इगो ओममि बिपत्‍ति चाहिँ सारोनोॽ किस्‍सिमारोमा ले़टा।

परकास 16:9

नम सारोनोॽ राःक्‍पॽआसे़ॽ मो कुहाङ्‌डे़ॽ याॽमिजि हिडुजि, मोडोक्‍पेॽ छना माहा याॽमिजिडे़ॽ इडोक्‍हा बिपत्‍ति लाजे़ॽहेघुबा निवाहाङ चापहिसुजि। मोबा खोजिडे़ॽ पाप ले़ःॽमासो मे़लेडुजि, निवाहाङ्‌मि आदरसो मे़ले़टुजि।

परकास 2:21

के़ॽ खो पाप ले़ःॽमा लेडे लुसुङ, तर खोसे़ॽ बेभिचार ले़ःॽमा मे़लेडु।