परकास 14:10 - याम्फु

¹⁰ माहाजिडे़ॽसो निवाहाङ्‌मि सुरिकनुङ्‌मा दन्‍डा आङ्‌मा खे़ये। माहाजिडे़ॽ पबित्‍रा थाङ्‌सिरि दुतजिनुङ थुमामि पोम्‍बेॽ मिनुङ गन्‍धकमि कुहाङ्‌बेॽ खेः आङ्‌मा खे़ये।

परकास 14:10 Iomraidhean Croise

मत्‍ति 20:22

तर येसुडे़ॽ लुसु, “हे़निङे़ॽ इमाङ ङाःक्‍मे़ॽनिङ्‌सिन्‍डानुमे मो लेसानुम्‍ने। के़ॽ उङ्‌सिॽ पोरोक्‍पॽआ खेःमि खोरियाबाङ, इमा हे़न्‍जिङेॽ उङ्‌हेन्‍जुए ?” मोजिडे़ॽ लुसाजु, “उङ्‌हेन्‍जुङे।”

मत्‍ति 25:41

“मोबा ए़क्‍साङ खोसे़ॽ ए़ङ्‌सिङ्‌लामबेॽहा याॽमिजि लुन्‍डुजे, ‘होउ चापहिबॽआ याॽमिजि! काबाङ ओः खे़ॽपेसानिङे, सैताननुङ मोमि दुतजिमि लागि पोरोक्‌युङ्‌बॽआ इन्‍डोक्‍पेॽसो सिघे़ॽनिये मिबेॽ खडानिङे।

मत्‍ति 26:39

मोबा येसु चाहिँ ए़डे़ॽ मेॽयोङ खे़ॽनुङ भुइबेॽ उःक्‍नुङ पारथना ले़ःॽपुगा, “हे काङ्‌मि पाबा, नुयेहोङ, इगो खेःमि खोरिया काबाङ सेम्‍बेॽमा ना, तर के़ॽ मिप्‍पॽआडोॽ ने़ॽनि, हे़ने़ॽ मिप्‍पॽआ खा पुरा लिरो।”

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

मरकुस 9:44

मो खेःलोकबेॽको इक्‍को फिबासो सिघे़ॽनिबा, मोबेॽ मिसो सिनिबा।

एप्‍पा चोङ्‌सा 10:22

माहाजिडे़ॽ खो लुसुजि, “कानिङ गो तिरिङ्‌गाजिमि चोप्‍पा एप्‍पा करनेलियसडे़ॽ पाङ्‌इटे़। खो धरमिनुङ निवाहाङ्‌मि आदर ले़ःॽखुबा याॽमि ले़ये। खो यहुदिजिडे़ॽसो आदर सम्‍मान पिन्‍डुजे। निवाहाङ्‌डे़ॽ पाङ्‌बॽआ इक्‍को थाङ्‌सिरिदुतडे़ॽ हे़न खोमि खिमबेॽ के़ःॽनुङ हे़ने़हा खा खेप्‍से लुनुङ लुबॽआसे़ॽ करनेलियसडे़ॽ कानिङ हे़न चिक्‍सिॽ पाङ्‌इटे़।”

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

यहुदा 1:7

मोडोक्‍नोॽ सदोमनुङ गमोरा, मोबा मोजिमि किॽयु मिॽयुहा हाइखा सहरबेॽहा याॽमिजिडे़ॽ इक्‍कोबाङ हाइको ले़ःॽसाङ चिक्‍चिमिॽमारोहा मङे़हा बेभिचार ले़टुजि। ए़क्‍साङ माहाजि इन्‍डोक्‍पेॽसो सिनिबा मिबेॽ दन्‍डा आङ्‌घुबाजिमि नमुना लिटामे।

परकास 15:7

मोबा माहा रिबाङ हिङ्‌रिक जिवातजिबेॽ इक्‍कोसे़ॽ चाहिँ सुनामि एच्‍चि गोटा खोरिया एच्‍चि जना थाङ्‌सिरिदुतजि पिसुजि। माहा खोरिया इॽठुप सानिङ्‌मु हिङ्‌रिक टुघुबा निवाहाङ्‌मि सुरिक टुसा।

