परकास 15:4 - याम्फु

⁴ हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

परकास 15:4 Iomraidhean Croise

१ पत्‍रुस 1:16

इन्‍ढोङ्‌होङ धारमिक नेॽचिराबेॽ इडोॽ साप्‍पॽआ ले़ये, “हे़निङ पबित्‍रा लिसानिङे, इन्‍ढोङ्‌होङ का पबित्‍रा ले़ङे।”

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 14:7

मोसे़ॽ वोमानुङ लुसु, “निवाहाङ्‌नुङ किस्‍सिसानिङे खोमि ओहाङ ले़टानुमे। इन्‍ढोङ्‌होङ खोसे़ॽ याॽमिजिमि न्‍याय ले़ःॽमे बेला लेम्‍बेटे़। थाङ्‌सिरि, मक्‍खाम्‍डेम, माहोङ्‌मानुङ योङा पिॽठाम टोङ्‌खुबा निवाहाङ्‌मि पोम्‍बेॽ उःक्‌युनुङ सेवा मुसानुमे।”

परकास 16:5

मोबा ए़क्‍साङ योङासोक्‍पेॽ अधिन ले़ःॽखुबा थाङ्‌सिरिदुतडे़ॽ इडोॽ लुबॽआ के़ॽ खेप्‍सुङ, “हे पबित्‍रा निवाहाङ हे़न याक्‍लोसो टुसे़, आयुसो टुये, हे़ने़ॽ नुरोॽ न्‍याय ले़टु।

परकास 16:7

मोबा थानाबाङ इडोॽ लुमे़ॽनिङ्‌सिबॽआ के़ॽ खेप्‍सुङ, “हे, परमपरभु निवाहाङ चोप्‍पाङ सक्‍तिदाङ्‌बा, हे़ने़ॽ ले़ःॽपॽआ न्‍याय चाइबमानुङ धारमिक ले़ये।”

परकास 19:2

इन्‍ढोङ्‌होङ खोमि न्‍याय ठिकनुङ चाइबमा ले़ये। बेभिचारि योम्‍बोकडे़ॽ चोप मक्‍खाम्‍डेम नासि ले़ःॽखुबा मो बेस्‍या मेॽनामिॽ निवाहाङ्‌डे़ॽ ठिक दन्‍डा पिनुङ खोमि याॽमिजि सेॽनेबॽआ हरिमि साटो लाटुए।”

परकास 19:8

मो नायोङ्‌माडे़ॽ चाङ्‌मामि लागि उथ्‍रिॽमा पोॽइये मलमलमि चेॽ पिबॽआ ले़ये।” मो उथ्‍रिॽमा पोॽइये मलमलमि चेॽ लुबॽआ चाहिँ निवाहाङ्‌मि याॽमिजिमि धारमिक योम्‍बोक ले़हा।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।

परकास 4:8

माहा रिउम गोटा जिवातजिमि चुक्‍चि चुक्‍चि गोटा लाप्‍खे़ॽवा टुसानुङ माहाजिमि खिरिरि मिकरेॽनोॽ टुसा। माहाजि सेन्‍डा लेन्‍डा इडोॽ कासाङ सेम्‍लुमे़ॽनिङ्‌सिडामि, “चोप्‍पाङ सक्‍तिदाङ्‌बा परमपरभु निवाहाङ पबित्‍रा, पबित्‍रा, पबित्‍रा ले़ये। खो चोप्‍पाङ याक्‍लोमा ले़टे़, खो आइसो टुये, खो लेङ्‌इये।”

परकास 6:10

माहाजि बेॽए सेम्‍लाडे़ॽ इडोॽ कासामि, “पबित्‍रानुङ चाइबमा चोप्‍पाङ सक्‍तिदाङ्‌बा परमपरभु, हे़ने़ॽ मक्‍खाम्‍डेमबेॽहा कानिङ सेॽनेघुबा याॽमिजिमि न्‍यायमि दन्‍डा इन्‍डोक्‍पेॽ पिन्‍डुजे ?”