परकास 14:3 - याम्फु

³ इक्‍को लाख रिक्‍पोङ रिउम हजार याॽमिजिडे़ॽ मो हाङ्‌पेन्‍ढाम, माहा रिउम हिङ्‌रिक जिवातजिनुङ यहुदि धारमिक गुरुजिमि पोम्‍बेॽ इक्‍को चोङ सेम सेम्‍लुमे़ॽनिङ्‌सिडुजि। इगो चोङ सेम चाहिँ इक्‍को लाख रिक्‍पोङ रिउम हजार याॽमिजिडे़ॽरेॽ चिन्‍डोक्‍टुजि। इन्‍ढोङ्‌होङ माहाजिरेॽ मक्‍खाम्‍डेमबाङ छुट्‌कारा चुप्‍पॽआजि ले़टामि।

परकास 14:3 Iomraidhean Croise

१ कोरिन्‍थि 1:18

खिरिस्‍ट काप्‍सिङ्‌बेॽ सिबॽआ खामि परचार चाहिँ नासि लिघुबाजिमि लागि उम्‍बरिङ खा ले़ये, तर कानिङ उद्‌धार चुप्‍खुबाजिमि लागि चाहिँ निवाहाङ्‌मि सक्‍ति ले़ये।

१ कोरिन्‍थि 2:14

हाम्‍बे याॽमिबेॽ निवाहाङ्‌मि होङ्‌निवा माॽआये, मोसे़ॽ निवाहाङ्‌मि होङ्‌निवाबाङ्‌ए खाबेॽ बिस्‍वास ले़टुनि, इन्‍ढोङ्‌होङ खोमि लागि मो उम्‍बरिङ खा लिये। मोसे़ॽ माहा खा लेहेसुनिबा, मोडोक्‍हा खागो पबित्‍रा होङ्‌निवामि निवाबाङ्‌रेॽनोॽ लेहेहा।

परकास 14:1

मोबा के़ॽ खाङ्‌माबेॽ सियोन टोक्‍टोक्‍माबेॽ थुमा येःप्‍मे़ॽनिङ्‌सिबॽआ खाङ्‌डोक्‍टुङ। खोनुङ सोरि इक्‍को लाख रिक्‍पोङ रिउम हजार याॽमिजि टुसामि, माहाजिमि तुरुवाबेॽ थुमामिनुङ खोमि पाबामि निङ साप्‍पॽआ ले़टा।

परकास 15:3

माहाजिडे़ॽ इडोॽ लुसाङ निवाहाङ्‌मि सेउते मोसामिनुङ थुमामि सेम सेम्‍लुमे़ॽनिङ्‌सिडुजि, “हे परमपरभु निवाहाङ चोप्‍पाङ बेॽए सक्‍तिदाङ्‌बा, हे़ने़हा योम्‍बोक सारोनोॽ महाननुङ खरिहा ले़हा, चोप जातिहा याॽमिजिमि हाङ्‌बा, हे़ने़हा मराम धरमिनुङ चाइबमा ले़हा।

परकास 2:17

पबित्‍रा होङ्‌निवाडे़ॽ मन्‍डलिबेॽहा बिस्‍वासिजि इमाङ लुन्‍डुजे, ने़ए़क काप्‍खुबा चोबे़ॽ खेप्‍सानुमे। असे़ॽ हेजोन्‍डुए, खो के़ॽ चुम्‌युङ्‌बॽआ मन्‍नाबाङ्‌ ए़डे़ॽवा पिनुङे़, मोबा खो चोङ निङ साप्‍पॽआ इक्‍को उथ्‍रिॽमा रुङ्‌गोॽवामि पाटिसो पिनुङे़। मो निङ चाहिँ उथ्‍रिॽमा रुङ्‌गोॽवामि पाटि चुप्‍खुबे़ॽरेॽ लेन्‍डुए।”

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।

परकास 7:4

“मोबा इडोॽ मोहोर टिबॽआ याॽमिजि इक लाख चवालिस हजार लिबॽआ खा के़ॽ खेप्‍सुङ। माहाजि चाहिँ इस्‍राएलिजिमि चोप बङ्‌सबाङ्‌हा ले़टामि।