परकास 14:13 - याम्फु

¹³ मोबा ए़क्‍साङ थाङ्‌सिरिबाङ इडोॽ लुबॽआ के़ॽ खेप्‍सुङ, “इगो खा साबे, हागोएम्‍बाङ परभुबेॽ बिस्‍वास ले़ःॽनुङ सिघुबाजिडे़ॽ आसिस चुप्‍मिन्‍डुजे।” पबित्‍रा होङ्‌निवाडे़ॽ लुये, “चइबानोॽ माहाजिडे़ॽ टाङ्‌बामि योम्‍बोकबाङ नाजाडोक्‍इन्‍डुजे, इन्‍ढोङ्‌होङ खोजिडे़ॽ ले़ःॽपॽआ चोप योम्‍बोक खोजिनुङ सोरि खे़ये।”

परकास 14:13 Iomraidhean Croise

मत्‍ति 3:17

मोबा थाङ्‌सिरिॽटुरा इडोॽ लुबॽआ सेम्‍ला खेम्‍मुसा, “इगो काङ्‌मि नम्‍नम ले़ःॽपॽआ पसा ले़ये, इगोनुङ का बेॽलो साप्‍थाङ्‌इटिङे।”

लुका 16:25

तर अब्‍राहामडे़ॽ मो याॽमि लुसु, ‘पसा इक्‍खेॽ मिॽखाक्‍से, हे़न मक्‍खाम्‍डेमबेॽ टुमाबेॽ हे़ने़ॽ सुखनुङ सान्‍ति चुप्‍टु, तर लाजरसडे़ॽ खेःरेॽ आक्‍सु। आयु लाजरसडे़ॽ सुखनुङ सान्‍ति चुप्‍मिटुए, हे़ने़ॽ खेःलोकपेॽ खेःआङ्‌मे़ॽनिङ्‌सिन्‍डुए।

लुका 16:9

“के़ॽ हे़निङ लुनिम्‍ने़, इगो मक्‍खाम्‍डेमबेॽहा याङ्‌सरावा सानिङ टुडुङ्‌घे़ॽनिहा मोडोगे़ॽ इघा याङ्‌सरावाडे़ॽ बेॽलो लङ्‌गामजि टोक्‍सानुमे। मोबा हे़निङ थाङ्‌सिरि खे़ॽमाबेॽ सानिङ टुडुङ्‌घे़ये खिमबेॽ हे़निङ स्‍वागत ले़म्‍मे।”

रोमि 14:8

कानिङ हिक्‍सिङ्‌माहोङ्‌सो परभुमि लागिनोॽ हिङ्‌इन्‍डिङ्‌मा, सिसिङ्‌माहोङ्‌सो परभुमि लागिनोॽ सिन्‍डिङ्‌मा।

१ कोरिन्‍थि 15:18

मोडोक्‍होङ्‌गो खिरिस्‍टबेॽ बिस्‍वास ले़ःॽनुङ सिघे़ॽपॽआजिसो नासि लिटामे।

१ कोरिन्‍थि 15:20

तर खिरिस्‍ट चइबानोॽ सिघे़ॽपॽआबाङ हिङ्‌बोगु। सिघे़ॽपॽआबाङ हिङ्‌बोक्‍पॽआजिबेॽ खोनोॽ याक्‍लोमा लिबॽआसे़ॽ बिस्‍वास ले़ःॽखुबाजि सिघे़ॽनुङ्‌सो निवाहाङ्‌डे़ॽ हिङ्‌बोइन्‍डुजे।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

२ कोरिन्‍थि 5:8

कानिङे़ॽ आसा ले़ःॽमा लेडुङ्‌मानि, थाङ्‌सिरिबेॽ चुप्‍मिये हिङा चुप्‍नुङ परभुनुङ पेम्‍मामि लागि इगो हिङा लेप्‍पेमासो पोरोक्‍इन्‍डिङ्‌मा।

फिलिप्‍पि 2:17

हे़निङे़ॽ परभुबेॽ ले़ःॽपॽआ बिस्‍वासनुङ निवाहाङ्‌मि योम्‍बोक चाहिँ बलिदानडोॽ ले़ये, मोबेॽ काङ्‌मि हिङ्‌मवामि बलि पिमा सिॽसो का साप्‍थाङ्‌इङे। इगो साप्‍थाङ्‌मे खाबेॽ हे़निङ्‌सो कानुङ सोरि साप्‍थाक्‍सानिङे।

१ थेस्‍लोनिकि 4:14

इन्‍ढोङ्‌होङ कानिङे़ॽ येसु सिघे़ॽनुङ्‌सो हिङ्‌बोॽइटे़ लुमे खाबेॽ बिस्‍वास ले़न्‍डुङ्‌मा। मोडोक्‍नोॽ निवाहाङ्‌डे़ॽ खोबेॽ बिस्‍वास ले़ःॽनुङ सिघे़ॽपॽआजि फेरि हिङ्‌रिक टोङ्‌नुङ येसुनुङ्‌नोॽ लाघे़न्‍डुजे।

१ थेस्‍लोनिकि 4:16

इन्‍ढोङ्‌होङ हुकुममि सेम्‍ला मुक्‍मानुङ, चोप्‍पाङ एप्‍पा थाङ्‌सिरिदुतमि सेम्‍ला मोबा निवाहाङ्‌मि तुरहि मिःॽमाबेॽ परभु थाङ्‌सिरिबाङ उङ्‌इयेनुङ मोडोक्‍पेॽ खिरिस्‍टबेॽ बिस्‍वास ले़ःॽनुङ सिघे़ॽपॽआ याॽमिजि याक्‍लो हिङ्‌बोॽइम्‍मे।

