परकास 13:8 - याम्फु

⁸ मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 13:8 Iomraidhean Croise

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

लुका 10:20

मोडोक्‍सो मङे़ॽमा चापजि हे़निङ्‌मि अधिनबेॽ टुम्‍मे लुनुङ ए़ॽसाप्‍थाक्‍सानिङे। तर टाङ्‌बामि निङ थाङ्‌सिरिॽटु साप्‍नुङ युङ्‌बॽआ ले़ये लुनुङ चाहिँ साप्‍थाक्‍सानिङे।”

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

फिलिप्‍पि 4:3

हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

तितस 1:2

मो बिस्‍वासनुङ निवा चाहिँ ए़ॽसिघे़ॽमे हिङ्‌मवामि आसबेॽ टुये, मोबा इन्‍डोक्‍पेॽसो मे़रेम्‍डेॽखुबा निवाहाङ्‌डे़ॽ याक्‍लोएम्‍बाङ कानिङ इगो हिङ्‌मवा पिनिम्‍ने़ लुनुङ हेन्‍ज्‍रुङ ले़ए़टुए।

परकास 12:15

मो मेॽनामिॽ वाडुमडे़ॽ यिःॽखे़ॽटुरो लुनुङ मो बेॽएम्‍मा पुसे़ॽडे़ॽ खोमि याबुकबाङ होङ्‌माडोॽ योङा यिएन्‍डु।

परकास 13:12

मोसे़ॽ याक्‍लोमा जिवातमि पोम्‍बेॽ मो जिवातमिन्‍नोॽ अधिकारबाङ्‌ए सक्‍तिबाङ चोप ले़टुए। मोसे़ॽ मक्‍खाम्‍डेमबेॽहा चोप याॽमिजि मो हुवा नुघे़ॽपॽआ याक्‍लोमा जिवातमि पुजा ले़ःॽमेॽटुजि।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 3:10

हे़निङे़ॽ चोप खालहा खेः आङ्‌मा सिॽमाबेॽसो बचन पालना ले़ःॽपॽआसे़ॽ, इगो मक्‍खाम्‍डेमबेॽहा चोप याॽमिजिमि जाँच ले़ःॽसिॽ लेङ्‌इये बेॽएम्‍मा खेःबाङ के़ॽ हे़निङ जोगा ले़न्‍निम्‍ने़।

परकास 3:20

खेप्‍सानुमे, का राम्‍डेमबेॽ येःप्‍नुङ ढकढक रोःइनुङे। सेम्‍ला खेम्‍नुङ राम्‍डेम हेनानुमहोङ का होङ्‌सिॽयु लेङ्‌इङे़, हे़निङ्‌नुङ सोरि पेन्‍नुङ चामा चाङे, मोबा हे़निङ्‌सो कानुङ सोरि पेन्‍नुङ चान्‍डानुमे।

परकास 3:5

असे़ॽ हेजोन्‍डुए, माहाजिनोॽ के़ॽ उथ्‍रिॽहा चेॽ चाङ्‌मेनुङ्‌हाजिनुङ हिङ्‌मवामि नेॽचिराबेॽ माहाजिमि निङ सानिङमि लागि साप्‍नुङ युङ्‌बेनुङ्‌हाजि। के़ॽ माहाजिमि निङ पाबा निवाहाङ्‌मिनुङ खोमि दुतजिमि पोम्‍बेॽसो लुनुङे।

परकास 5:12

माहाजिडे़ॽ बेॽए सेम्‍लाडे़ॽ इडोॽ सेम इःसुजि, “बलि लिबॽआ थुमा महिमा, आदर ले़ःॽमारोमा ले़ये, खोनुङ चोप अधिकार टुहा, खो चोप थोकमि याङ्‌सरावादाङ्‌बा ले़ये, खो सक्‍तिदाङ्‌बा ले़येनुङ खो निवादाङ्‌बा ले़ये। मोबा खोमिन्‍नोॽ ओहाङ ले़ःॽमा।”

परकास 5:13

मोबा थाङ्‌सिरिबेॽ, मक्‍खाम्‍डेमबेॽ, पातालबेॽ, माहोङ्‌माबेॽ टुघुबा चोप सिरिस्‍टिडे़ॽ इगो सेम सेम्‍लुमे़ॽनिङ्‌सिबॽआ के़ॽ खेप्‍सुङ, “हाङ्‌पेन्‍ढामबेॽ पेङ्‌घुबानुङ थुमामि सानिङ ओहाङ, आदर, महिमानुङ अधिकार टुडुङ्‌घे़ॽलो!”

परकास 6:1

मोबा ए़क्‍साङ थुमाडे़ॽ माहा एच्‍चि गोटा मोहोरबेॽ इक्‍कोमा मोहोर हेम्‍बॽआ खाङ्‌डोक्‍टुङ, मोडोक्‍पेॽ रिउम हिङ्‌रिक जिवातजिबाङ इक्‍कोसे़ॽ नान्‍द्‌रुङ्‌माडोॽ मुक्‍मानुङ “आबे!” लुबॽआ के़ॽ खेप्‍सुङ।