परकास 16:19

मो बेॽएम्‍मा बेबिलोन सहर सुम फे़क लिसा। चोप देसबेॽहा चोप सहर योघडा, मोडोक्‍पेॽ निवाहाङ्‌डे़ॽ मो बेॽएम्‍मा बेबिलोन सहर मिडु, मोबा किस्‍सिमारोमा सुरिक इॽठुप्‍मा मो खोरिया मो सहरसोक्‍पेॽ ओप्‍ए़न्‍डु।

परकास 18:3

इन्‍ढोङ्‌होङ चोप जातिहा याॽमिजि मो बेस्‍या मेॽनामिॽमि बेभिचारमि मद्‌यडे़ॽ सेॽखे़टामे। मोबा मक्‍खाम्‍डेमबेॽहा चोप हाङ्‌बाजिडे़ॽ मोनुङ बेभिचार ले़ए़टुजे, मोबा मोसे़ॽ नेन्‍जाबॽआनुङ मिॽपॽआडोॽमा हिङ्‌मवा हिङ्‌बॽआसे़ॽ मक्‍खाम्‍डेमबेॽहा चोप हाङ्‌बाजि मोमि लालचाडे़ॽ टिप्‍खे़टुजे।”

परकास 18:6

आक्‍कोसे़ॽ इमा इमा ले़ए़टुए, खोसो मोडोक्‍नोॽ ले़टानुमे, मोसे़ॽ हे़निङ ले़ःॽपॽआबाङ्‌सो दोब्‍बोर बेॽलो खो टेबेॽटानुमे, हे़निङ्‌मि लागि पोरोक्‍पॽआ मद्‌यबाङ्‌सो दोब्‍बोर खरोमा मद्‌य खोमि खोरियाबेॽ ए़म्‍बेॽटानुमे।

परकास 19:15

मक्‍खाम्‍डेमबेॽहा जाति जातिहा याॽमिजि हेजामामि लागि खोमि याबुकबाङ फेया पे़आबा। खोसे़ॽ चे़क्‍चिमि टोङ्‌इराडे़ॽ माहाजिसोक्‍पेॽ नम्‍नम मे़ॽनिङ सासन ले़न्‍डुए। अङ्‌गुर कोलबेॽ ए़न्‍नुङ यिम्‍डिडोॽ चोप्‍पाङ बेॽए सक्‍तिदाङ्‌बा निवाहाङ्‌मि सुरिकमि कोलबेॽ माहाजि यिम्‍इन्‍डुजे।

परकास 19:20

मोबा मो जिवातनुङ मोमि पोम्‍बेॽ खरिहा योम्‍बोक ले़ःॽखुबा मे़ॽनोक्‍मा अगमबक्‍ता निप्‍पाङ्‌नोॽ कैदि लिसाजि। इघा खरिहा योम्‍बोकबाङ मो रेम्‍सिङ अगमबक्‍ताडे़ॽ मो जिवातमि छाप टिघुबाजिनुङ मोमि मुरतिमि पुजा ले़ःॽखुबाजि रेम्‍बॽआ ले़टामे। हाङ्‌मे़ॽनिङ्‌सिबॽआ गन्‍धकमि बेॽएम्‍मा थाउरुमबेॽ मोजि हिङ्‌रिकनोॽ राप्‍ए़न्‍डुजि।

परकास 20:10

माहा जाति जातिजि रेम्‍खुबा मो सैतान चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽएम्‍मा थाउरुमबेॽ राप्‍हेक्‍सु, मोबेॽ मो जिवातनुङ माहा रेम्‍सिङ अगमबक्‍ताजिसो हिॽमे़ॽनिङ्‌सिडामे। मोबेॽ माहाजिडे़ॽ सानिङ लेन्‍डा सेन्‍डा दन्‍डा चुप्‍मिन्‍डुजे।

परकास 20:14

मोबा ए़क्‍साङ सिमवानुङ पातालसो मिमि कुन्‍डाबेॽ राप्‍खडा, इगो मिमि कुन्‍डा लुबॽआ चाहिँ हाइकोमा सिमवा ले़ये।

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”