१ थेस्‍लोनिकि 5:10

परभु लेम्‍माबेॽ कानिङ सिबॽआहोङ्‌सो, हिङ्‌बॽआहोङ्‌सो खोनुङ्‌नोॽ हिङ्‌मामि लागि परभु कानिङ्‌मि साटोबेॽ सिसा।

१ तिमोथि 5:24

आढा याॽमिजिडे़ॽ ले़ःॽपॽआ पाप चाहिँ चोबे़ॽ छे़ङ्‌गै खाङ्‌मुयेनुङ चान्‍डोनोॽ खोजिडे़ॽ दन्‍डा चुप्‍मिन्‍डुजे, तर आढाजिमि पाप चाहिँ ए़क्‍साङ्‌रेॽ खाङ्‌मुहा।

१ तिमोथि 5:25

मोडोक्‍नोॽ नुबा योम्‍बोकको छे़ङ्‌गै खाङ्‌मुहा। इमाङ इमाङ खाङ्‌मुनिहा माहा चोपसो खाङ्‌मुहा।

परकास 1:11

मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”

परकास 10:4

माहा एच्‍चि गोटा नान्‍द्‌रुङ्‌मा मुक्‍मासोरोॽ का साप्‍मामि पोरोगिङ, मोडोक्‍पेॽनोॽ थाङ्‌सिरिबाङ इडोॽ लुबॽआ के़ॽ खेप्‍सुङ, “माहा एच्‍चि गोटा नान्‍द्‌रुङ्‌मा मुक्‍पॽआ खा चुम्‍नुङ युक्‍से, आक्‍को ए़ॽसाबुने।”

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 11:19

मोबा थाङ्‌सिरिबेॽ टुघुबा निवाहाङ्‌मि मन्‍दिर हेम्‍बोगानुङ मो होङ्‌सिॽयुए पबित्‍रा करारमि सन्‍दुक खाङ्‌मुसा। मोबा ए़क्‍साङ नमसेल्‍ले़ॽवा पोगा, किस्‍सिमारो नान्‍द्‌रुङ्‌मा मुगा, रुॽमि खडा, बेॽहा बेॽहा ओम हेडा।

परकास 16:17

एच्‍चिमा थाङ्‌सिरिदुतडे़ॽ खोमि खोरिया हिॽवाबाबेॽ ओप्‍ए़न्‍डु, मोबा मन्‍दिरबाङ इक्‍को बेॽए सेम्‍लाडे़ॽ इडोॽ काबॽआ खेम्‍मुसा, “हागो रुक्‍खडा।”

परकास 19:9

मोबा मो थाङ्‌सिरिदुतडे़ॽ का लुसिङ, “इगो सबे, माहाजि चोप आसिस चुप्‍खुबाजि ले़म्‍मे असा असे़ॽ थुमामि फुङ्‌सयामि भत्‍तेरबेॽ निम्‍तो चुप्‍मिटुजे।” मोसे़ॽ फेरिसो का लुसिङ, “निवाहाङ्‌मि चाइबमा बचन इघानोॽ ले़हा।”

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:7

पबित्‍रा होङ्‌निवाडे़ॽ मन्‍डलि इडोॽ लुये, ने़ए़क काप्‍खुबाजि चोबे़ॽ खेप्‍सानुमे। असे़ॽ हेजोन्‍डुए, मोसे़ॽ निवाहाङ्‌मि बगैचाबेॽ टुये हिङ्‌मवामि डाङ्‌मि चा चोडोक्‍इन्‍डुए।”

परकास 20:6

इघाजि चाहिँ आसिस चुप्‍खुबाजिनुङ पबित्‍रा लिघुबाजि ले़म्‍मे। इघाजि हाइको सिमवामि सक्‍तिडे़ॽ इमाङ्‌सो ले़ःॽहेसुजिनिबा। इघाजि चाहिँ निवाहाङ्‌मिनुङ येसु खिरिस्‍टमि पुजा ले़ःॽखुबा याडाङ्‌बा लिनुङ खिरिस्‍टनुङ इक हजार निङ्‌ठोक राज्‍य ले़न्‍डुजे।

परकास 21:5

मोबा हाङ्‌पेन्‍ढामबेॽ पेङ्‌घुबा निवाहाङ्‌डे़ॽ का लुसिङा, “खेप्‍से, के़ॽ चोप खा चोङ टोङ्‌इनुङ्‌हा।” खोसे़ॽ इडोक्‍सो लुसिङ, “इडोॽ साबे, इघा खा बिस्‍वासनुङ्‌मानुङ चाइबमा ले़हा।”

परकास 22:17

पबित्‍रा होङ्‌निवानुङ नायोङ्‌माडे़ॽ लुये, “आबे।” असे़ॽ खेम्‍इन्‍डुए मोसे़ॽ लुसुरो, “आबे” असा वाइॽमे़ॽ सिटुए, खोसे़ॽ हेरो हिङ्‌मवामि योङा उक्‍सुरो।

परकास 6:11

निवाहाङ्‌डे़ॽ माहाजि चोप इक्‍को इक्‍को उथ्‍रिॽमा चेॽ पिनुङ लुसुजि हे़निङ नाजाडिक्‍सानिङे। इन्‍ढोङ्‌होङ हागोसो हे़निङ्‌नुङ सोरि योम्‍बोक ले़ःॽखुबा लङ्‌गामजिनुङ परभुमि सेवा ले़ःॽखुबाजि हे़निङ्‌डोक्‍नोॽ खोजिडे़ॽ सेॽनेन्‍डुजे। मो सङ्‌ख्‍या पुरा लिनुङ्‌रेॽनोॽ माहा दुस्‍टाजि के़ॽ दन्‍डा पिनुङ्‌हाजि।