परकास 13:11 - याम्फु

¹¹ मोबा ए़क्‍साङ के़ॽ मक्‍खाम्‍डेमबाङ पे़आप्‍पॽआ हाइको इक्‍को जिवात खाङ्‌डोक्‍टुङ। मोमिसो थुमामिडोॽमा निच्‍चि सजाङ टुसा, मोसो मो बेॽएम्‍मा पुसे़ॽडोक्‍नोॽ यामुसे़।

परकास 13:11 Iomraidhean Croise

मत्‍ति 7:15

“मे़ॽनोक्‍हा अगमबक्‍ताजिबाङ होसियार ले़टानिङे। माहाजि सामुडोॽ लिनुङ लेङ्‌इम्‍मे, तर होङ्‌सिॽयु चाहिँ किस्‍सिमारोहा एःभाजिडोॽ ले़म्‍मे।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

२ थेस्‍लोनिकि 2:4

मोसे़ॽ आयुरो याॽमिजिडे़ॽ पुजा ले़ःॽपॽआनुङ निवाहाङ लुनुङ मिॽपॽआ चोप थोकमि बिरोध ले़न्‍डुए। मोसे़ॽको मन्‍दिरबेॽ पेन्‍नुङ कानोॽ निवाहाङ ले़ङे लुन्‍डुए।

परकास 11:7

खोजिडे़ॽ टाङ्‌बामि साक्‍छिमि योम्‍बोक येॽनुङ ए़क्‍साङ अतल कुन्‍डाबाङ पे़आप्‍मिये मो जिवातनुङ खोजि काॽइन्‍जे, मो जिवातडे़ॽ माहा निच्‍चि साक्‍छिजि हेजानुङ सेॽनेन्‍डुए।

परकास 12:17

मोबा मो बेॽएम्‍मा पुसे़ॽ मो मेॽनामिॽनुङ बेॽलो सुरकडा, मोबा मो मेॽनामिॽमि हाइखा पसाजि, निवाहाङ्‌मि खा खेम्‍खुबाजिनुङ येसुबेॽ बिस्‍वास ले़ःॽखुबाजिनुङ काक्‍सिॽ खडा।

परकास 13:1

माहोङ्‌माबाङ इक्‍को जिवात पे़आप्‍पॽआ के़ॽ खाङ्‌डोक्‍टुङ, मोमि इक्‍पोङ गोटा सजाङ्‌नुङ एच्‍चि गोटा निन्‍डवाँ टुसा। मोमि चोप सजाङ्‌बेॽ इक्‍को इक्‍को मुकुट टुसा, मोमि चोप निन्‍डवाँबेॽ निवाहाङ सिःक्‍चामे इक्‍को निङ टुसा।

परकास 13:17

मो छाप मे़न्‍टिघुबा असे़ॽसो इमाङ्‌सो मे़इन्‍जोडोक्‍टुजि। मो छाप चाहिँ मो जिवातमि निङ अथबा मोमि निङ्‌मि अङ्‌क ले़टे़।

परकास 13:4

याॽमिजिडे़ॽ मो बेॽएम्‍मा पुसे़ॽमि ओहाङ ले़टुजि, इन्‍ढोङ्‌होङ मोसे़ॽ टाङ्‌बामि अधिकार मो जिवात पिबॽआ ले़टा। माहाजिडे़ॽ इडोॽ लुसाङ मो जिवातमि पुजा ले़टुजि, “इगो जिवातडोॽमा हाइखा असा टुम्‍मे ? इगोनुङ असा काक्‍हेम्‍मे ?”

परकास 16:13

मोबा के़ॽ बेॽए पुसे़ॽमि याबुकबाङ, मो जिवातमि याबुकबाङ्‌नुङ रेम्‍सिङ अगमबक्‍तामि याबुकबाङ पयाकडोॽहा सुम्‍जि चिक्‍चिमिॽमारोहा होङ्‌निवाजि पे़आप्‍पॽआ खाङ्‌डोक्‍टुङ।

परकास 17:6

मोबा मो मेॽनामिॽ चाहिँ निवाहाङ्‌मि याॽमिजिनुङ येसु खिरिस्‍टमि साक्‍छि पिघुबाजिमि हरि उङ्‌नुङ सेॽखे़ॽपॽआ खाङ्‌डोक्‍नुङ। मो खाङ्‌नुङ का सारोनोॽ खरि मिनिङ।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।